پێشڤەچونا وەلاتان ب رەوشەنبیرکرنا جڤاکی یە د چاندنا هزرا خو پێشڤەبرنێ د مێشکێ واندا ب هەمی تەخ و چینانڤە ، دڤێت زانین ببیتە کریار و زانست ببیتە کار !
گەلەک کار بهێتە کرن !
کئم گوتن بهێتە کرن !
کریار نەک گوتن !
کارکرنەکا د بێ دەنگیێ دا و ب پارەیەکێ کێم ژی بیت بەس بەردەوامی هەبیت و ب خەمخوری دێ ئاستێ ئابورێ مە گەلەک بلند بیت ، بنیاتێ هەر وەلاتەکێ خودان هێز ئابورەکێ بەرزە ، هەکەر کار بهێتە کرن ب دروستی پێتڤی ب گازا بن عەرد نابین دا پێشبکەڤین ، کارکرنا ب خەمخوری و ڤیان بو وەلاتی دێ چینە رێزا زلهێزا ، دیڤچوون و پلانێن درێژ خایەن بهێنە دانان بو بیست سالان دا کوردستان ببیتە خودان هێز و شیان و ئابورەکێ بلند .
هەردەمێ مە چاکسازی ب دیموکراسی لسەر بنیاتێ زانست و زانینێ د حوکمرانیێ دا کرن دێ رێکا پێشکەفتنێ گرینەبەر دێ ئەو بیتە ناڤەندا دیموکراسیەتێ .
هەر بریارەکا گرنگ و هەر گهورینەکا مەزن بهێتە کرن وەک پلانا درێژخایەن بو پێشخستنا وەلاتی پێتڤی ب سالەکا تێر و تەسەلە ژ دانوستانان دناڤبەرا هەمی تەخ و چینێن وەلاتی و ڤەکرنا کور و سیمیناران ژ ناڤا جڤاکی و بۆ جڤاکی ، پروسا چێکرنا بریاران دڤێت پێکبهێت ژ هزاران بنگەهێن هزری و بوچنان ، زانکو و زانایێن بەرنیاس و خودان شارەزایی و پیشەکار و هەروەسان بکارئینانا سوشیال میدیایێ بۆ ئازراندنا بابەتی دناڤا هەمی تەخێن وەلاتی دا تاکو ل دوماهیێ کارەکێ جان بهێتە کرن و رازیبونا پرانیا وەلاتیان ب خوڤە بگریت و بریارەکا دروست و بمفابیت بۆ هەرێمێ .
دڤێت سیاسەتەکا نەرم بهێتە هاژوتن د حوکمرانیێ دا داکو هەستێن وەلاتیان نەهێنە ئێشاندن .
کەسانێن خەمخور دکارێن خودا ، خودان شارەزایی د بوارێن جودا جودادا ، بهێنە دەستنیشانکرن و ببنە رێڤەبەرێن وان فەرمانگەهان یێن وی بوارێ وان خزمەت و شارەزایی هەردو تێدا هەین دا چ شاشی نەهێنەکرن د رێڤەبرنێدا و وەلاتی مفای ژ کارزان و پیشەکاران ببینن دا پتر خزمەت بهێتەکرن .
گرنگیەکا تایبەت ب پێشڤەبرنا ئابوری و دێ هەر بێژین : ئابور ! ئابور ! ئابور ! گرتنەبەرا رێکارێن تایبەت بو پێشڤەچونا ئابوری و خوشکرنا بارێ ژیانا کەسێ کورد باشترین رێکە بو گەهشتنا هەر ئارمانجەکێ چنکو بڤێ چەندێ دێ پتر ڤیانا وان بو ئاخ و وەلاتی زێدەبیت و بنە مەتال بوپاراستنێ ژ هەر خائینەک و خوفروشەکی ، دڤێت ئارامییا سیاسی هەبیت ، دڤێت دادوەری ببیتە سەروەر و رێز لمافێن مروڤی بهێتە گرتن و هەمی کەس لبەرامبەری دادگەهێ ب ئێک شێوە سەرەدەری لگەل بهێتە کرن ، دوبارە ئاڤاکرنا دادیێ ل هەرێمێ و بێی دوو دلی راست و دروست ببین دگەل مللەتێ خو ، ئاڤاکرنا هژمارەکا بلند یا قوتابخانە و نەخوشخانا و هەر دێ بێژین گرنگیدان ب خوشکرنا ژیانا وەلاتیان و گرنگیدان ب کەرتێ تایبەت و بەرزکرنا ئاستێ ژیانێ .
چاکسازیێن مەزن و ریشەیی دەستپێبکەین و بوچونێن وەلاتی هەمیێ بکەینە بنەما بو چاکسازییان رازیبونا پرانیا وەلاتی بدەستڤە بینین ، ئەم رێڤەبەریەکێ ب دامەزرینین و ب رێڤەبەریا پێشڤەچونێ بناڤبکەین دا ببیتە بنگەهەک و کار لسەر بهێتە کرن دا ببیتە پێگەهەک بۆ بلندکرنا ئاستێ ئابوری و ژیانەکا بەختەوەر بۆ وەلاتیێن مە .
دڤێت هەستێن وەلاتیان بەرچاڤ بهێنە وەرگرتن و د نەگهوربن و دبەردەوامبن لسەر ڤێ چەندێ، دێ بڤی رەنگی مافێن مللەتی هێنە پاراستن و بۆ ماوێن درێژ ئەڤە دێ بیتە رێکەک بۆ نەخشەدانانەکا درێژخایەن و نە دێ بۆ چار سالێن هەلبژارتنان بیت و چیت وەکی وەلاتێن پاشڤەمای ل دەڤەرێ .
ئەو قەیرانێن لسەر حکومەتا هەرێمێ را هاتین ببونە ئەگەرێ راوستاندنا پێشڤەچونێ و کار هەمی هاتبونە راوەستاندن لێ ب هەبونا پارتی لسەر دەستهەلاتێ و بتایبەت جەنابێ سەروک وەزیران نێچیرڤان بارزانی ئەڤە هەمی سڤککر و ب شارەزایی و پێنگاڤێن دروست خەونا خوفروش و نەحەزان دالای و دیسان هەرێم کەتە سەر پێگەهێ ئاڤەدانکرن و پێژڤەچونێ و کار لسەر چاکسازی و ئاڤاکرنێ هاتەکرن .
هێزا پارتی دێ بیتە رێک بو پێشڤەبرنا ئابوری و ئاڤاکرنا وەلاتی چنکو ! سەرکردێن پارتی بارزانی نە ئەو دلسوزێن ئاخ و مللەتێ خونە و کارێ وان یێ بویە ئاڤکرن و پێشڤەبرن.
ئەم دشێین بێژین ب هەبونا جەنابێ نێچیرڤان بارزانی بو رێگر لبەرامبەر ژناڤچونا بەنکێن هەرێمێ و گەنجینا هەرێمێ دیسان ب پێکولێن بەردەوام یێن جەنابێ وی ژ وەلات بۆ وەلات و بێی وەستیان هەرێم راگرت و نوکە یێ دەست ب ئاڤاکرنا وەلاتی کری .

ل دوماهیێ دێ بێژین پێشکەفتنا وەلاتان ب چاکسازی و کارزانان دهێتەکرن پاشان خودانێن بریار ددەستدا دشێن پێداچونەکا ریشەیی د هەر بریارەکێ دابکەن و بریارەکا گەلەک دروست دێ هێتەدان .