د دیرۆکێ دا دامەزراندنا حکومەتەکا کوردی و دورست بوونا قەوارەیەکی سەربەخۆیێ کوردی، خەونا گەلەک ژ سەرکردە و ھۆزانڤان و رەوشەنبیر و نیشتیمان پەروەرێن کورد بوویە. کو مخابن تەمەن رێگر بوو و گەلەک ژوان نەشیان ل ژێر دەستھەلاتا حکومەتەکا کوردی بژین.

پشتی ڕاپەڕینا بەھارا ۱۹۹۱ ێ دەرفەتەک زێڕین بۆ ژدایک بوونا حکومەتەکا کوردی دروست بوو. ل سالا ۱۹۹۲ ێ حکومەتەکا کوردی ژلایێ ئەنجومەنا نیشتیمانیا کوردستانێ کو نھا بەرنیاسە ب پەڕلەمانێ کوردستانێ، ھاتە دامەزراندن.

حکومەتا ھەرێما کوردستانێ د کابینەیێن ئێک لدویڤ ئێکدا، شارەزایی د کارکرنێ دا و ئەنجام دانا پرۆژێن خزمەت گوزارێ دناڤ خۆیا وەلاتی دا و دروست کرنا پەیوەندیێن نێڤدەولەتی دەست پێکر. ب تایبەت ل پشتی ھەڕفینا رژێما بەعس ل سالا ۲۰۰۳ ھەردوو کابینەیێن جودایێن سلێمانی و ھەولێرێ ھەڤدوو گرتن، پێخەمەت پێک ئینانا کابینا پێنجێ و رێزدار نێچیرڤان بارزانی رابەرایەتیا وێ کابینێ دکر. کابینا پێنجێ ب سەرکردایەتیا نێچیرڤان بارزانی رێک خۆشکر بۆ ئەنجامدانا گەلەک پرۆژێن خزمەت گوزاری کو بەری ھنگی ئەنجام دانا وان ئەستەم بوو . مینا دروستکرنا فرۆکخانەیێن نێڤدەولەتی و پێش ئێخستنا سیاستا نەفت و گازێ و دروست کرنا دەرفەتێن کاری دکەرتێ تایبەتدا. کابینا شەشێ ب سەرکردایەتیا رێزدار دکتۆر بەرھەم برێڤە چوو.

د کابینەیا حەفتێ دا نێچیرڤان بارزانی جارەکا دی زڤڕیە دناڤ حکومەتێ دا و جارەکادی وەک سەرۆکێ ئەنجومەنێ وەزیران دست ب کاربوو و چەندین دەسکەفتێن ستراتیژی بدەستڤە ئینان. ژ گرنگرنگترین ئەوان دەسکەفتان:

پێش خستنا کەرتێ نەفت و گازێ، دابین کرنا کەھرەبێ، ژێرخانا چاکسازیێ د کەرتێ پەروەردە و تەندروستیێ دا، بلند بوونا داھاتێ تاکەکەسی د جڤاکی دا. ل کابینەیا ھەشتێ، ھەرێما کوردستانێ ژ ئەگەرێ دابەزینا بھایێ پھترۆلێ د بازاڕێن جیھانیدا و شھرێ داعشێ و ئاریشھیێن سیاسی، توشی قەیرانەکا دارایی بوو. ھەرچەندە کو ھەرپێنچ حزبێن سەرەکی ل کردستانێ د پێک ئینانا حکومەتێدا پشکدار بوون. لێ ھندەک ژوان نەشیان ئەو بارگرانیا ب رێکا قەیرانا دارایی کەفتیە سەر ملێ حکومەتێ رابکەن و ژ بەرپرسیاریەتێێ ڕەڤین. ب ڕۆژ د حکومەتێدا بوون و ب شەڤ ژی د کەنالێن ڕاگەھاندنێن خوە دا ئۆپزسیۆن بوون. لێ ڕێزدار نێچیرڤان بارزانی وەک سەرۆک وەزیرێن ھەرێما کوردستانێ شیا سەرەدەریەکا ئاقلانە دگەل بارودۆخێ کوردستانێدا بکەت و شیا ل ھەمبەر وان ئاستەنگان رابوەستیت و کوردستانێ ل ئەڤێ قۆناغێ دەرباز بکەت.

ھەلبەت ئاشکرایە کو نێزیکی دوو ملیۆن ئاوارە و پەنابەر ل ھەرێما کوردستانێ ئاکنجی بوون. ئەڤەژی دیسان بوو بارگرانی ل سەر ملێ حکومەتا ھەرێما کوردستانێ و قەیرانا دارایی قولتر کر. لێ نێچیرڤان بارزانی ب رێکا حکومەتێ نەھێلا ئەو ھزر دروست ببیت کو ئاوارە و پەنابەر وھلاتیێن پلە دوونە دڤی وەلاتیدا، ھەردەم ب شێوەیێ ئێکسان سەرەدەری دگەل ھەردوو ئالیان دا کریە . ئانکو دێ شێین بێژین سەرەڕای ھەبوونا گەلەک قەیرانان لێ نێچیرڤان بارزانی شیا کوردستانێ ژوێ دۆخێ دژوار دەربازبکەت و بھێزتر لێ