ولاتیێن ھەرێما کوردستانێ ب شێوازه‌کێ گشتی باوەری ب کەرتی ساخلەمیێ نه‌مابوو . ھەر ھەولاتیەک توشی چ جورەک نه‌ساخی ببایە ژ بەر ناباوەریێ ب کەرتێ ساخلەمیێ و بەربەلاڤ بوونا حالەتێن زور یێت شاشییێن نوژدارا و خوارن و ڤەخوارنا دەرمانا بێ گۆرانکاری ل سەر نساخیا وان کەت بەلکو پێچەوانە نساخی پتر ئێشان و نەخوشی دیتن . ئەڤ چەندە ببوو ئەگەرەکێ مەزن خەلک بۆ ھەر نساخیەکێ چ یا بچیک چ یا مەزن پەنا د بەرە بەر دەرڤەی وەلاتێ و وەلاتێن جیران ب تایبەتێ ئەڤێ چەندێ ژی زیانەکا مەزنتر ھەبوو بۆ روویێ ئابوریێ خەلکی، چونکی بارێ خەلکی پتر گران دبوو زێدە باری کارتێکرنا ئابورێ کەرتێ ساخلەمیێ کەت ژ بەر نەباوەڕیا خەلکی ب ڤی کەرتێ گرنگ. ھەلبەت خالا چارێ یا بریارا نێچیرڤان بارزانی سەروکێ حکومەتا ھەرێما کوردستانێ ل سەر کەرتێ دەرمانسازیێ کو ژ ھەشت بەندا پێک دھێت دێ بەرژەوەندیا ھەولاتێن ھەرێمێ دابیت، تایبەت دیارکرنا بھای ژ لایێ سەندیکا دەرمانسازا ڤە، ل ڤێرە گۆھه‌رینا بھایان نابیت ژ دەرمانخانەکێ بۆ ئێکا دی و دێ بەرژەوەندیا خەلکێ دابیت بێ جیاوازی دیسان باوەریا جۆری زۆرا گرنگە ژ بۆ دەرونێ نساخی کو پتر باوەریێ دێ دەتێ ژ لایێ بکار ئینانێ ڤە مادەم ب زانیت کو حکومەت چاڤدێریێ ل سەر دکەت ئەڤ چەندە ژی دبیتە پالدەرەکێ باشتر بۆ دەرونا نساخی چونکی ئارامی و پشت راستیا دەرونی نیڤەکا چارەسەریێ یە . ھەلبەت ھەر د خالا چارێ دا یا بریارا سەروک حکومەتێ ھەرێما کوردستانێ کو ژ بەندێ دا ئاماژە ب ناڤێ پزیشکێ بھێتە دان دەمێ دەرمان بھێتە بکار ئینان بۆ نساخی ئەڤە پالدەرەکێ دیە کو خەلەت بکار ئینانا دەرمانان بھێتە راوستاندن و نوژدار پتر ب وژدانانە کارکەن، چونکی دژی ڤان خالان دێ ھێنە سزادان کەواتە دێ پتر خەلکی باوەری ب نوژدارا ھەبیت بۆ وەرگرتنا چارەسەریان .
دیسان ماوێ ب کارئینانا دەرمانان ژی زورا گرنگە ھەر د ڤێ خالێ دا ھەیە .چونکی زوربەیا خەلکی چ گرنگیێ ب ماوێ دەرمانا ناکەت و زوربەیا بازرگانان ژی بو خو دەلیڤە دبینن بو ڤەشارتنا ماوێ ب سەر ڤە چونێ لێ ئەڤ خالا چارێ ژ بریارا حکومەتێ زورا گرنکە بو کونترولکرنا دەرمانیێن ماوە ب سەرڤە چوی دیسان بو چارەکرنا ئاریشا سەرڤە چونێ و بکارنەئینانا وان ژ لایێ ھەولاتیان ڤە