ئه‌مریکا لدویف ناتویه‌کا عه‌ره‌بی دگه‌رهیت
شڤان سالم گولی
دبیت زور جارا ئه‌ڤ بارگرژیا دناڤبه‌را ئیران و ئه‌مریکا دا زور جاران ئه‌م چاڤه‌رێ شه‌ره‌کێ خویناوی دناڤبه‌را ئه‌مریکا و ئیرانێ دا کربین لێ ئه‌وا راسته هه‌تا نها هیچ یه‌ک ژ وان ولاتا ده‌ست پێشخه‌ر نه‌بوویه بو ڤێ چه‌ندێ هه‌ر چه‌نده جارجار لێدوانێن توند دژی هه‌ڤدوو هه‌بووینه ... لێ ئه‌وا دڤێت ژبیر نه‌کین ئه‌وه کو هه‌ردوو وه‌لات خاوه‌ن ئیستراتیجیه‌تێت خوه بووینه و هه‌تا نها زانینه کو دێ چه‌وا یاریێ ل روژهه‌لاتا ناڤبه‌راست کن...
لێ پشتی سه‌رهدانا بهارا عه‌ره‌بی و تێکچوونا بارێ ئه‌منی و سه‌ربازی و سیاسی ل هنده‌ک وه‌لاتیة عه‌ره‌بی (سوریا ، یه‌مه‌ن و ئێراق، و تا رادده‌یه‌کێ به‌حره‌ین ) ێ ژی ده‌لیڤه‌کا باش بو ئیرانێ په‌یداکر کو ده‌ستێن وێ ل پتریا ولاتێن ناوچا روژهه‌لاتا ناڤین و که‌نداڤا عه‌ره‌بی ب تایبه‌ت زور درێژتر و ره‌هاتر بن ژ ده‌ستێن ئه‌مریکا و ئه‌ڤێ چه‌ندێ کارتێکرنه‌کا زور مه‌زن ل ئه‌مریکا کریه وه‌ک وه‌لاته‌ک زلهێز ل جیهانێ
پشته‌ڤانیا هه‌ر یه‌ک ژ چین و بریتانیا و تاراددیه‌کێ ژی روسیا ژ ئیرانێ باشتر بارێ ئه‌مریکا گران کریه و ناڤ و ده‌نگێ وێ پتر ئیخستیه د چوارچوڤه‌کێ سنوردارکری دا کو ئه‌مریکا هیچ ب ڤێ چه‌ندێ رازی نینه، لێ ئه‌وا ئه‌مریکا ره‌چاڤ دکت ترسا وێ ژ هندێ یه دویر نینه وه‌شاندنا گورزه‌کێ سه‌ربازیێ راسته خوه لسه‌ر ئیرانێ دبیت ئاکامێت گه‌له‌ک دژوار لسه‌ر ناوچێ هه‌بن بگره شه‌رێ سێیه‌مێ جیهانی ژی ژێ چاڤه‌رێ کریه کو ب باوه‌را من ئه‌مریکا ناخوازیت روبه‌رو بوونه‌کا سه‌ربازی دگه‌ل هه‌ڤپه‌یمانێن خوه وه‌ک بریتانیا هه‌بن و دیسان ناخوازیت به‌رژوه‌ندیێن وێ ل ناوچێ ژ ده‌ست بچن یان بکه‌ڤن ژێر فشارا ژ ناڤ چوونێ،،ته‌قیێن ڤێ داویێ ل ده‌ریا سور(ته‌نگه‌یا باب ئه‌لمه‌ندب)ژی نموونه‌یه‌کا باشه ل سه‌ر درێژیا ده‌ستێ ئیرانێ و گڤاشتن خستنا سه‌ر به‌رژوه‌ندیێة ئه‌مریکا..
ب باوه‌را من ئه‌مریکا ب خوه پاراستن ژ ڤێ روب رو بوونا راسته‌وخو په‌نا یێ دبیت به‌ر سازکرنا ناتویه‌کا عه‌ره‌بی کو ژ هه‌ر یه‌ک ژ(سعودیا عه‌ره‌بی، ئوردن، کوێت، ئیمارات ،به‌حره‌ین) پێک دهێت بو روبرو بوونه‌کا سه‌ربازی ل دژی ئیرانێ و هه‌موو هه‌ول و بزاڤێن خوه ژی دءیخیته گه‌ر ...هه‌لبه‌ته ئه‌مریکا ژ ڤێ پێنگاڤێ ئارمانج و ده‌ستکه‌فتێن خوه دێ هه‌بن کو ئه‌ز باوه‌رم دێ دڤان خالان دا خوه دیار کن
1/ په‌یدا کرنا شه‌ری دناڤبه‌را عه‌ره‌ب و ئیرانێ دا خرابکاری و ژناڤ چوونه‌کا مه‌زن دێ ئێخیت ناوچێ و ئه‌مریکا وهه‌ڤ په‌یمانێت وێ دێ روله‌کێ به‌رچاڤ د ئاڤا کرنا ناوچێ دا هه‌بن کو ئه‌ڤه داهاته‌کێ باشه بو وان
2/ دابه‌شکرنا ناوچێ و لسه‌ر هنده‌ک ولاتێن بچویک ب ناڤێ هه‌بوونا نه‌ته‌وه و مه‌زهه‌بێن یێن جدا جدا دناڤ دا ئیران و سعودیه وه‌ک نموونه و ئه‌ڤه دێ بیته ده‌لیڤه بو هندێ کو ئه‌مریکا و هه‌ڤالبه‌ندێن خوه ده‌ست دانن سه‌ر زوره‌ک ژ ژێده‌رێن ئابوری ل ناوچێ
3/ نه‌مانا ولاتێن زلهێز ل ناوچێ کو ئیذی بشێن گه‌ف و مه‌ترسی بن ل سه‌ر به‌رژوه‌ندیێن ئه‌مریکا
