پارتی ئەو رێبازەیە كە هەڵقوڵاویی گەلێكی ستەمدیدە و خاك و نیشتیمان داگیرودابەشكراوە كە هێزومتمانەی لە گەلی كورد پێبەخشراوە و هەموو تێكۆشانی لە پێناو سەرفرازی و رٍەتكردنەوەی ژێر دەستیی بووە .پارتی دیموكراتی كوردستان هەر لە رۆژی دامەزراندنییەوە و تا بە ئەمرٍۆ گەشەکردنی پێویستیەکی مێژوویی و وەڵامێکی پڕ بە پێست و گونجاوی قۆناغەکە بووەو ڕووبەڕووبونەوەی هەمەلایەنەی ستەم و زۆرداری داگیرکەرانی خاک بووە، بە بیروباوەڕێکی تەواو کوردانەو سیاسەتێكی ژێرانە لە نێو گۆرٍەپانی خەبات و هەڵگری ئاوات و داخوازیەکانی هەموو تاک و سوچێکی نیشتمان بووە تا ئەو ڕۆژەی تاکەکانی نیشتمان تەنیا خەمی خاک و خەڵکیان هەڵگرتبو تێکڕا لە دەوری پارتی و سەرکردە کاریزماکەی کۆبونەتەوەو درێغیان نەکردووە لە هەمو جۆرە قوربانی دانێک و هەمیشەش کردارەکانی پارتی و سەرکردایەتیەکەی جیا نەکراونەتەوە لە ناخی هەر تاکێکی نیشتمان، هەر ئەمەش وایکردووە زیاتر لە حەفتا ساڵ و تاوەکو ساڵانێکی دوورودرێژی زۆریش هەر پێشڕەوو ژمارە یەک بێت.لە درێژی ئەو هەمو ساڵانەو ئەو قۆناغە جیاجیایانەی بەسەر گەلی کوردستاندا تێپەڕیون بۆ دۆست و دوژمن ڕوون بۆتەوە کە پارتی و سەرکردایەتیەکەی بڕیار بەدەستی یەکەم و کۆتایی گەلن و بەبێ ئەوان هیچ بڕیارێکی چارەنوسساز و یەکلاکەرەوە نادرێت و ناسەپێندرێت، چونکە زۆرینەی گەل متمانەی خۆی پێبەخشیون و بە نوێنەری ڕاستەقینەی خۆی دەزانن، هەر ئەو متمانە و گردبونەوەیەش سەلمێنەری ئەو ڕاستیەیە کە پارتی و بارزانی بڕیار بەدەستی شەڕو ئاشتین لە کوردستان.بە هەمو جۆرێک لە ناوخۆو دەرەوە دژایەتی و گەلە کۆمە لە دژی پارتی و سەرۆك بارزانی کراوەو هەمو هەوڵێک بۆ لەناو بردن و لاواز کردن و دوورخستنەوەی دراوە، بەڵام چونکە پارتی هەڵقوڵاوی نێو ناخی هەمو تاکێکی ئەو نیشتمانەیە و ڕەسەنایەتی سەرتاپای داپۆشیوە و زۆرینەی خەڵکی کوردستان ئاوێتەی بووەو نەمانی پارتی بە نەمانی خۆیان دەزانن نەک لاواز نەبووە بەڵکو تا ڕۆژگار تێپەڕیوە ڕیشەی زیاتر بە خاکی پیرۆزی کوردستاندا چۆتە خوارێ و گەیشتۆتە هەمو سوچێکی نیشتمان و تا دێت لە جاران زیاتر بە هێزترو تۆکمەتر دەبێت.ئەو گشت دەستکەوت و خەبات و قوربانیدانە بێ دابڕان و پاشەکشەنەکردنە وسازش نەکردنەی پارتی لەسەر مافە نەتەوەییە ڕەواکان سەلمێنەری ئەو ڕاستیە حاشا هەڵنەگرەیە کە پارتی و بارزانی تاکە لایەنی متمانە پێکراوو بە توانای گەیاندنی میللەتن بە هەمو مافە ڕەواکانی و هەرخۆشیان لایەنی بڕوا پێکراوی پارێزەری دەسکەوتەکانن. رێبازی پارتی و بارزانیی درێژەپێدەری گشت شۆرٍشەكانە لە پێناو بەدیهێنانی ئاواتی لە مێژینە و گەیاندنی كورد بە كەناری دڵنیاییی..
خۆراگری لە رۆژگارە سەختەكان ، پێشمەرگایەتی ـ دیپلۆماسی و كارێزمایی و خوێندەنەوەی ژیرانە بۆ رووداو پێشهاتەكان ئەو خەسلەتانەن كە وایكردووە كە سەرۆك بارزانیی زەروورەتی مێژووییە بۆ ئێستا وئایندە دۆزی كورد. سەروەرییەكی گەورەی میللەتی كورد، هەمیشە لەوەدا بووە كە سەرۆك مەسعود بارزانی و رێبەرو رێ نیشاندەرو پێشمەرگەی بووە. ئەمەش وەك چۆن سەروەرییەكی گەورە بووە بۆ خودی جەنابی سەرۆك كە بەرپرسیارێتی و سەرۆكایەتی میللەتێكی كاریگەرو دڵسۆزو بە ئەمەكی وەكو كوردی لەسەر شان بووە. میللەتان كاتێك كەشتییەكانیان بە دەست كەشتیەوانێكی شارەزاو وردبین و لێهاتووی وەك سەرۆك بارزانی دەبێت، هەرچەندە بارودۆخەكەیان ئاڵۆزو زەحمەت و دژواریش بێت، ئەوا لە ئەنجامدا، بە دڵنیایی و باوەڕێكی پتەوەوە هەنگاو بەرەو پێشەوە دەهاوێژن و دڵ پڕ هیوا و دەروون پڕ بڕوا، رووبەرووی هەموو سەختی و زەحمەتییەكان دەبنەوەو لە ئەنجامیشدا ئاواتەكانیان دێتە دی و خەون و خەیاڵە رەواكانیشیان دەكەن بە واقیع.
میللەتان لە هەموو جیهاندا، لە چەقە رێگای خەباتی بێ وچانیان دا، لە پێناو دەستەبەركردنی ئازادی و سەرفرازی و شارستانی، هەمیشە خوڵقێنەری سەركردەی گەورەو شایستەو راستەقینەن. لە هەمان كاتدا، سەرۆكی دووربین و راستەقینەو دڵسۆزو كارامەش، هەمیشە كاریگەرترین فاكتەری بەرەو پێش بردن و گەشەپێدانی ژیان و چارەنووسی میللەتانە. یەك لە خەسڵەتە گەورەو بایەخدارەكانی سەرۆك بارزانی هەمیشە لەوەدایە كە ئەو پێوانەو رێبازە سیاسییەی پەیڕەوی دەكات، رێبازو كەلتوورێكی رەگ وریشەدارو درێژخایەن و مێژوویەكی نەپساوەی خەباتە كە ئەویش رێبازو كەلتووری بارزانیی نەمرو بنەماڵەی شكۆداری بارزانیانە، بۆیە هەمیشە لە پانتایی سیاسەتی كوردیدا، دابو نەریتێكی وای داڕشتووە كە كەم لە میللەتانی ناوچەكە دابونەریتی دەوڵەمەندو ئەكتیڤی لەو جۆرەیان هەیە. بە بڕوایەكی زۆرو متمانەیەكی بەهێزی ئەوتۆوە جوڵاوەتەوەو پێشەنگی كاروانی شكۆدارانەی میللەتی كوردی بەرێوە بردووە كە كەم لە تاقیكردنەوە سیاسییەكانی ناوچەكە بڕواو متمانەی لەو بابەتەیان بە سەرۆكەكانی خۆیان هەیە. بە ئازایەتی و جورئەتێكی ئەدەبی گەورەوە بڕیاری داوە كە كەم جار لە ناوچەكەماندا سەرۆك هەیە بەو جورئەتەوە بڕیار بدات.
جگە لەوەی مافێكی یاساییە ، لە هەمانكاتدا بە دیموكراسیی ترین پرۆسەی دیموكراسی هەژمار دەكرێ‌ بۆ بریاردانی گەلێك بۆ ئایندەی خۆی . بۆیە داگیركەران ئەوانەی كە هیچ كاتێ‌ باوەریان بە مافەكانی كورد نەبوو و هەمیشە ویستیان ئەوە بوو كە كورد ژێر دەست و بەداگیركراویی بمێنێتەوە ، بە ریفراندۆمی گەلی كوردستان بە ئاگا هاتنەوە و تێگەیشتن كە خۆ دزینەوە لە مافەرەواكانی كورد تا هەتا سەر نابێ‌ .دوای‮ ‬خیانتكارییەكەی‮ ‬16ی‮ ‬ئۆكتۆبەر،‮ ‬هۆكاری‮ ‬لەدەستدانی‮ ‬كەركووك و ناوچەكانی‮ ‬دیكەیان خستە ئەستۆی‮ ‬گشتپرسی،‮ ‬بێ ئەوەی‮ ‬ئاوڕێك لە رابردووی‮ ‬نزیك بدەنەوە،‮ ‬كە چەندین كاری‮ ‬نادەستووری‮ ‬و نایاسایی‮ ‬دژ بە گەلی‮ ‬كورد ئەنجامدرا،‮ ‬كە ئەو ساتە هیچ‮ ‬بیرۆكەی‮ ‬ریفراندۆمی سەربەخۆیی ‬وا بەزەقی‮ ‬لە ئارادا نەبوو،‮ ‬ئەی‮ ‬ئەوكات هۆكارەكەی‮ ‬چی‮ ‬بوو؟ ئایا هۆكارەكەی‮ ‬ئەوانە نەبوون كە داوای‮ ‬بڕینی‮ ‬قوتی‮ ‬هاووڵاتییانی‮ ‬كوردستانیان لە بەغدا كرد؟ ئایا هۆكارەكەی‮ ‬ئەوە نەبوو كە ویستیان هەرێمی‮ ‬كوردستان كە بە گوێرەی‮ ‬دەستوور و‮ ‬یاسا و خوێنی‮ ‬شەهیدان و خەباتی‮ ‬پێشمەرگە قارەمانەكان،‮ ‬بوونی‮ ‬هەیە؟‮ ‬دوای‮ ‬خیانەتكاری‮ ‬16ی‮ ‬ئۆكتۆبەر و رادەستكردنی‮ ‬كەركووك ئەم فرمێسكە تیمساحیە بۆچییە بە تایبەتی‮ ‬ئەوانەی‮ ‬بوونە كەوا سووری‮ ‬بەر لەشكر و چاوساغیان،‮ ‬ئێستا دەتانەوێت بەو میللەتە بڵێن كە گشتپرسی‮ ‬هۆكار بوو،‮ ‬لەو باوەڕەدان میللەت ساویلكە بێت،‮ ‬ئەگەر بەو شێوەیە لە میللەت گەیشتوون ئەوە هەڵەن چونكە ئەوانەی‮ ‬دەنگیان بۆ سەربەخۆییدا رۆڵەی‮ ‬بەوەفا و تێكۆشەری‮ ‬ئەم میللەتەن كە ئێوە ناتوانن چەواشەیان بكەن‮.بەڵێ بۆ ریفراندۆمی سەربەخۆیی‮ ‬هۆكار بوو،‮ ریفراندۆمی سەربەخۆیی ‬هۆكار بوو كە دۆزی‮ ‬كورد جارێكی‮ ‬دیكە ببێتەوە سەردێڕی‮ ‬سەرەكی‮ ‬راگەیاندن و ئەجێندای‮ ‬زلهێزەكان،‮ ‬بەڵێ گشتپرسی‮ ‬هۆكار بوو كە كورد دووپاتی‮ ‬ئەوەی‮ ‬كردەوە،‮ ‬كە خاوەن بڕیاری‮ ‬خۆیەتی‮ ‬و كەسی‮ ‬تر ئەو مافەی‮ ‬نییە لە بری‮ ‬كورد بڕیار بدات،‮ ‬بەڵێ سەرۆك بارزانی‮ ‬سەركردایەتی‮ ‬ئەو پرۆسە مێژووییەی‮ ‬كرد و سەری‮ ‬بۆ كەس دانەنەواند كە هەردەم سەربەرزە،‮ ‬بەڵێ سەرۆك بارزانی‮ ‬خەبات و تێكۆشانی‮ ‬بۆ سەربەخۆیی‮ ‬كوردستانە و تەنیا سەری‮ ‬بۆ ئەو شەهیدانەی‮ ‬لەپێناو سەربەخۆیی‮ ‬كوردستان گیانیان بەختكرد و بۆ جیهانیان سەلماند كە كورد خاوەنی‮ ‬بڕیاری‮ ‬خۆیەتی‮ ‬لە پێناو كرامەت و ئازادی‮. ‬ئەوانەی‮ ‬دەیانەوێت خۆیان لە راستییەكان لابدەن،‮ ‬ئەوان پێش هەموو كەسێك دەزانن كە گشتپرسی‮ ‬هۆكاری‮ ‬ئەو ئاڵۆزییە نەبوو،‮ ‬بەڵكو كردەوە خیانەتكارییەكەی‮ ‬16ی‮ ‬ئۆكتۆبەر بوو كە پێش هەموو شتێك دژی‮ ‬سەربەخۆیی‮ ‬ئەنجامیاندا،‮ ‬ئەگەر ریفراندۆمی سەربەخۆیی‮ ‬هۆكار بوایە پارتی‮ ‬دیموكراتی‮ ‬كوردستان ئەو سەركەوتنە مەزنەی‮ ‬لە هەڵبژاردنەكانی‮ ‬پەرلەمانی‮ ‬عێراقی‮ ‬بەدەست نەدەهێنا‮. لە هەمانكاتدا بۆ هەموو جیهان روون بۆوە كە گەلی كورد ئەمرۆ یا سبەی دەبێ‌ ببێتە خاوەن كیانی سەربەخۆیی خۆیی . تا خاوەنی پێشمەرگەیەكی فیداكار و كارێزمایی وەك سەرۆك بارزانیی بێ هیچ كات لە خەبات و تێكۆشان و بۆ گەیشتن بە مافەرەواكانی پاشگەز نابێتەوە ..