پشتی ئارام بوونا کوریا باکور و رازی بوونا کیم جونگی ب دان و ستاندنا ئێدی ئەمریکا دوژمنەکێ زور ب مەترسی ل سەر بەرژوەندیێت خوە ژ بەر سنگێ خوە لادا و هەست ب بار سڤک بوونەکا باش دکت
خالا یەکلا کەرا بەرژوەندیێت ئەمریکا روژهەلاتا ناڤەراستە و ب تایبەت (ئێراق و سوریا) گرنگترینین وانن ئەڤە ژی ژبلی سەرچاوەیەکێ ئابوریێ باش بو ئەمریکا جهێ ململانەکا توندن دگەل ئیرانێ هەر چەندە ئەمریکا د ڤێ داویێ دا شیایە ل سەر ئاستێ سوریا تا راددەیەکێ پاش رەویێ ب ئیرانێ بدت کرن لێ لسەر ئاستێ ئێراقێ هێشتا هەدوو هەف کویفێن توند دگەل هەڤدوو و ئیران ب هاریکاریا باسکێ خیانەتکارێن ۱٦ ی ئوکتوبەرێ پێنگاڤەکا باش ل پێش ئەمریکا دهێت هەر چەندە ئەمریکا بخوە ژی های ل وێ خیانەتێ هەبوویە لێ دبیت بێ دەنگیا ئەمریکا لسەر وێ خیانەتێ بو ئەمریکا مەبەستەک هەبیت ئەوژی
ـئەمریکا بڤێ خیانەتێ ڤیا ئیرانێ دەست کراوەتر لێ بکت ئێراقێ ژ بوی هندێ کو دەلیڤەکا باشتر ب دەست ئەمریکا بکەڤیت کو دربەکی ل ئیرانێ بدەت ژ بەر کو ئەمریکا پشت راستە کوردا دەستهەلاتداریا ئیرانێ ل کەرکوکێ پێ رەوا نینە
یان ژی دنها دا ئەمریکا هەست ب هندێ دکت کو هاتیە خاپاندن و بەرژوەندیا وێ یا ئابوری ل ئێراقێ توشی شکەست بوویە
گرنگ هەردوو مەبەستێن ئەمریکا نها تێرا هند ێ هەنە کو ئەو ئێدی چەقێن ئیرانێ قوت بکت ژ بوی ڤێ یەکێ ئەمریکا د هەول دایە ئەو دەلیڤا پار سال ئەمریکا ژ دەست دای د سەرهلدانا جەماوەریا ئەڤ جارەدا ژ دە ست نەدت کو پتریا باژێرێن ئیرانێ ب خوەڤە گرتیە
گەفێن ئابوری یێن ئەمریکا ل سەر بکرێن نەفتا ئیرانێ و بەرزبوونا بهایێ دولارێ ئەمریکی ل ئیرانێی و قائیل بوونا هەردوو وەلاتێن ژاپون و هندستانێ گەورەبکڕێن نەفتا ئیرانێ ب پەیدا کرنا بازارەکێ دی و رازی بوونا سعودیا عەرەبی ب زێدەکرنا دەرهێنانا نەفتێ بو شوینگرتنا نەفتا ئیرانێ فشارێن مەزن لسەر گەل وحکومەتا ئیرانێ چێ کرینە و ئەڤێ چەندێ کاریگەریەکا مەزن لسەر بارێ ئابوریێ ئیرانیا کرییە و ژبلی ڤێ ئێکێ کوشتنا روژانە یا پاسدارێن ئیرانی ل سوریاو یەمەن و لوبنان و ئێراقێ زورتر کەربا گەلێ ئیرانێ بەرامبەر ب دەستهەلاتێ گەرم کریە ئەمریکا ئەڤجارە ژ پا ر سال باشتر ل سەر هێلە و ئەڤە داخوازا چەندین کونگرێسمانێن ئەمریکایە دنها دا ئەمریکا دبیت بو گوهرینا نەخشەیا روژهەلات ژ ئیرانێ دەست پێ بکت لەوما ژی دوهی دکارڤەدانەکێ دهەمبەر گوللەباران کرنا هاوەلاتیان وەزارەتا دەرڤە یا ئەمریکی هاتە دەنگ
تورەبوونا ئیرانیا ژ دەستهەلاتێ تاسەرهەستی چوویە و ئەمریکا ئەڤجارە دبیت جددی تر پێنگاڤا بهاڤێژیت و دابەش بو ونا ئیرانێ دێ یەکەم دابەش بوونا روژهەلاتا ناڤین بت