ژلایەکێڤە لۆژیکا ھێزێ وەکو بنەما دعەقلیەتا تورکیایێداھەمیشە نوویبونەوێبخۆڤەدبینیت،وگەلێ کوردھەرگیزڤەدەرنەبوویەژواننەخشەیێنکوپلانوستراتیجیەتێنبنبرکرنێژلایێ وانڤە بۆدھێنەکێشان، کەواتەھەمیشەھەولوپێکۆلاندکەنداکومفایببیننژویدویرکەفتنا ھەیدناڤبەرا ھێزێن سیاسی وچەکداریێن کوردی لدەڤەرێ، ژلایەکدیڤە ھەرچەندە ھەر حزب ولایەنەکێئایدولۆژیەکا تایبەت بخۆڤە ھەیە سەبارەت وی رێبازا کۆ دگریتەبەر بۆ گەھشتنا بئارمانجا خوە (مەبەست لڤێرێ پارتا کارکەرێن کوردستانێ یە)، لێ پێتڤیە کارۆکریارێن روھن وئاشکەرا دەرەنجاما وی چەندێ بن ئەوا ب تێکۆشان و خەباتێ دھێتە ناڤکرن واتە پێتڤیە گووتن و کریار ھەمیشە د ئێک ئاراستە دابن .
ل سەدەیا نھا ھێز ولایەنێن کوردی لبەرامبەر ئەزموونێن ئالۆزداننوچاڤێن کوردان لگھۆرینێن مەزنن وب چئاوایەکێبیت پێتڤیە پارتا ناڤبری ئەڤرۆ بدیتنەکا درۆست وراستەقینەل شیکاران بنرت بۆ زانینا چەوانیا سەرەدەریێن واندگەل ڤان دەولەتێن نیمچە زلھێزێن ئەقلیمی، ھەکە راستبیت کۆ بەلێ خەبات ژبۆ بەرژەوەوندیا گشتی وئازادی ورزگاریا کوردستانێ دھێتە کرن !!.
حزباکارکەرێن کوردستانێ کۆ نێزیکی نیڤ چەرخەکێیە چەکدارانە، ھاتیە دمەیدانا روبەرووبوونێدا دگەل حکومەتێن لدویف ئێکێن تورکیایێ،ھەرچەندە ، دسیمایێ خوەدا، وەکۆ پارتەکا چەکدار خۆ رێکخستیە وبەردەوامە لسەر چالاکیێن خوە یێن لەشکەری، بەلێ دناڤەرۆکا ئارمانجا واندا راستیا درویشمێ ” ئازادی بۆ کوردستانێ ” بوویە جھێ گۆمانێ ودھەمان دەمدا تا ئەڤرۆ ژفاکتەرێن ھەرە سەرکی بوویەکۆ بۆ دەولەتا تورکیا ببیتە بەھانە بۆ داگیرکرناھەر دەڤەرەکا ھاوبەش دگەل سنوورێن وی وتێکدانا رەوشا ئارامی وسەقامگیریێ ل وی دەڤەرێ مینا ھەرێما کوردستانێ، چنکۆ حکۆمەتا تورکیا دچارچۆڤێ سەروەریا دەولەتێ وقانوونیدا مافێ بەرەڤانیکرنێ ژ ھاوەلاتیێن خوە دئینیتە سەرزەمان لۆژیکا ھێزێ ژێواری چێدکەت، بەلێ دراستیێدا ب بنپێکرنا مافێ مرۆڤایەتیێ وشکاندنا سەروەری ویاسایێن دەولی یێن مرۆڤان تۆمەتبارە لەوراھەکە ژبەر ڤی بادەکی بتنێ بیت نەشێت خۆە ژ ئاستێ بەرپرسیارەتیا تاوانان لابدەت ھەکە تەنانەت بکەڤیتە بەر لێپرسینا ئێکەتیا ئەورۆپادا ...!
پشتی عەفرینا کوردستانا سووریێژی حکۆمەتا تورکیایێ دڤان سێ ھەیڤێن بووریدا ھێرشێن ئەسمانی یێن لەشکەرێ خوە لدەڤەرێ وبتایبەت لسەر قەندیلێ چرتر کرن ولڤان رۆژاندا زەنگا شەری لێدانە وھەرەشا وی چەندێ کرینە کۆ ئۆپەراسیۆنا بۆ سەر قەندیلێ بکەن، لەوراپێنگاڤێن لەشکەری ھاڤێتینە کۆ ئەڤە ئێک ژوان بەلگانە بۆ ھندێ گۆمان نەمینیتدپراکتیکیا جێبجێکرنا ئەجیندایێن وان لدەڤەرێ .
ھەرچەندە پارتا کارکەرێن کوردستانێ وھندەک چاڤدێر وشرۆڤەکار دوارێ سیاسەتێدا ( ھەکە ئەم ژروویێ دیپلۆماسی وپەیوەندیێن نێڤدەولەتیڤە چاڤ لسەرەدەریا تورکیایێ بخشێنین ) بەشەکێ ڤی ئێکێ بسیاسەتەکا وەھا لقەلەم ددەن ژبۆ بەرفرەھکرنا پێگەھا جەماوەری ژلایێ بەربژێرێ حزبا داد وگەشەپێدانا تورکی ( رەجەب تەیب ئەردۆغان ) یڤە،کۆ ھەڤدەم سەرۆککۆمارێ تورکیایێ یە، ونەخاسم کۆ تۆرکیا نۆکە ددەمێن کاریگەرێن ھەلبژارتنێن سەرۆکاتیێدا دەرباز دبیت وھەژی گووتنێیە کۆ ئەڤ ھەلبژارتنە ئێکەم ھەلبژارتنن پشتی ھەموارکرنا دەستوورێ تۆرکیایێ و زێدەکرنا دەسھەلاتێن سەرۆککۆمارێ وی وەلاتی، بەلێ براستی مێژووا تورکیا وسەرکردێن وی وخوە تێنەگەھاندنا تورکیایێ دپرەنسیپێن ئییکولۆجیێ ومایتیکرن دکارۆبارێن ناڤخۆیێن وەلاتێن دەورووبەر وحەتا ئەقلیمیدا، ھەروەسا جموجۆڵ وچالاکیێن وان یێن لەشکەری وبشێوەکێ گشتی ھەول وپێکۆلێن تۆرکان بۆ ڤەگەراندنا دەسھەلاتا ئۆسمانیا راستیا نیازا دەسھەلاتدارێن تۆرکیایێ بۆ داگیرکرن وپاشی بەرفرەھکرنا دەسھەلاتێن تۆرکان لسەر جۆگرافیا رۆژھەلاتا ناڤین تاکۆ بولقانێ ئاشکەرادکەت کەواتە سەروککۆمارێ نۆکە رژدە لسەر وی چەندێ ھەرچ زووی دگەل گھۆرینا نەخشەیا نوی یا رۆژھەلاتا ناڤەراست بگەھیتە ئارمانجێن خوە لەورا تا دشیانێن واندابن دێ ھاوکێشا سەربازی یا خۆ لسەر پرەنسیپێن ڤەگەراندنا خاک وجۆگرافیایێ گھۆرن، دبینم کۆ سەرۆککۆمارێ نھا یێ تورکیایێ دوی باوەرێدایە کۆ دامەزراندنا کۆمارا تورکیایێ لسەر دەستێ موستەفا کەمال ئەتاتورک لسالا ( ١٩٢٣ ) ێ ھەلەکا مێژووییبوو نەک وەرچەرخانەک دبەرژەوەندیا تورکیایێدا ... !!
ئەوا مندڤێت بێژم ئەوە کۆ ھاولاتیێن ھەرێمێ وبتایبەت ئاکنجیێت دەردۆرێت قەندیلی وسنووری، باجا وان کارڤەدانان ددەن ئەوێن ژلایێ ھەرئێک ژحکۆمەتا تورکیایێ و پارتا کارکەرێن کوردستانێڤە بەرامبەر ئێکدۆ دەردکەڤن، دیسان چەند جاریا داخازکرنا حکۆمەتا ھەرێمێ ژپارتا ناڤبری بۆ چۆلکرن وڤەکێشانا ھێزێن وان ژ دەڤەرێن ھەرێمێ ونەھێلانا بەھانان بۆ تورکیایێ ژوان مژاران بوون ، ئەوێن بدرێژیا ھەڤرکیا ھەردوولایان دئارادابوون ...
ھەروەسابێ ھەلویستی ولاوازیا حکۆمەتا ئێکگرتیا عێراقێژی سەبارەت ڤی بابەتی، نەمانا سەروەریا عێراقێ وەکۆ دەولەت د ژێواریدا دیارکر وزێدەتر ئاگرێ شەرۆبھەڤچوونێ خۆشکر، ومخابن ژھەمی روویانڤە ھاوەلاتی وسڤیلێن ھەرێمێ قوربانیێن سەرەکی یێن ڤان ھەڤرکی ورویبروبوونانن، چ بچۆلکرن وبجە ھێلانا ملک ومال وسامانێن وان یانژی ببریندارکرن وکوشتنا وان، ئەڤجا پێتڤیە ھەر چ زووی پارتا کارکەرێن کوردستانێ گۆھداریا داخازیێن حکۆمەتا ھەرێمێ بکەن، داکۆ چدی نەبنە ھۆکارێن تێکدانا ئارامی وسەقامگیریا ھەرێما کوردستانێ . * یاسا ناس *