سەرۆك بارزانیی،داكۆكیكار و چیایەكی پۆڵایین لە بەرانبەر نەیارانی كورد
رێبوار حەمەلاو شوانی
سەرۆك مسعود بارزانی بۆ نەتەوەی كورد ئەو سەركردەیەیە كە وەك دەڵێن سەركردەی زەروورەتی مێژوویی، هەردەم دەیڵێین و گوێمان لێ دەبێت كوردستان پێویستی بە سەرۆك بارزانی هەیە، ئەگەر لە رووی لۆژیكی سیاسی و گۆڕانكارییە هەرێمییەكانەوە لەم دەربڕینە بكۆڵینەوە، دەگەینە ئەو راستییەی كە بەڵێ كوردستان پێویستی بە سەرۆك هەیە بۆ ئەوەی سەركردایەتی بكات و لەم قۆناخە سەخت و هەستیارەدا بەرەو كەناری ئارامی و دڵنیایی ببات.سەرۆك بارزانی لە قۆناخەكانی پێشوودا و زیاتر لە نیو سەدەیە وەك پێشمەرگەیەك خەبات دەكات، هەروەها وەك سەركردەیەك رۆڵی سەرەكیی لە سەرجەم پرسە نەتەوەیی و نیشتیمانییەكاندا هەبووە و بە سیاسەتی دووربینانەی لەسەر ئاستی نێوخۆیی رۆڵی كاریگەری لە كۆكردنەوەی ڕاوبۆچوونە جیاوازەكان لە پرسە چارەنووسسازەكاندا
سەرۆك مه‌سعوود بارزانی وه‌ك رابەری نه‌ته‌وه‌یه‌كه كه توانیویه‌تی به هۆكاریی خودی و بابه‌تی ئامانجه‌كانی نه‌ته‌وه‌ی كورد له خه‌ونه‌وه بكاته واقیع، بە هەموو جیهان بڵێ كورد خاوەن مافێكی رٍەوایە و دەبێ پێیبگات .سه‌رۆك بارزانی له دوای راپه‌ڕینه‌وه تا ئێستا رۆڵی سه‌ره‌كی و یه‌كلاكه‌ره‌وه‌ی هه‌بووه له به‌ره‌وپێشبردنی پرۆسه‌ی سیاسی و به‌هێزكردن و بونیادنانه‌وه‌ی پایه‌كانی حوكمڕانیی دروست له هه‌رێمی كوردستاندا، به‌بێ بوونی كه‌سایه‌تییه‌كی وا به‌هێز ئه‌سته‌م و مه‌حاڵ بوو هه‌رێمی كوردستان بیتوانیبایه له‌ناو ئه‌و هه‌موو گه‌مه سیاسی و به‌رژه‌وه‌ندییه دژبه‌یه‌ك و دژبه‌گه‌لی كوردستانه، خۆی بگرێت و درێژه به مانه‌وه و زۆرتركردنی ده‌ستكه‌وته‌كان بدات.ڕێبازی بارزانی، ئایدیۆلۆجیایەكی ناكوردستانیانەی دەرەكی نوسراوی سەر كاغەز نییە، هزرێكی كوردەواری خۆڕسكە، خودان ئامانجێكی نەتەوەیی و نیشتمانیی بە دنیابینییەكی ئینسانییانەوە. پێداگری و سووربوونی هێمنانەش لەسەر ڕووبەڕووبوونەوەی زوڵم و ناهەقی و بەدەستهێنانی ماف و ئازادیی، یەك لە پایە سەرەكییەكانی ئەم ڕێبازەیە. سەرباری دیمەنە ئەوەی مایەی دڵنیاییەكی زیاترە، كۆكبوونی ژمارەیەك لە هێزە سیاسییەكان و زۆرینەی بێدەنگی گەلی كوردستان لەسەر ئەو ئامانج و ئاواتە نەتەوەیی و نیشتمانییەی پارتی نەك خەباتی بێووچانی بۆ دەكات، بگرە خۆی بۆ تەرخان كردووە.تاکە ئامانجی شۆڕش و ڕاپەڕین و قوربانیدانی کورد بەدرێژاییی دیرۆکی بزووتنەوەی کوردایەتی، جگە لە گەیشتن بە مافی سەربەخۆییی سیاسی و خەونی دەوڵەتی کوردستان هیچی تر نەبووە، خەبات و ڤوربانیدانی کورد بۆ پاراستنی ناسنامە و فه‌رهه‌نگ و شوناسی کوردایەتی بووە، لەکاتێکدا شەڕی داگیرکەرانی دژ بەکورد لەپێناو دەستگرتن بووە بەسەر سامانی ژێرخان و سەرخانی خاکی کوردستان و سڕینەوەی ناسنامەی کوردایەتی. سەرۆک بارزانی لەبەردەم بەرپرسیارەتییەکی گەورەی مێژووییدایە، بەرامبەر بە میللەت و ئەو خەبات و قوربانیدانەی کە بەدرێژاییی مێژوو دەستاودەست گەیشتووە بە خودی سەرۆک بارزانی، سەرباری ئەوەی بەشێکی گرینگی بەرپرسیارەتیش لەئەستۆی هەر تاکێکدایە بە جیاوازی ئیتنی و ئایینی و نەژاد و فەرهەنگی و ئایدۆلۆژیای سیاسییەوە.سه‌رۆك بارزانی چۆن توانیویه‌تی له‌میانه‌ی به‌رژه‌وه‌ندییه دژبه‌یه‌كه جیهانییه‌كان و به‌رژه‌وه‌ندییه دژبه‌یه‌كه هه‌رێمییه‌كان، به‌رژه‌وه‌ندییه باڵاكانی گه‌لی كوردستان ده‌سته‌به‌ر بكات و به‌پێچه‌وانه‌ی هه‌موو ناوچه‌كانی دیكه‌ی رۆژهه‌ڵاتی ناوه‌ڕاست، هه‌رێمی كوردستان له گۆڕه‌پانی ته‌سفیاتی به‌رژه‌وه‌ندییه دژبه‌یه‌كه ئیقلیمی و جیهانی، بگۆڕیت بۆ به‌یه‌كگه‌یشتن و په‌ره‌پێدانی به‌رژه‌وه‌ندییه هه‌رێمی و جیهانییه‌كان، هه‌روه‌ها چۆن توانیویه‌تی هه‌موو ئه‌و به‌رژه‌وه‌ندیانه‌ی دژبه گه‌لی كورد بوون له‌گه‌ڵ به‌رژه‌وه‌ندییه‌كانی گه‌لی كورد هاوسه‌نگ و رێك بخات،دۆز و شوناسی كورد لە پیلانگێری و هەرٍەشە و مڵمڵانێیەكان بپارێزێ. سەرۆك بارزانیی لە ماوەی زیاتر لە نیو سەدە خەباتی بەردەوامی بە چەندین پیلانگێری و هەرٍەشە و تیرۆر و گەمارۆدان نەتەوەیی كورد و شوناس و مێژوویی بپارێزێ. ئەوەش وایكردووە كە سەرۆك بارزانیی ببێتە گەورەترین كۆسپی بەردەم داگیركەرانی كوردستان ..
