رەنگە ئەم کورد گازندا ل جاددا عەرەبی بکەین ژبەرکۆ ب سەدان سالە گەلێ کورد و گەلێ عەرەب پێکڤە دژین ھێشتیا جادا عەرەبی بەرامبە خەلکێ کوردستانێ و دووزا سیاسی یا کوردستانێ د شۆفینی بن . ھەتا راددەیەکی ئەڤە راستە ، لێ پرانیا سۆفینیا عەرەبی بەرامبەر کوردا لسەر ئاستێ حزب و کەسایەتیێن دەسھەلاتدراە .
دبیت کێمتەرخەمیا کوردستانێ ژی دڤێ چەندێ دا ھەبیت ، چونکی وەک پێتڤی گرنگیی ب پەیوەندیێن دناڤبەرا ھەردوو نەتەواندا نەدایە و ئەو پەیوەندیێن ھەی ژی لسەر ئاستێ حکومەتێ و دەسھەلاتێ نە . نێچیرڤان بارزانی چ وەک جێگرێ سەرۆکێ پارتی دیموکراتی کوردستان یان وەک سەرۆکێ حکومەتا ھەرێما کوردستانێ ، ب سیاسەت و سەرەدەریێن خۆ یێن حەکیمانە و دووربین شیا ب لێزانینی سەرەدەریێ دگەل ڕەوشا نھو یا ھەرێما کوردستانێ بکەت و ئەڤ چەپەرێن دناڤبەرا کورد و عەرەبان ھەتا راددەیەکی شکاند بتایبەت لسەر ئاستێ کەسانێن رەوشەنبیر و ئەکادیمی و سیاسیێن سەربەخۆ یێن عەرەب .
وەک نمۆنە دێ بەحسێ ھەلویستێ دوو کەسایەتیێن بەرچاڤێن جاددا عەرەبی کەین بەرامبەر دووزا کوردی و سیاسەتا سەرکەفتیا رێزدا نێچیرڤان بارزانی ز
سیاسەتمەدا و بیرمەندێ عەرەب و عیراقی ( حسن عەلەوی ) ل دیمانەیەکا تەلەفزیوونی دا دبێژیت . ھەرچەندە ئەز ژ نێزیک نێچیرڤان بارزانی نا ناسم لێ مرۆڤەکێ پراکماتیک و ھەژی و لێھاتیە . کەسەکێ واقعیە و ئەز ب ئاگر ڤەمرینە ناڤ دکوم ، ھەر دەمێ ئاگر ھەلدبیت ئەو ڤەدمرینیت ، سەرکەفتنێن مەزن بدەستڤە ئینانە . ئەو بوویە ئەگەر ھەتا نھو ھەرێما کوردستانێ لسەر پێت خۆ بمینیت .
یان روژنامەڤان و چاڤدێرێ سیاسیێ مسری و تایبەت مەند د کاروبارێن کوردستانێ ( محسن عەوەزوللا ) د چەند گۆتارێن خودا پەسنا نێچیرڤان بارزانی دکەت و دبێژیت . نێچیرڤان بارزانی (ماکروونێ رۆژھەلاتێ یە و ئەز زۆر داخباری سیاسەتا وی مە ) ل جھەکێ دی نڤیسەر دبێژیت ( نێچرڤان بارزانی ھەژیترین کەسە بۆ سەرۆکاتیا ھەرێمێ ) د دیدارەکا خودا دگەل رۆژناما ئەڤرۆ ژی دا ھەما نڤیسەر دبێژیت ( نێچیرڤان بارزانی دێ بیتە ستێرەک و سەرۆکێ داھاتیێ کوردستانێ ) .
ئەڤ گۆتنێن ڤان رەوشەنبیری و ڤەکۆلەر و نڤیسەرێن عەرەب بەرامبەر کەسایەتیا نێچیرڤان بارزانی زۆر ڕامان لێ دچین و پێتڤی یە ئەو وەکی کوردستانی ب گرنگ وەربگرین . چونکی بۆ مە شانازی یە سەرکردەکێ کورد سرنجان ڤان کەسایەتیێن عەرەب رابکێشیت و بڤی رەنگی بەسنا وی بکەن . دیارە نھو ھێدی ھێدی جادا عەرەبی بەرامبەر گەلێ کورد و دووزا سیاسی یا کوردستانآ ڤەدبیت و ئەڤ ڤەکرنا دەرگەھانە کو ژمارەکا زۆرترا دەرگەھان بەرامبەر گەلێ کورد ل چاددا عەرەبی بھێنە ڤەکرن . ئەز باوەرم ب ھەبوونا کەسایەتیا نێچیرڤان بارزانی د ناڤ وەلاتێن عەرەبی ب سەدان کەسایەتیێن بڤی رەنگی یێَ دووستێن گەلێ کورد پەیدا بوونە و پێتڤی یە حکومەتا ھەرێما کوردستانێ گرنگیێ بڤان کەسایەتیان بدەن چ ب راکێشانا وان بۆ سەرەدانا کوردستانێ داکو راستەوخۆ رەوشێ ببین ، یان ڤەکرنا سەرنتەرێن ڤەکۆلینێن سیاسی یێن تایبەت ب کوردستانێ ، داکۆ زێدەتر دووزا سیاسی یا کوردستانێ لسەر ئاستێ جادا عەرەبی بھێتە نیاسین و پشتەڤانێن کوردستانێ زێدە ببن و نمۆنێن وەک وان ژی دناڤ چینا ئەکادیمی و رەوشەنبیر و رۆژنامەڤانێن وەلاتێن عەرەبی زێتر ببن . ئەڤ چینە بۆ ھەرێما کوردستانێ دێ بنە لۆبیەکا بھێز ب ھەرێما کوردستانێ و لڤینا راگەھاندنا وەلاتێن عەرەبی بۆ پشتەڤانیا مافێن نەتەوی یێن کوردستانێ . چونکی راگەھاندنێ دشێت جاددی بلڤیت . نابیت حکومەتا ھەرێما کوردستانێ بۆ خورتکرنا پەیوەندیێن ھەرێمێ دگەل ڤان وەلاتان تنێ پشتبەستنێ ب نوونەرایەتیێن حکومەتا ھەرێما کوردستانێ بکەت . چونکی ل زۆر وەلاتێن عەرەبی ھێشتا نوونەرایەتیێن ھەرێمێ لێ نینە . راکێشانا ڤان رەنگە کەسایەتیا دێ روولێ نوونەرایەتیێن ئەکیڤ بینن .
دەبارەی ھەلویست و دیتنێن ڤان کەسایەتیا بەرامبەر رێزدا نێچیرڤان بارزانی ، نە تنێ دەسکەفتەکە بۆ کەسایەتیا جەنابێ وی یان پارتی دیموکراتی کوردستان بەلکی دەسکەفتەکێ نەتەوی یە و پێتڤی یە ھەمی خەلکێ کوردستانێ شانازیێ پێ ببەت و راگەھاندنا کوردی ژی گرنگیێ بدەتە ھەلویسێ ناڤ رەنگە کەسایەتیێن دووست و پشتەڤانێن کورد و کوردستانێ .