تورکیا دبێژیت(ئەم ئاگەهدارین کو باسکەک ژ ئێکەتیا نشتمانی هاریکاریا پەکەکێ دکت و ئەڤە وەکی روژا روون بو مە ژی دیارە
ئەڤێ هاریکاری کرنا وی باسکێ ئێکەتی نها تا راددەیا زور پەکەکە ل زونا هەمەرنگ کریە خاوەن بریار
لێ ئەوا جهێ پرسێ یە ئەرێ ئەو چ ئیستراتیجی و دیدا هاوبەشا وی باسکێ ئێکەتی یە دگەل پەکەکێ وان د یەک خال دا کوم دکن
بگور دیتنا من جارێ پێنگاڤا ئێکەم دڤێت بو بەرسڤدانا ڤێ پرسیارێ وی باسکێ ئێکەتی ناس بکین دا بشێن بریارەکا درست بدین
ئەوا دیار و ئاشکرا ب تایبەت ژی پشتئ ۳/۸/۲٠۱٤ێ وەرە ئێکەتیا نشتمانی دگەل پەکەکێ ب تمامی کەفتن جەبهەیەکێ راگەیاندنێ یێ دژوار دا دگەل پارتی بگرە زور جارا ژی پەکەکێ ئیستفزازا پارتی دکر بوخوە راکێشان د شەرەکێ نەخواراو دا کو ئەڤە ئەو خالە بوو یا پارتی ب هەموو شێوەیەکێ ژێ دپارێزیت
ئەڤ لهەڤ نزیک بوونا ئێکەتی ئانکو باسکێ دەست رویشتوو یێ ئێکەتیا نیشتمانی و پەکەکێ و ئالوزیا ل زونا سلێمانیێ هەی بەردەام هێرش کرن لسەر بارەگایێن پارتی و پەرەسەندنا وێ ئیرهابا فکری ئەوا ل سلێمانیێ هەمبەر پارتی دهات کرن ئەڤ پەیوەندیا پەکەکێ دگەل حزبێن سلێمانیی ب گشتی و گوران و ئێکەتی ب تایبەت گەهاندن ئاستێ هەیڤا هنگڤینی و ئەڤە چەندە زور ب ئاشکرا ل ۱٦/ی ئوکتوبەرێ جارەکا دی وەکی روژێ دیا بوو و هەموو لایەنەکی بێ دەنگی و بێ هەلویستیا پەکەکێ ل هەمبەر وێ رویدانێ دیت ئەڤە د دەمەکی دا مە ل ۳/۸ باش دیت کا راگەیاندنێن سەر ب پەکەکێ ڤە چەوا هەموو پیروزیێن پارتی دشکاندن و دبەرامبەردا راگەیاندنێن سەر ب ئێکەتی ڤە زور ب بەژن و بالا پەکەکێ دگوت و ئەو ب فریاد رەسێن شنگالێ دزانین و هەموو شکەستنا شنگالێ دئێخست ستویێ پارتی د دەمەکی دا کو پتر ژ ۸٠٠ پێشمەرگێن سەر ب ئێکەتی بخوە ڤە ل شنگالێ هەبوون
ئەڤە یەک ژ خالێن هەری گرنگێن ژهەڤ نێزیک بوونا باسکێ دەستهەلاتدار یێن ئێکەتی و پەکەکێ دا زور ژ لایێ ئێراق و ئیرانێ ڤە هاتە پشتەڤانی کرن بگرە ئێکەتی پشتەڤانەکێ سەرسەختێ مانا پەکەکێ ل شنگالێ ژی بو سەرەرای هندێ کو تورکیا بەردەوام گەفێن هێرشکرنا سەر شنگالێ دکر
نها ژی تورکیا زور ب باشی های ل ڤان پەیوەندیا هەیە ب تمامی هەست پێ دکت پەکەکە ژ ئەنجامێ وێ ئیرهابا فکری یا دژ ب پارتی و ڤالاهیا ئەمنیەتێ ئەوا چەقێن خوە ل سلێمانیێ کێشاین نها روون و ئاشکرا پەکەکە خاوەن مالە ل سلێمانیێ بگرە ژ بلی کاریگەریا وێ لسەر بریارا سیاسی ل وێ دەڤەرێ تا راددەیەکا زور شەقام ژی بدەستە و ئەڤە بەهانەیەکا باشە بو تورکیا کو ڤێ مەترسی لسەر ئەسایشا خوە یا نشتمانی بزانیت ب تایبەت ژی کو ل گور وێ رێکەفتنا دناڤبەرا ئێراق و تورکیا دا ل سالا۱۹۸۳یێ لسەر مافێ بەزاندنا سنورێن هەڤدوو کو ل سالا۲٠٠۸ێ لسەر دەمێ مالکی و ب هەبوونا جەنابێ مام جەلالی وەک سەروک کومار ئەڤ ریکەفتنە هاتە نویکرن ڤە
ئانکو ب کورتی دنها دا باسکێ۱٦ ئوکتوبەرێ و پەکەکە ئەگەرێن سەرەکی نە بو هاتنا تورکیابو ناڤ سنورێن باشورێ کوردستانێ
ئیستراتیجیەتا لهەڤ نێزیک بوونا وان تەنها دژایەتی کرنا پارتی بوویە،،،
لێ دڤێت ئێه‌تی چاڤه‌ریێ باج دانه‌کا مه‌زن بیت لسه‌ر ڤێ سیاسه‌تا خوه‌ و دویر نینه‌ ژی ئه‌مریکا بو رازی کرن بێ ده‌نگ کرنا تورکیا وه‌ک هه‌ڤپه‌یمانه‌کا خوه‌ یا سه‌ره‌کی کارڤه‌دانێن توند هه‌مبه‌ری ئێکه‌تی هه‌بیت دور ژی نینه‌ بێخیت لیستا ره‌ش دا،،