سەركەوتنی ریفراندۆمی سەربەخۆیی ،پەیامێك بۆ كۆتایی هێنان بە شەڕومڵمڵانێ دەیان ساڵە...
رێبوار حەمەلاو شوانی
بەو پێیەی كە سەرۆك مسعود بارزانیی جگە لە خەباتی پر شانازیی پێشمەرگایەتی ، خاوەن تەجرووبەیەكی زۆر و پتەوە لە بواری سیاسی و دییلۆماسی و شوناس و خوێندنەوەی وردی هەیە بۆ پێشهات و رووداوەكان و هەروەها پەیوەندییەكی بەهێزی لەگەڵ سەركردە و سیاسەتوانانی نێوخۆیی عێراق و ناوچەكە و جیهان هەیە ، لە هەماكاتیشدا لە رووی پرسە نیشتیمانیی و نەتەوەییەكانیشەوە سەرۆك بارزانیی خاوەن كەسایەتییەكی بەهێزە لە سەر ئاستی كوردستانی گەورە و كاریگەری زۆری لە سەر كورد و كوردستان هەیە .بۆیە هەموو ئەوانە وایكردووە كە كۆمەڵگەی نێودەوڵەتیی ، بۆ چارەسەری كێشە وئاڵۆزییەكانی ناوچەكە و بە تایبەت دۆسیەی عێراق بگەرێنەوە بۆ لایی سەرۆك بارزانیی ،چونكە پێگەی سەرۆك بارزانیی گرێدراویی هیچ پۆست و پایەیەكی كاتی نییە و نابێ تەنیا كەسایەتیی و پێشمەرگایەتیی بەرێزیان وایكردووە كە جیهان وەك مەرجەغی نەتەوەیی و متمانە پێكراوە بگەرێنەوە بۆ لایی سەرۆك بارزانیی..لەو كاتەوەی گەلان گه‌یشتوون به مافی ده‌وڵه‌تبوون ، كورد و كوردستان له هه‌مووان له پێشتربووه تاوه‌كو ده‌وڵه‌تی سه‌ربه‌خۆی خۆی هه‌بێ، به‌ڵام ره‌نگه به‌هۆی جوگرافیاكه‌یه‌وه كه كه‌وتووه‌ته نێوان تورك و عه‌ره‌ب و فارس و له‌لایه‌كی دیكه‌ش هیچ نه‌فه‌سێك وه‌كو ده‌ریاو زه‌ریای به‌سه‌ره‌وه نه‌بووه كه بتوانێ په‌یوه‌ندی له‌گه‌ڵ وڵاتانی دیكه دابنێ ئه‌وه وایكردوه به گه‌لێكی بن ده‌ست له رۆژهه‌ڵاتی ناوه‌ڕاست بمێنێته‌وه.ئێستای په‌یوه‌ندیه‌كانی وڵاتان كه بنه‌مای دیكه‌ی بینیوه له رووی ئابووری به‌هۆی پێشكه‌وتنی ته‌كنه‌لۆجیاو كه‌ره‌سته‌كانی پێشكه‌وتن له‌كه‌رتی وزه‌و ئابووری كه هه‌موو وڵاتان به رایه‌ڵه‌یه‌كی به‌رژه‌وه‌ندی به‌یه‌كه‌وه به‌ستراوه‌ته‌وه، له‌و رووه‌شه‌وه كوردستان توانیویه‌تی په‌یوه‌ندیه‌كی گه‌وره‌ی ئابووری له ناوچه‌كه‌دا هه‌بێت، كه یه‌كه‌میان خۆی بووه به ره‌قه‌می نه‌وت و غاز له ناوچه‌كه و دووه‌میان سه‌ر رێگه‌ی وڵاتانیشه بۆ بازرگانی له‌گه‌ڵ توركیا و ئه‌وروپا، به‌شێوه‌یه‌ك پێشبینی ده‌كرێ له داهاتوو وڵاتانی گه‌وره‌ی جیهان بۆ وزه‌كه‌ی رێككه‌وتنی گه‌وره له‌گه‌ڵ كوردستان بكه‌ن.له رووی سیاسیشه‌وه سه‌ركردایه‌تی كورد و به‌تایبه‌تی سەرۆك مه‌سعود بارزانی توانی بەو پێگە بەهێز و په‌یوه‌ندیه‌كی دیپلۆماسیانه‌ی به‌هێزەی كە له‌گه‌ڵ زۆرێك له وڵاتانی به‌هێزی جیهانی و به‌تایبه‌تیش دوای شه‌ڕی داعش ئه‌و چانسه‌ی به‌فراوانتر بۆكرایه‌وه، ئه‌وه وایكردوه پرسی سه‌ربه‌خۆیی كوردستان ببێت به ئه‌مری واقع و هاوشێوه‌ی ئاماده‌كاری ناوخۆیی بۆ ئه‌و پرسه وڵاتانیش هه‌وڵی سه‌ربه‌خۆبوونمان بۆ بده‌ن، به‌شێوه‌یه‌ك زۆربه‌ی وڵاتان سه‌ره‌ڕای به‌رژه‌وه‌ندیه ئابووری و سیاسیه‌كانیان له‌گه‌ڵ ئه‌و به‌شه گرنگه‌ی ناوچه‌كه ئێستا له‌وه‌ش گه‌یشتوون كه غه‌درێكی له‌مێژینه له‌و میلله‌ته كراوه له رۆژهه‌ڵاتی ناوه‌ڕاست كه گه‌لی كوردستانه و توانایه‌كی له راده‌به‌ری هه‌یه بۆ گه‌شه‌كردنی دیموكراسی و ئاشته‌وایی ناوچه‌كه به‌شێوه‌یه‌ك هه‌رێمی كوردستان به ئاماده‌یی پێشمه‌رگه له شه‌ڕو له‌خۆگرتنی نزیكه‌ی دووملیۆن ئاواره و نه‌بوونی شه‌ڕی مه‌زهه‌بی تیایدا و عه‌قڵیه‌تی خه‌ڵكه‌كه‌ی دژ به تیرۆر، قه‌ناعه‌تی گه‌وره‌ی بۆ جیهان دروستكردوه كه نه‌ته‌وه‌یه‌كه ده‌توانرێ بۆ داهاتووی رۆژهه‌ڵاتی ناوه‌ڕاست پشتی زۆری پێببه‌سترێ، هه‌ر ئه‌وه‌ش وایكردوه بارزانی له دواین چاوپێكه‌وتنی له‌گه‌ڵ رۆژنامه‌ی گاردیانی بریتانی بڵێت "بۆ سه‌ربه‌خۆیی ئیجازه له هیچ وڵاتێك وه‌رناگرین، ئامانجی سەرۆك بارزانی لە بوون بە خاوەن بە ده‌وڵه‌تی سه‌ربه‌خۆی كوردستان مافه بۆ گه‌لی كوردستان و به‌هۆی رێككه‌وتنی سایكس پیكۆوه ئه‌وه كورد ساڵانێكی زۆره قوربانی ده‌دا، ئێستاش ده‌بێ هه‌موو وڵاتان بزانن كه ئه‌و میلله‌ته چیتر ناتوانێ بێ شوناسی ده‌وڵه‌ت له ناوچه‌كه دانیشێت و پێشمه‌رگه‌كانی شه‌ڕ بۆ هه‌موو جیهان بكه‌ن و خۆی ره‌قه‌می گه‌وره‌ی نه‌وت و غاز بێت، له‌و لاشه‌وه به‌ژێر ده‌سته‌یی بمێنێته‌وه، بۆ ئه‌وه‌ش سەرۆك بارزانی وه‌كو رابه‌ری ئه‌و پرسه ئیجازه له هیچ وڵاتێك وه‌رناگرێ تاوه‌كو خێرمان پێبكات و رازی بێت به ده‌وڵه‌ته‌كه‌مان، به‌ڵكو ده‌وڵه‌ت مافه و ته‌نیا ئیراده‌یه‌كی ناوخۆیی ده‌وێ كه هه‌مووان تیایدا هه‌ست به بڕیاردان بكه‌ن، بۆ ئه‌وه‌ش بارزانی ده‌ستپێشخه‌ری ده‌كا بۆ سه‌رجه‌م لایه‌نه سیاسیه‌كان و داوایان لێده‌كا له‌و پرسه‌دا هاوكارو یاریكه‌ربن، بژارده‌ی دووه‌میش ده‌درێته ده‌ستی گه‌لی كوردستان بۆ ئه‌وه‌ی خۆیان بڕیار له داهاتووی خۆیان بده‌ن، بۆیە سەرۆك بارزانیی بە پشتیوانی خوا و گەلی كورد توانیی ئەو مافەرەوایە لە رێگەی دەنگی "بەڵێی " زیاتر لە 93%ی خەڵكی كوردستان بە سەركەوتوویی ئەنجام بدات و بەهەموو جیهان بەڵی گەلی كوردیش دەبێ خاوەن كیانی سەربەخۆیی خۆی بێ. بۆیە نابێ وناكرێ چیتر مافەرەواكانی كورد و دەوڵەتبوونی كوردستان ببێتە قوربانیی بەرژوەندی و مڵمڵانێ ئیقلیمی و نێودەوڵەتیی..
