ھەرچەندە گوڵان ناڤێ مەھەکا سالێ یە ، لێ ئەو شۆرەشا کوردستانیا بسەرپەرشتا پارتی دیموکراتی کوردستان ل ڤێ ھەیڤێ بەرپا بووی ناڤێ ڤێ ھەیڤێ بوویە ناسناڤێ ڤێ شۆرەشێ .
بریاردان لسەر بەرپاکرنا شۆرەشا گولانێ ل وان کاودانا و ب وان شیانێن مرۆڤی و ماددی بریارەکا ھەرە گرنگ و چارەنڤیس ساز بوو . چونکی کاودانێن وی سەردەمی یێن پشتی رێکەفتنا خیانەتکاریا نیڤ دەولەتیا ئەلجەزائیر ل سالا ١٩٧٥ ، کاودانێن ھەرە تایبەت بوون ژلایێ سیاسی و لەشکری و جڤاکی و ئابووری . ژلایێ ساسی سەرکردایەتیا شۆرەشا مەزنا ئیلۆنێ ب رێبەریا بارزانی نەمر و پارتی دیموکراتی کوردستان ، تووشی پیلانەکا نیڤ دەولەتی بوو و حکومەتا عیراقێ ئەوا ب نەچاری رێکەفتنا یازدێ ئادارا سالا ١٩٧٠ ێ دگەل بارزانی و سەرکردایەتیا شۆرەشێ مۆرکری ، شیا ژ پێخەمەت لاوازکرنا بزاڤا رزگاریخوازیا کوردستانی بەرژەوەندێن وەلاتێن ئیرانێ و ئەمریکا ب پارێزیت و دەستا ل ئاخا عیراقێ بەردەت بۆ ئیرانێ . ژلایێ لەشکری ژی شیانێن مادی و چەکداری یێن پێشمەرگەھێن کوردستانێ بەرامبەر لەشکرێ رژێما عیراقێ نەدھاتنە بەراووردکرن . ژلایێ جڤاکی ، ھەرچەندە شۆرەشا مەزنا ئیلوونێ ھەتا راددەیەکێ باش ھەستا نەتەوی و نشتیمانی و شۆرەشگێری تا راددەیەکێ باش ل کوردستانێ بەڵاڤکر بوو ، لێ ژلایێ رەوشەنبیری و خێلەکێ د ئاستێ پێتڤی دا نەبوو .
بەرپابوونا شۆرەشا گۆلانا پێشکەفتنخواز دوان کاودانان دا ب رەنگ و پرۆژە وبەرنامەکێ سەردەما پشتی ھەلسەنگاندنەکا ھەمەلایەنا یا شۆرەشا ئیلونێ و دەست نیشانکرنا خالێن ئەرێنی و نەرێنی ل کونفرانسێ بەرلین و پێکئینا سەرکردایەتیەکا کاتی ، شۆرەشەک بوو دناڤ شۆرەشێ دا ، بۆ وی دەمی بەرامبەر راپرسیا سەرخۆبوونا کوردستانێ بوو . بەلێ دوان کاودانان دا پارتی دیموکراتی کوردستان کۆ لسەر رێبازا پیرۆزا بارزانی نەمر ، سەرکێشیا بزاڤا رزگاریخوازیا کوردستانێ دکر . خودان ئەڤ ئیرادا خورتا نەتەوی و نشتیمانی و بەرخودانێ بوو ، خودان ئەڤ بریارا وێرەکی بوو کۆ د بەرتەنگترین رەوشدا خۆ بۆ دووژمنا نەچەماندی یە و ب مەردانە بەرسڤا پیلان و ھێرشێن وان یێن لەشکری و سیاسی دایەڤە . پارتی دیموکراتی کوردستان بەری چل و دووسالا ریفراندوومچا گۆلانێ بوویە بۆ سەرخۆبوونا کوردستانێ ، نەک ریفراندۆمچیا (٢٥) ێ ئیلۆنا سالا ( ٢٠١٧ ) ھەر وەکی ھندەک ئالی و کەسایەتیێن سیاسی یێن کوردستانێ ، دڤێ پێشکەفتنا تەکنەلۆژی و زانستی و رەوشەنبیری و جڤاکی پارتی ب ریفراندۆمچی یێت ڤی سەردەمی تاوانبار دکەن و ھێشتا ئاستێ وان یێ ھشیاری و رەوشەنبیریا نەتەوی و نشتیمانی نەگەھشتیە ئاستێ پێشمەرگەھێن پارتی دیموکراتی کوردستان یێن شۆرەشا گۆرلانێ .
چەوا راپرسیا سەرخۆبوونا کوردستانێ یا بیست و پێنجێ ئیلۆنا سالا ٢٠١٧ دەنگێ خەلکێ کوردستانێ بوو ، بۆ جیھانێ بەرامبەر پێشێلکرنا مافێن نەتەوی و نشتیمانی و یاسایی و دەستووریێن خەلکێ ھەرێما کوردستانێ ژلایێ حکومەتا عیراقا بناڤ فیدرال . وەسا خەلکێ کوردستانێ ب شۆرەشا گۆلانێ بەرسڤا پیلانا خیانەتکاریا نیڤ دەولەتیا ئەلجەزائیر و گاڤێن دۆژمنکارانەیێن رژێما وی سەردەمیا عیراقێ راپرسیەک بوو و گۆتە عیراقێ و جیھانێ ئیرادا خەلکێ کوردستانێ ب رێبەریا پارتی بۆ سەرخۆبوونا ب پلانێن وە نە لاواز دبیت و نە دمریت .
ئەڤەیە جوداھیا کار و بەرنامە و پلانێن پارتی دگەل لایەنێن دیتر ، پارتی شانازیێ ب ریفراندۆمێ و ریفراندۆمچێ دکەت ژ پێخەمەت سەرخۆبوونا و رزگاریێ . ئەو ڤێ گاڤا پیرۆز ب خیانەت دزانن و داخازا دادگەھکرنا ریفراندۆمچیا دکەن ..!
پارتی و خەلکێ کوردستانێ نە تنێ ریقۆاندۆمچیێن سالا ( ٢٠١٧ ) ێ بەلکی ریفراندۆمچیێن شۆرەشێن بارزان و مەھابات و ئیلۆنێ و گۆلانێ و سەرھەلدانێ و دووھزار و ھەڤدێنە و شانازیێ پێ دبەن .
خەلکێ کوردستانێ ژی ڤێ راستیێ دزانیت ، لەوما ل دووماھی ھەلبژارتن ریفراندۆمچی جارەکادی کرنەڤ ئێکەمێن بێ رکابەر .