ب کورت و کرمانجی رەوشەنبیری زانینا ھندەک زانیاریانە ل زۆر بوواراندا ، دیسان رەوشەنبیری ڕەوشتێن مرۆڤایەتی یە و رێزگرتنە ل دید و بۆچوونێن بەرامبەر ، کەسێن رەوشەنبیر زێدەتر ل خەلکەکێ دی پێتڤی یە رێزێ ل بنەمایێن دیموکراسیەتێ و سەروەریا یاسایێ و ئاسایشا وەلات و وەلاتیان بگرن . باژارێ سلێمانیێ ژی چەند سالە ب فەرمی ژ لایێ حکومەتا ھەرێما کوردستانێ وەک پایتەختێ رەوشەنبیری ھایتە ناساندن ، راستە باژارێ سلێمانیێ ھژمارەکا زۆرا کەسانێن رەوشەنبیر و نڤیسەر و سیاسەتمەدارێن ناڤدار بەرھەم ئینانە و جھێ شانازیێ نە . لێ پێتڤی یە خەلکێ سلێمانیێ ، ب رێزگرتنا ھزرا بەرامبەر و ئەنجامێن ھەلبژارتنا قەبوول بکەن چونکی بنەمایەکێ سەرەکیێ دیموکراسیەتێ یە و رەوشت بلندی یە ، رێزێ ل پایتەختبوونا رەوشەنبیری بگریت . داکۆ خەلکێ کوردستانێ شانازیێ ب خەلکێ سلێمانیێ ببدەت .
مخابن چەند سالە جار جار رەفتارێن نە رەوشەنبیری ل پایتەختێ رێوشەنبیری سەرھەلددەن ، مینا خۆنیشاندانێن د بنە ئەگەرێن تێکدانا ئاسایشا دەڤەرێ و دژایەتیا حزبەکا دیارکری و سۆتنا بارەگایێن وان و بەلاڤکرنا ھزدا دووبەرەکیێ .
ل ھەلبژاردنێن جڤاتا نوونەرێن عیراقا فیدرال ژی دا دیسان نە تنێ رەفتارێن نە ڕەوشەنبیری بەلکی یێن بەرۆڤاژی ڕەوشەنبیریێ سەرھەلدان ، وەک دەستکاریکرن ل ئەنجامێن ھەلبژارتنا و ھێرش کرنە سەر بارەگایێن حزبێن سیاسی و کونترۆلکرنا بنگەھێن دەنگدانێ ژلایێ ھێزێن ئێمناھیێ . ئەگەر ئەڤ رەفتارێن بەرۆڤاژی رەوشەنبیریێ و دیموکراسیەتێ ژلایێ کاربدەستێن و پلەدارێن حزبەکا دیارکری بن ، لێ ل پایتەختێ رەوشەنبیری ھاتینە کرن و پێتڤی یە خەلکێ پایتەختێ رەوشەنبیری بەری وان وان پارتیێن دیتر یێن ئەنجامێن ھەلبژارتنان دژی وان ھاتینە دەستکاریکرن ، رەوشەنبیریا خۆ بکار بینن و دژی وێ پارتیا بڤێ رەفتارا دژی ناسناڤێ وان رابووری و دەنگێن نەرازیبوونێ بلند بکەن ، داکۆ بۆ خەلکی ب پراکتیک بھێتە چەسپاندن سلێمانیێ پایتەختێ رەوشەنبیری یە .
ئەڤ دەستکاریکرنا ئەنجامێن ھەلبژارتنان ژبلی کۆ رەفتارەکا نە رەوشەنبیری و نە دیموکراسی یە ، پیلانەکە بۆ سەرھەلدانا دووبەرەکیێ دناڤ جڤاکێ سلێمانیێ و گەرمیان و دەوروبەر ، دبیت مینا پیلانا خیانەتکاریا ١٦ ێ ئکتۆبەرا سالا ٢٠١٧ بیت دەمێ بۆ بەرژەوەندێن کەسی پێش ھێزێن داگیرکار کەفتی ، کەرکووکێ و دەورەوبە د چەند دەم ھژمێرەکان دا ھاتە داگیرکرن و دووبارە دەست ب عەرەبکرنا وێ ھاتەڤکرن و زیانێن زۆر و مەزنێن گیانی و مادی ب خەلکی کەفتن . رەنگە بەردەوامیا وێ خیانەتێ بیت و ئەو سەرکردێن ئێکەتێ یێن ب خیانەتکا ١٦ ئکتۆبەرێ رابووری ، ب پیلان و بەرنامە ئەڤ خیانەتە ب رێنمایی یێن سەرکردێن شیعەیێن عیراقێ یێن دەسھەلاتداریا عیراقێ ددەستی دا ئەنجامدا بیت ، داکۆ بەردەوامیێ بدەنە نۆکەریا شیعەگەریا عیراقێ و ئیرانێ . چونکی لاوازبوونا ئێکەتیا نشتیمانی لاوازبوونا کاریگەری و ھەژموونا حکومەتا شیعەگەریا عیراقێ و ئیرانێ یە ، ل کوردستانێ و ب لاوازبوونا وێ زۆر بەرژەوەندێن وان یێن سیاسی و ئابۆری دێ لدەست دەن . نەرازیبوونا ئێکەتیێ و کۆمسیۆنا ھەلبژارتنان لسەر بدەست ڤاڤارتنا دەنگێن ھەلبژارتنان ل سلێمانیێ ، نیشانێ رێکخستنا پیلانەکا بڤی رەنگی یە . لەوما ل فەریێ فەرترە خەلکێ سلێمانیێ و حزبێن دیتر یێن کوردستانی ھەمی رێکێن یاسایی و سیاسی و جەماوەری بکار بیین بۆ ئاشکراکرنا ڤێ پیلانا مەزن و دادگەھکرنا تاوانبارێن بڤێ تاوانێ رابووی .
داکۆ مافێ سرۆشتیێ خەلکێ پایتەختێ ڕەوشەنبیری ، ب رەنگەکیً رەوشەنبیری بزڤریت و کەس و لایەنێن سەختەکار بھێنە شەرمزارکرن .