ره‌وشا سلێمانی یێ به‌ره‌ف کیڤه؟
شڤان سالم گولی
پشتی سه‌رهلدانا بهارا 1991 ێ و هه‌تا نوکه پشتی په‌یدابوونا قه‌واره‌کێ سیاسی و جوگرافی یێ دان پێ نای ژ لایێ نه‌ته‌وێن هه‌ڤگرتی ڤه ئیرانێ ژ به‌ر هه‌بوونا سه‌رکردێن وه‌لات پارێز و کاریزما وه‌ک جه‌نابێ سه‌روک بارزانی کو سه‌رکیشیا هزرا نه‌ته‌وه‌یی و نیشتمانی دکر و به‌رده‌وامه ل سه‌ر وێ ئه‌ڤ هه‌رێمه ب به‌رده‌وام ب مه‌ترسی لسه‌ر به‌رژوه‌ندیێت خوه زانی یه له‌وما ب هه‌موو شیانێن خوه به‌رده‌وام د هه‌ولا هندێ دا بوویه ره‌وشا هه‌رێمێ یا سیاسی و سه‌ربازی به‌ر ب ئالوز بوونێ بچیت ،مخابن هه‌بوونا که‌سێن مه ل سه‌ری ژی ئاماژه پێ دای به‌رده‌وام رێخوشکه‌ر بویه بو بجی ئینانا ڤێ مه‌به‌ستێ ژ لایێ ئیرانێ ڤه له‌وما مه زور ب روونی دیت لسه‌ر ده‌مێ په‌یدا بوونا شه‌رێ ناڤخوه کا چه‌وا ئیرانێ روله‌کێ نیگه‌تیڤ گێرا بو سه‌رکێشا شه‌رێ ناڤخوه کا چه‌وا ژی هنده‌ک سه‌رکردێت ئێکه‌تیا نیشتمانی پشتی گه‌له‌ک هه‌ول ژ لایێ جه‌نابێ سه‌روک بارزانی و کاک کوسره‌ت ره‌سولی هاتین داین بو ئارام بوونا ره‌وشێ لێ ئیرانێ شیا ب رێیا وان سه‌رکردێن مه ئاماژه پێدای ژه‌هرا خوه دارێژیت و شه‌ره‌کێ چه‌ند ساله دناڤبه‌را دوو حزبێن سه‌ره‌کی ل کوردستانێ دا روی دا و مه هه‌میا دیت کا چه‌وا هنده‌ک ژ وان سه‌رکردێن ئێکه‌تی کو خوه ب بابێ هه‌ژارا ددان ناسکرن شانازی ب لێدانا پێشمه‌رگێن هێزا پارتی ژ لایێ توپخانا ئیرانێ ڤه دبر،،،
پشتی ب داوی هاتنا شه‌رێ ناڤخوه کو ئیرانێ نه‌شیا ب تمامی پلانا خوه ژ بوی نه‌هێلانا قه‌وارا سیاسیا هه‌رێما کوردستانێ بجی بینت و ده‌ست پێکرنا شه‌رێ ئازاد کرنا به‌غدا ژ لایێ هه‌ڤپه‌یمانان ڤه خوشبه‌ختانه هێزێن کوردی (پارتی و ئێکه‌تی) تا رادده‌یه‌کا باش رێزێن خوه کرن ئێک و ب یه‌ک هه‌لویست به‌شداری ئێراقا نوی بوون هه‌ر چه‌نده د نڤێسینا ده‌ستورێ هه‌میشه‌یی یێ ئێراقێ دا ئێکه‌تی هنده‌ک کێماسی کرن لێ کارامه‌یی و کاریزما بوونا جه‌نابێ سه‌روکی هه‌ر زوی رێگری ل وان خالا کر و نه‌هێلا بهێنه به‌رجه‌سته کرن،،،ئه‌و یه‌ک ڕیزی و ته‌باییا دناڤبه‌را هه‌ردوولایه‌ناندا و ره‌وشا ده‌ڤه‌رێ هه‌ردوولا راکێشان بو ئیمزا کرنا په‌یمانه‌کا ئیستراتیجی و ئه‌ڤ یه‌که هه‌رگیز جهێ دلخوشیێ نه‌بوو بو سه‌رکردێن جاران دناڤ ئێکه‌تی دا کو مه لسه‌ری ئاماژه‌پێدا هه‌ر چه‌نده ل سه‌ر ده‌زگه‌یێن راگه‌یاندنێ هه‌ڤسوزیا خوه بو وی رێکه‌فتنێ دووپات دکرن لێ چوجار ئه‌و یا دلێ وان نه‌بوویه له‌وما پشتی ده‌رباز بوونا چه‌ند ساله‌کێن کێم جاره‌کا دی هه‌ولا په‌یداکرنا ئالوزیا دا کو گه‌هشته وێ راددێ ژ ئێکه‌تی بهێت ڤه‌قه‌دیاندن و ته‌ڤگه‌ره‌کا نوی ئاڤا بکن،، بناڤێ گوران،،، پشتی هاتنا ڤێ ته‌ڤگه‌رێ جاره‌کا دی سلێمانی پشتی چه‌ند ساله‌کێن کێم ژ ئارامیێ به‌ره‌ف گومه‌کا شلقاندی چوو و ده‌لیڤه جاره‌کا دی بو ئیرانێ ره‌خسا ره‌وشێ زور به‌ره‌ف ئالوزبوونێ ببت ل سلێمانیێ زور هه‌ول هاتن دان جاره‌کا دی ده‌ڤه‌ر توشی شه‌ره‌کێ ناڤخوه ببت ڤه لێ دیسان سه‌رکردایه‌تیا سیاسی یا کورد ل ئاست به‌رپرسیاریه‌تی یێ ده‌رکه‌تن و رێ نه‌دا ئه‌وا نه‌حه‌ز دڤیا جێ به‌جێ ببت،،
هاتنا ته‌ڤگه‌را گوران ده‌لیڤه‌کا باش بو هنده‌ک ئالیێن دی ژی ل ناوچا سلێمانیێ خوه‌ش کر و ل پێلا وێ ئیرهابا فکری یا دهێت په‌یا کرن سوار ببن و دیسان ئیرانێ ئه‌ڤ یه‌که ژی ب ده‌لیڤه دیت و ئێدی ره‌وش به‌رب ئالوزیێ دچوو و ب ته‌مامی ئیکه‌تی و وه‌ک پارتا ده‌ستهه‌لات دار ل وێ ناوچی توشی هێستریاێێ بوو نه‌خوه‌ش که‌فتنا مام جه‌لالی ئێک ژ ئه‌گه‌رێن دی یێن هه‌ری مه‌زن یێن ڤێ په‌رت و به‌لاڤ بوونا ئێکه‌تی بوو و نه‌شیان جه‌ماوه‌رێ خوه ل خوه کوم بکن و ره‌وتا باسک باسکانێ ب توندی دناڤا وان دا سه‌رهلدا ئێدی ره‌وش گه‌هشت وێ چه‌ندێ ئه‌و بخوه ددانێت خوه د لاشێ هه‌ڤدوو دا ببن ئه‌ڤه دلیڤه‌کا خوه‌ش بو باش بی بو ئیران و حزبێن ئوپوزسیونی کو ره‌وشا سلێمانیێ باشتر ئالوز بکن ئێدی سلێمانی بو ناوه‌نده‌کا گرنگا فکری ل دژی پارتی ب تایبه‌ت ،،،
هاتنا شه‌رێ داعشا بو سه‌ر هه‌رێما کوردستانێ و شکه‌ستنا هیزێن پێشمه‌رگه‌ی ل شنگالێ دیسان ده‌لیڤه‌کا دی بو هنده‌ک کالفامێن ئێکه‌تی و پارتێن ئوپوزسیونێت سلێمانیێ خوه‌ش کر هه‌ر چ تومه‌ته‌کا ناره‌وا و بێ رێزیه‌کا هه‌ی به‌رامبه‌ر ب هێزێن پارتی بکه‌ن و د وێ ره‌وشا ئالوزدا خه‌ریکی په‌یا کرنا ئیرهابا خوه یا فکری ل دژی پارتی بین و ته‌نها حه‌ز و ویستا ئیرانێ بوو ب تایبه‌ت پشتی کو جه‌نابێ سه‌روک بارزانی زور ب روونی ل پێش ده‌ست پێکرنا شه‌رێ داعشا باس ب ریفراندوومێ کر کو ئه‌ڤ خاله ب نسبه‌ت ئیرانێ هێلا سور بوو له‌وما ژی هه‌موو هه‌ول و بزاڤێن خوه ل سلێمانیێ ئێخستن گه‌ر،،له‌وما ژی پتریا حزبێن سیاسی ل سلێمانیێ مه‌رجێن بێ رامان ل هه‌مه‌به‌ر ئه‌نجام دانا ریفراندوومێ دانان تنێ بو هندێ کو ئه‌ڤ ریفراندوومه نه‌هێته ئه‌نجام دان و ب جێ به جێ نه‌کرنا پارتی بو وان مه‌رجا پارتی تومه‌تبار بکن ن رێگری کرنێ ل هه‌مبه‌ر ئه‌نجام دانا ریفراندوومێ لێ پارتی زور ب هوشیار ی ئه‌و مه‌رجه جێ به‌جێ کرن و حزبێن سلێمانی یێ که‌تن به‌ر فه‌رمانا دورهێلی نه‌چار بوون به‌شداری پروسێ ببن ئه‌گه‌ر وه سه‌رنجا خوه دابت سه‌ر رێژا به‌شدار بوونێ ل ناوچا سلێمانیی کێمتر بوو ژ هه‌موو ناوچێن دی یێن کوردستانێ ئه‌ڤه ژی بو وێ ئیرهابا فکری ڤه‌دگه‌ری..
پشتی خیانه‌تا 16ی ئوکتوبه‌رێ ره‌وشا سلێمانی یێ ب ئێکجاری که‌فت قوناگه‌کا دی دا هه‌موو قاعیدێ حزبی یێن ناوچا سلێمانێێ رویێ راسته‌قینه‌یێ حزبێن وان بو دیار و ئاشکه‌را بی ب تایبه‌ت ژی ئێکه‌تیا نیشتمانی توشی ژناڤچوونه‌کا جه‌ماوه‌ری بوو و هه‌موو به‌لگێن ڤێ خیانه‌تێ د حاشا هه‌ل نه‌گر بوون له‌وما ژی ئێکه‌تیا نێشتمانێ بو ڤه‌گه‌راندنا ده‌نگێت خوه د هه‌لبژاردنێن 12ی ئه‌یارێ دا په‌نا بو به‌ر تاوانه‌کا دی بر ب چاڤ ساخیا ئیرانێ وه‌ک شرینه‌ک هه‌مبه‌ر وێ خیانه‌تا هاتی کرن ،،لێ ئه‌وا جهێ پرسیارێ ئه‌وه ئایا جه‌ماوه‌ر و حزبێن سلێمانی یێ دێ دبێ ده‌نگ بن یا نه ؟
ب باوه‌را من ئه‌گه‌ر ئه‌نجامێن هه‌لبژادرنا ل سلێمانیێ ب ڤی ره‌نگی بمینن سلێمانی دێ توشی قه‌یرانه‌کا دی یا سیاسی دور نینه سه‌ربازی ژی بت و هێرشیا هێزێن ئێکه‌تی ل شه‌ڤا 12لسه‌ر 13ێ ئه‌یارێ بو سه‌ر باره‌گایێ گوران ژی به‌لگه‌یه‌که بو ڤێ چه‌ندێ،، رولێ ئیرانێ ژی کێم نابیت و دێ ل پلێن نه‌رازیبوونا خه‌لکی سوار بت دور نینه پشته‌ڤانیا سه‌ربازی یا هنده‌ک لایه‌نا ژی بکت بو پتر تێکدانا ناوچێ ژ بوی هندێ جهێ پێ خوه لێ موکمتر بکت و رێ بدت خوه هێزێن خوه یێن سه‌ربازی ل سلێمانیێ جێگیر بکت،کو ئه‌ڤه بخوه خاله‌کا وه‌رچه‌رخانێ دێ بت ل ناوچێ چونکی جهێ قه‌بوول کرنا هه‌ڤ په‌یمانا ب ئێکجاری نابت و دیسان به‌رپرسیاره‌تیه‌کا مه‌زنه بو حکومه‌تا ئێراقا دێت دا،،له‌وما ژی ب باوه‌را من مانا ئه‌نجامین هه‌لبژاردنا ب ڤی شێوی هه‌ی ل زونا سلێمانی یێ دێ بت ئه‌گه‌ر ره‌وشا سلێمانیێ ئالوز بت و دڤێت هه‌موو لایه‌نه‌ک ل ئاست به‌رپرساریه‌تی یێ بن
