پێشەکی " پرۆسا دەنگدانێ پشکەکا گرنگا سیستەمێ دیموکراسیێ یە ، بۆ دەست نیشانکرنا نوونەرێن مللەتی یان نوونەرێ مللەتی ل دەسھەلاتێ برەنگەکێ ئازاد ، لێ رەوشا سیاسی و جڤاکی یا مللەتی و وەلاتی بنەمایێن ھەلبژاردنا لایەنێ سیاسی یان کەسایەتیا ژلایێ خەلکی مەرجدار دکەت و وەلات بۆ وەلاتی جوداھی ھەنە ، خەلکێ کوردستانێ لسەر ڤان بنەمایان دێ دەنگی دەتە پارتی دیموکراتی کوردستان .
سێ :- پارتی پێشمەرگەیە
پێشمەرگە ئانکۆ ئەو کەسێ بەرھەڤ ، کنیات و گیانێ خۆ بکەتە قوربانی گەل و وەلاتێ خۆ ، پارتی دیموکراتی کوردستان ل دامەزراندنا خۆ بەری بەری حەفتێ و دوو ھەتا نھو پێشمەرگەھەکێ چەکدار بوویە بۆ بەرەڤانیکرنێ ل کورد و کوردستانێ ، پارتی دیموکراتی کوردستان زانینگەھەکا ھەرە مەزنە بۆ پێشگەھاندنا پێشمەرگەھێن کوردستانێ ، چ ئەو پێشمەرگەە بن ئەوێن چەکدار و ب پراکتیک پێشمەگە و بەرەڤانیێ ل کوردستانێ دکەن و ئێمناھیا کوردستانێ دپارێزن و ب ھزاران قوربانی دانە ، یان ژی پێگەھاندنا پێشمەرگەھێن دیتر وەک کادرێن بەرەڤانیکار و پەروەردەکارێن ھەست و ھزرا نەتەوی و نشتیمانی ل کوردستانێ ، یان ژی پێشمەرگەھێن ئاڤەدانیکرنێ لسەر دەمێ ئازادیێ ، ھەر وەکی مە دیتی لسەر دەستێ پارتی دیموکراتی کوردستان ھەرێما کوردستانێ ل وەلاتەکێ وێران و بێ خزمەت گۆزاری ، بوویە وەلاتەکێ ئاڤەدان و پێشکەفتی .
پارتی دیموکراتی کوردستان ل ھەمی دەم و جھان پێشمەرگەھێ ھشیار و چاڤ نەترس بوویە بۆ پەرەڤانی و پاراستنا کوردستانێ ، ھەر وەکی ئەم دزانین ، ھێزا پارتی مەزنترین و کاریگەرترین پارێزەر و بەرەڤانکارێن کۆمار کوردستان ل مەھابات ل سالێن ( ١٩٤٦ و ١٩٤٧ ) ، ئەڤ چەندە دیاردگەت پارتی پێشمەرگەھا ھەمی پارچێن کوردستانێ ، بەری کۆمارێ و پشتی کۆمارێ ژی ھەردەم پارتی پێشمەرگەھا کوردستانێ بوویە ھەر وەکی ل شۆرەشێن بارزان و ئیلۆنا مەزن و گۆلانا پێشکەفتنخوار ئەڤ چەندە خۆیا بووی . ل سەرھەلدانا پیرۆزا سالا ١٩٩١ ێ ژی لسەر دەستێ پارتی وەکی پێشمەرگەھەک د ھەمی بوواران دا ڤێ سەرھەلدانێ سەرگرت و پەرلەمان و حکومەت و سازیێن دیتر ھاتنە ئاڤاکرن و پاراستن و پەرەپێدان . ل سالا ٢٠١٤ ێ دەمێ مەزنترین ھێزا تیرۆرستیا جیھانی ( داعش ) بەرێ پێلا خۆ دایە کوردستانێ بۆ داگیرکرنێ ، سەرۆکێ پارتی و پێشمەرگەە و کادر و جەماوەرێ پارتی ، مەتالەکێ بۆلایین بوون بۆ پاراستنا کوردستانێ لڤێ ھێزا تیرۆرستیا بھێز و شکاندنا وان .
پشتی راپرسیا سەرخۆبوونا کوردستانێ یا ٢٥ ێ ئیلۆنا سالا ٢٠١٧ ، دەمێ ب پالپشتی و رێ نیشاندەریا گرۆپێ خیانەتکاریێ دناڤ ئێکەتی نشتیمانی کوردستان دا کەرکووک و ھندەک دەڤەرێن دیتر یێن کوردستانی ژلایێ حەشدا شیعی ب سپۆنسەری چەکدارێن ئیرانێ داگیری و دڤیا ھەمی ھەرێما کوردستانێ داگیر بکەت ، پارتی دیموکراتی کوردستان بوو رێگری لێکر و ب دژواری بەرامبەر راوەستا و دربێن ھەرە مەزن گەھاندنێ و ھەرێما کوردستانێ ل مەزنترین پیلان و لەشکرکێشێ پاراست . پارتی دیموکراتی کوردستان پێشمەرگەھەکا ھەمە بوواری یە بۆ پاراستنا کورد و کوردستانێ و خەلکێ کوردستانێ ژی پێشتڤی بڤان رێکخستنا ھەیە ، لەوما خەلکێ کوردستانێ دێ دەنگی دەتە پارتیا پێشمەرگەە ، داکۆ ھەردەم یێ پاراستی بیت .
چار / پارتی ئیدارە و ئاڤەدانی یە :-
ئیدارە ئانکۆ کارگێری رێکخستنا رێڤەبرنا کار و بارێن وەلاتیانە برەنگەکێ رێک و پێک و ب سازیکرنا وان ، پارتی دیموکراتی کوردستان ھەر ل دامەزراندنا خۆ گرنگیەکا ھەرە مەزن دایە ڤی بوواری ، چ ل قوناغێن سەرەتایی یێن وان شۆرەش و بزاڤێن کوردستانی یێن لسەر دەست و سەرکێشیا پارتی ، بەری دامەزراندنا پارتی ژی کارگێریا خۆسەر ھەردەم داخازیێن سەرکێشێن شۆرەشێن بارزان بوون وەک شێخ عەبولسەلام و شێخ ئەحمەدێ بارزانی .
ژبەرکۆ کارگێریا خۆسەر فاکتەرێ گەشەبوونا وەلاتی یە ، ژلایێ سیاسی و ئابووری و جڤاکی .
ھەر دەمێ پارتی دەسھەلات بیت شێوازەکێ کارگێریێ سەردەمانە بۆ وەلاتی و وەلاتیان چەسپاندی یە کۆ د بەرژەوەندا خەلکێ کوردستانێ دابیت .
برەنگەکێ دی کارگێری ھۆنەرێ زانینا سەرەدەریکرنێ یە دگەل کاودان و دەوروبەران ، دڤی واری ژی پارتی دژیێ خۆ یێ حەفتێ و دوو سالی کەفتیە دناڤ زۆر بوویە و ڕەوشێن ھەمەرەنگ یێن سیاسی و کارگێری و جڤاکی دا ، د ھەمی ڤان رەوشان دا ھەردەم ب لێزانینی سەرەدەری دگەل کریە و بسەرکەفتیانە تێدا دەرباز بوویە ، ھەر وەکی ل سەرەتایا دامەزراندنا خۆدا رژێما پاشایەتیا عیراقێ ب پالپشتیا کۆلونیالیزما عیراقێ پارتی کەفتە بن بێ دژوارتین پیلان بۆ داگیرکرنا کوردستانێ ، لێ پارتی شیا ب لێزانینی سەرەدەریێ دگەل ڕەوشێ بکەت و نەبوویە دیلا وی سەردەمی و شیا خۆ رابگریت . یان پشتی زڤراندنا بارزانی نەمر و ھەڤالێن وی ل سالا ١٩٥٨ ل ئێکەتیا سۆفیەتا بەرێ ، شیا خۆ دگەل رژێما کۆماریا عیراقێ خۆ بگۆنجینیت و سەرەدەریێ دگەل رەوشێ بکەت ، لسەردەمێ شۆرەشا مەزنا ئیلۆنێ ژی پارتی بۆ کارگێریەکا خۆسەر مەزنترین قوربانی دان و لدەڤەرێن رزگارکری باشترین شێوازێ کارگێریێ دادوەرانە رێڤەدبر . لسەردەمێ دامەزراندنا حکومەتا ھەرێما کوردستانێ ل سالا ١٩٩٢ ھەتا نھو پارتی ئەکتەر و دەرھێنەرێ کارگێریەکا ساخلەم بۆ ل کوردستانێ ، چونکی لسەر دەستێ پارتی سازیێن کارگێری و یاسایی و لەشکری و رێکخراوەیی یێن ھەرە ئەکتیڤ ھاتنە دامەزراندن . ژلایێ ئاڤەدانیێ ژی ڤان سازیێن ئیداریێن لسەر دەستێ پارتی ھاتینە دامەزراندن ، دەست ب پرۆسەیێن بەرفرەە یێن ئاڤەدانیێ ل کوردستانێ ھاتنە کرن ، زۆر گوندێن کوردستانێ مینا باژاران لێ ھاتینە و باژارێن کوردستانێ ژی ھەڤرکیا باژارێن وەلاتێن پێشکەفتیێن جیھانێ دکەن . ژبوی بەردەوامی و بەرفرەھتر کرنا ڤێ پرۆسا ئاڤەدانیا کوردستانێ و کارگێریەکا سەردەمانەتر ، خەلکێ کوردستانێ د ھەلبژاردنێن داھاتی دا دێ باوەریێ دەتە پارتی دیموکراتی کوردستانێ .