هەمومان دەزانین ، گەلێک ئازاد نەبێت هەمیشە لێقەوماو برسیکراو دەبێت ، کێشەى ئێمە کێشەى (بودججەو موچە) نییە ، بۆیە تا ئازاد نەبین و مافەرەواکانمان وەک گەل و نێشتیمان مسوگەرنەکرێن ، بەردەوام لە بەر هەڕەشەى نانبرین و ڕاوەدونان دەبین ، هەر کاتێک دەسەلاتى ملهورى ناحەز بیەوێت بە پاساوى جیاجیا ، موچەو بودججەمان دەبرێت ، لەسەرەتاى ساڵى ٢٠١٤ ەوە ، بەغدا نانبراو بودججە بڕاو کراوین ، ئەوەى جێگاى داخ و پەژارەیە سەرەڕاى بیرى چەوت و ڕەشی حکومڕانانى بەغدا ، ئەو هەنگاوە ستەمکارییە لە سەر پێشنیارو داواکارى هەندێ سازشکارو خۆ هەراجکەرى ناوخومان بوو ، بەو ئومیدەى بتوانن زەفەرمان پێ ببەن و چوک بە گەل و هەرێمەکەمان دابدەن ، بەلام خەیالیان خاودەرچوو ، توانیمان لەو تەنگژەى دەرازبین : دواى ئەنجامدانى ڕیفراندومێکى سەرفرازانە ، بە سیاسەتێکى هوشیارانەى هێمن ، توانرا بەربەستەکان لە سەر ئاستى دەرەوەو ناوخۆ لە بارببرێن ، بەلکو بەردەوامى بدرێت بە (بوژانەوەى ئابورى ، سیاسی ، ئیدارى و دابینکردنى خزمەتگوزارییەکان ) . خوڕاگرى گەلەکەمان هەمویانى توشى شووککرد ، گەلێکى ئازدایخواز دەتوانێ : بەرگەى ستەمکارى ناحەزانى دەرەکى و ناوخۆیی بگرێت و لە داهاتوشدا قەلاچوى ( گەندڵى و نەهێشتنى هەمو کەم و کوڕییەکان بە پشویەکى کوردانەو مەردانە دەکات ) ، بەوانەى ئێستا بەهات و هاوار دەیانەوێ خۆیان بە (خدرى زیندە) بچوێنن و هەندێ خەلک لە خشتە ببەن بیسەلمێنی (تەنها هیزى گەل و بیرى دیموکراتى کوردایەتییە ) دەرەقەتى چەوسینەران و پێشێلکەرانى مافەکانمان دێت . ئەمەش بەشیک لەو پروژانەن لەم ڕوژانەى دواییدا جێبەجیکراون یان لە دەستپیکى کارکردندان :
١- دەستپیکردنى بنیاتنانى پڕوژەى گەشت و گوزارى کەرتى تایبەتى (گوندى سپى ) لە زاخۆ بە گوژمى (١٧) ملیون دولار .
٢- دانانى بەردى بناغەى پڕوژەى ئاوى ناحییەى (فایدە) ى سەر بە پارێزگاى دهۆک ، بە هاوکارى ڕێکخراوى (giz) ى ئەلمانى ، بە گوژمى (١٨) ملیون یورو ، (٣٠٠) هەزار کەس لە (فایدە ، دومیز ، شاریا و کەبەرتوو ١،٢) لێی سودمەند دەبن .
٣- کردنەوەى ڕێگاى (سێمێل - خانکێ ) بەدرێژایی (٢کم) بە هاوکارى ڕێکخراوى (undp) . بە گوژمى زیاتر لە (٥٠٠) هەزار دولار.
٤- بنیاتنانى (کارگەى بەرهەمهێنانى زەیتى زەیتون ) ى کەرتى تایبەت لە شارى سلێمانى .
٥- بەهۆى هەڵسوکەوتى نارێک و دور لە ئەتیکێتى کارکردن ، کومپانیاى (fedex) ى فروکەوانى بازرگانى (کارگۆ) بەغداى جێهێشت و بەرەو کارکردن دێت لە گەڵ فروکەخانەى هەولێر ، کە دەبیتە مایەى بەگەرخستنى دەیان کەس .
٦- بە پێی رێککەوتنێک لە نێوان حکومەتى هەرێم و ئێران ، دەست بە کردنەوەى (ناوچەیەکى بازرگانى) دەکرێت لە خالى سنورى پەروێزخان .
٧- کردنەوەى (کۆمەڵگایەکى وەرزشى) لە سەر ئەرکى هاولاتییەکى نیشتمانپەروەرى شارى هەولێر (ئەندازیار سەفین یاسین) لە کولیژى زانستى زانکۆى سەلاحەددین .
خەرمان بەرەکەت ، ئاوەدانبێت کوردستان .