باران ل گورگی ھات ، شڤان تەڕ بوو ...!
April 15, 2018
وتار و بیروڕا
![باران ل گورگی ھات ، شڤان تەڕ بوو ...!](https://gulanmedia.com/public/old_images/nusaran/xaiyazz2.jpg )
ل دووماھیێ لشەڤا ١٣ – ١٤/٤/٢٠١٨ وەلاتێن ئەمریکا و بریتانیا و فەرەنسا ب مۆشەک و فرۆکەیان چەندین بنگەھێن لەشکری و ستراتیژی کرنە ئارمانج و زیانێن مەزنێن ماددی و لەشکری گەھاندینێ . ڕەنگە وەکی ھێرش د ئاستەکێ پێدڤی دا نەبیت کۆ رژێم پێ بھێتە ھەلوەشاندن ، لێ بڤێ دڕبێ شیانێن وان یێن لەشکری لاواز بوونە ، بڕەنگەکێ دیتر ئەڤە وەشاندنا دڕبەکا ھەرە گرانە دژی وەلاتێن رووسیا و ئیرانێ ، چونکی ئەڤ ھەردوو وەلاتە سپونسەرێن سەرەکیێن مانەڤە و خۆراگریا رژێما ئەسەدی نە ل دەسھەلاتا سووریا ، دڤان چەند سالان دا وەلاتێ ئیرانێ ب ئاشکرا بەرەڤانیێ ل وێ رژێمێ دکەت داکۆ بەردەوامیێ بدەتە پاراستنا بەرژەوەندێن خۆ یێن سیاسی و ھزری ل سووریا و خەونا خۆ یا چەند سالی بۆ تەمامکرنا ھیلالا شیعی .
رووسیا ژی پشتی ڤان سالێن دووماھیێ وەکی زلھێزەک بۆ پاراستنا بەرژەوەندێن خۆ و دیارکرنا ھێزا خۆ بۆ جیھانێ و ئەمریکا و وەلاتێن رۆژ ئاڤا ، راستەو خۆ بەرڤانیێ ل مانەڤا رژێما نھو یا سووریا دکەت و چەندین بنگەھێن لەشکری لێ دامەزراندینە ، لسەر ئاستێ نیڤ دەولەتی ژی ھەردەم رووسیا ل کۆمبوونێن جڤاتا تەناھیێ و نەتەوەیێن ئیکگرتی دا بەرەڤانی لێ کریە و فاکتەرێ دەرنەکەفتنا بریارێ، دژی سووریا بوویە و چەندین جارا مافێ ڤیتۆ بکار ئینایە .
ئەڤ بریارا ڤان سێ وەلاتێن زلھێزێن جیھانێ ( ئەمریکا و بریتانیا و فەرەنسا ) ل وەشانا دربەکا لەشکری ل سووریا ، ڕەنگە بڤی ئاوایی نەمینیت و ب پالپشتیا وەلاتێن دیتر یێن رۆژ ئاڤا و عەرەبی دڕبێن مەزنتر لدیڤ خۆ بینیت .
بڤێ گۆرزا نھو ھاتیە وەشاندن سووریا پێ ئێشایە ، لێ مەزنترین پڕووشکێن ڤێ گۆرزی ل سووریا دوور کەفتینە و ب ئیران و رووسیا کەفتینە ، ئەڤ ھەردوو وەلاتە پتر ل سووریا پێ شەرمزار بوونە ، ژبەرکۆ ژلایێ سیاسی ئەڤە دڕبەکا گران و رووستەمی بوو بۆ رووسیا و ئیرانێ ، ئاریشا سووریا شەرەکێ سار دناڤبەرا ئەمریکا و بەرامبەر رووسیا و ئیرانێ درۆست کریە ، ئەگەر ئەمریکا و رۆژ ئاڤا بەرامبەر شەرێ سووریا بێ دەنگ و بینەر بن ، سووریا ب تەمامی ژلایێ ئیرانێ ب پالپشتیا رووسیا دێ ھێـە داگیرکرن ، ئەڤەژی مەزنترین شکەستنە بۆ ئەمریکا و رۆژ ئاڤا ، چونکی جوگرافیا سووریا کاکلکا رۆژھەلاتا ناڤینە ،ئەوێ دەستێ خۆ بسەردا بسەپینیت دەست بسەر ھەمی رۆژھەلاتا ناڤین سەپاند .
ئسرائیل ژی کۆ مەزنترین ھەڤپەیمانا ستراتیژیا ئەمریکا و رۆژ ئاڤایە ل دەڤەرێ و بەرژەوەندێن وان پێ دھێنە پاراستن ، ب ھەبوونا سووریایەکا ئیرانی جھێ مەترسیێ یە ، دیسان سووریایەکی بوی رەنگی ژبلی کۆ مەترسیەکا دژوارە بۆ وەلاتێن کەنداڤێ عەرەبی ژلایێ ھزری و جڤاکی ژی یا مەترسیدارە ژبەر بەلاڤکرنا ھزرا شیعەگەریێ ، لەوما وەلاتێن کەنداڤێ عەرەبی دێ پالپشتیا ئەمریکا کەن .دڤێ رەشەبایێ دا باران ل گورگی ھات و شڤان پێ تەر بوو ، چونکی رژێما ئەسەدێ گۆرگێ وەلات و وەلاتیێن خۆیە ، لێ رووسیا و ئیران شڤانێن وێ رژێمێ نە .
کورد ژی دڤێ ھەڤکێشێ دا بێ بەھر نابن ، چونکی لاوازیا سووریا و نەماڤێ رژێما وان با نھو باندوورەکا کاریگەر لسەر لاوازکرنا نەیارێن کوردا ھەیە وەک ئیران و عیراقا شیعی و تورکیا ، دوورکەتنا ئیرانێ ل سووریا لاوازبوونا ئیرانێ یە ل عیراقێ . تورکیا ژی کو نھو زێدەتر ل بەرێ چەند سالیَِن بووری دژبەریا کوردان دکەت ، دبیت بڤێ ھەڤکێشێ ھەڤسەنگیا وێ تێک بچیت و زێدەتر نەشێت نیڤەکا وەریسی بگریت ، ژلایەکی ئەنداما ناتۆ و ھەڤپەیمانا ئەمریکا و رۆژ ئاڤا بیت و ژلایەکێ دی ھەڤپەیمانا رووسیا بیت بۆ چەسپاندنا پلانا وێ ل سووریا ، کۆ رکەبەرێ سەرەکێ ئەمریکا و ناتۆ یە ، رەنگە بەردەوامیا لێدانا سووریا ژلایێ ئەمریکا و ھەڤپەیمانێن وێ ببیتە ئەگەرێ دوورکەتنا تورکیا ل رووسیا . بۆ ڤان گۆرانکاریا پێتڤی یە کورد بەری ھەر تشتەکی ئێکگۆتاریا سیاسی درۆست بکەن خۆ بۆ ڤان گۆرانکاریا بەرھەڤ بکەن و حکومەتا ھەرێما کوردستانێ خورتر بکەن و پشتەڤانیا سەرۆکێ وێ بن کو نوونەرایەتیا ھەمی لایەنان بکەت بۆ بەردەوامیدان ب گەشەکرنا ئابووری و سیاسی و سەرەدەریکرنێ دگەل وەلاتێن ھەڤپەیمان ، چونکی دڤان دەمێن بووری دا خۆ یا بوویە کو سەروکێ حکومەتا ھەرێما کوردستانێ جھێ باوەریا وەلاتێن جیھانێ ودووستێ، کوردستانێ یە و دشێت خاندنێن درست بۆ کێشە و ھەڤکێشێن سیاسی و ئابووری بکەت ،