سەرۆکێ حکومەتا ھەرێمێ ، ووڕە بەخش و پیلان شکێنەر
April 5, 2018
وتار و بیروڕا
![سەرۆکێ حکومەتا ھەرێمێ ، ووڕە بەخش و پیلان شکێنەر](https://gulanmedia.com/public/old_images/nusaran/xaiyazz2.jpg )
ووڕەیا خەلکێ کوردستانێ بۆ گەھشتن ب ئارمانجێن نەتەوی و نشتیمانی ئەوێن پارتی دیموکراتی کوردستان و سەرۆک بارزانی ل راپرسیا سەرخۆبوونا کوردستانێ یا رۆژا (٢٥) ێ ئیلۆنا ھەمان سال بۆ خەلکێ کوردستانێ درۆست کری ، کپ کر و تووشی بێ ئۆمێدیەکا دژوار کرن ، ژلایەکێ دی دەرفەت بۆ وەلاتێن نەیار و داگیرکەرێن کوردستانێ دابین کر و راستەو خۆ دەستێن وان بۆ مایتێکرنێ ل رەوشا کوردستانێ درێژ کرن و ئەو لایەنێ خیانەتکار بوونە پشکەک ل پیلانێن داگیرکەرا بۆ لاوازکرنا پێگەھێ ھەرێما کوردستانێ یێ سیاسی و ئیداری و گەمارۆدانا کوردستانێ ژلایێ ساسی و ئابۆری . ژپێخەمەت لاوازکرنا رۆلێ پارتی دیموکراتی کوردستان و بنەمالا بارزان د بەرھەڤ بوون ئەزمۆنا سیاسی یا کوردستانێ بکەنە قوربانی بەرژەوەندێن خۆ یێن تایبەت . ھەرچەندە پیلانەکا دوژمنکارانەیا دارشتی بوو دناڤبەرا بالێ خیانەتکار و دەولەتا عیراقا شیعەگەری ب سپونسەرا ئیرانێ و بێ دەنگیا نیڤ دەولەتی ، لێ پارتی دیموکراتی کوردستان لرۆژێن دەسپێکێ شیا پیلانێن وان ھەلوەشینیت و ب رێگریکرنێ ل ھاتنا حەشدا شەعدبی دەسپێکر و داستانێن ھەرە مەزن بسەر تۆمارکرن ، کۆ ئەڤە دەسپێکا گاڤا ھەلوەشاندا پیلانێن وان بوو ب سەرپەرشتیا سەرۆک مەسعود بارزانی . گاڤێن سیاسی و دبلۆماسی و دارایی ، ژلایێ نێچیرڤان بارزانی سەرۆکێ حکومەتا ھەرێما کوردستانێ بلەز ھاتنە ھاڤێتن و د خەیالا داگیرکەر و ھەڤچەپەرێن واندا نەبوو ، حکومەتا ھەرێما کوردستانێ بسەرۆکاتیا سەرۆکێ حکومەتێ بشێت لدەمەکێ کورت دا ڤان پیلانا بھەلوەشینیت و دووپێچا بشکێنیت و حکومەتا ناڤەندی نەچار بکەت دەست ب دیالۆگێ بکەت . ئەڤ گاڤێن سەرۆکێ حکومەتێ وورەیا خەلکێ کوردستانێ دگەل رۆژێن دەسپێکیا گاڤێن خیانەتکار و داگیرکەرا ناھێنە بەراوورد کرن ، چونکی خەیالا وان ئەو بوو حکومەتا عیراقێ دێ ھەرێما کوردستانێ داگیر کەت و رادەستی وان کەت و دێ بنە ( حاکمێن مەتلەق ) ل کوردستانێ و ھەمی تاوان بۆ پارتی ھژمار کەن ب بەھانەیا ئەنجامدانا راپرسیا سەرخۆبوونا کوردستانێ . لێ لێزانین و دووربینا سەرۆکێ حکومەتێ نە تنێ رەوشا سیاسی بەرەڤ ئاسایی بوونێ بر ، بەلکی لسەر ئاستێ جیھانێ باوەریا نیڤ دەولەتی ب حکومەتا ھەرێما کوردستانێ دابین کریە و ئەز باوەرم لدەمەکێ کورت دا ئەڤ پشتەڤانیە دێ زێدەتر بن . ژلایێ ئابووری ژی خەیالێن خیانەتکا و داگیرکەرا خاڤ کرن و گاڤێن ھەری باش بۆ خوشکرنا ڕەوشا ئابۆری یا خەلکی ھاتینە ھاڤێتن و نەھێلانا پشکەکا زۆرا پاشکەفتێ مۆچەی گاڤێ، دەسپێکی نە . ئەڤێ گاڤێ ، ئەو حیبەتی کرینە . گاڤ و سەرەدەریێن نێچیرڤان بارزانی یێن سیاسی و ئیداری دڤان چەند ھەیفەکا دا ، نە تنێ وورە یا خەلکێ کوردستانێ ب حکومەتا ھەرێما کوردستانێ و ئاییندێ سیاسی یێ کوردستانێ مکمتر کریە , بەلکێ وەلاتێن جیھانێ و چاڤدێرێن سیاسی یێن دوزا کوردی یێن وەلاتێن دیتر حیبەتی کرینە و رەنکی ھندەک ژوان ھەتا نھو بەرۆڤاژی تێگەە و سیاسیتا پارتی بن ، لێ ئەڤرۆ بڤێ ساسەتێ و ڤان سەرکەفتنا بووینە پشتەڤانێن پارتی و سەرۆکێ حکومەتا ھەرێما کوردستانێ .
دیارە خیانەتکار و داگیرکەران ژ بیراخۆ بریە کۆ پارتی و مالا بارزانی د دیرۆکا خۆ یا پڕ سەروەری ژ پێخەمەت ئازادی و رزگاریا کوردستانێ ، لسەر ئاستێ نیڤ دەولەتی و ھەرێمایەتی چەندین جارا بڕەنگێن دژوارتر و موکومتر پیلانێن دژی گەلێ کورد و بزاڤا رزگاریخوازیا کوردستانێ ھەلوەشاندینە و ب سەربلندی لێ دەرباز بوونە و سەرکەفتنێن مەزنتر تۆمارکرینە ، ئەڤێ جارێ ژی ب ھەدارێ و باوەری بخۆ ھەبوونێ ، لسەر دەستێ پارتی و سەرۆکێ حکومەتا ھەرێما کوردستانێ گەلێ کورد بسەربلندی دێ لڤان قەیرانێن سیاسی و دارایی بسەربلندی دەرباز بیت ، ووڕەیا بلند بوویە و پیلانێن داگیرکەرا ھاتینە ھەلوەشاندن .