زوونا سەوز و نیلی و ........ ، یا بوویە تابلویە کێ رەنگین ، نەک تابلۆیەک کو دەربڕینێ ل ئێش و ئازارێن خەلکێ دەڤەرێ بکەت ، یان ژی چادرەک بۆ کۆمکرنا خەلکێ وەلات پارێز و ئازادیخاز و نشتیمان پەروەر . بەلکی ئالیێن سیاسیێن دەسھەلاتدار ل وێ دەڤەرێ چەندین سالە کار دکەت ژبووی بسەردابرنا خەلکی ، لسەر رێکا کورد پەروەریێ و ئازادی و دیموکراسیێ و ئێکدوو قەبۆلکرنێ بۆ دووبەرەکیێ و توند و تیژیێ و ھەڤرکیێن پارتایەتیێ و .... , ژپێخەمەت بەرژەوەندێن تایبەت یێن پارتایەتبێ و کەسایەتیێ و بەرھەمدارکرنا وی تۆڤێ دووبەرەکیێ یێ باب و باپیرێن وە بەری چەندین سالا چاندنی . چەندین سالە ھەمی ھەول و شیانێن خۆ دمەزێخن ژ پێخەمەت بەۆڤاژی نیشاندانا خەبات و قوربانیدان و کوردایەتیی و ئێکگرتن و خزمەت و ... یا پارتی دیموکراتی کوردستان بۆ خەلکێ وێ دەڤەرێ ، راستە وە شیایە دڤان سالان دا نفشەکی لسەر وی بنەمایێ ھۆن لسەر پەروەردەبووی پێبگەھینن و بسەردا ببەن ، ھەتا رادەەیکی وە شیایە دەسکەفتێن نەتەوی و نشتیمانی و ئیداری یێن لسەر دەستێ پارتی ب دەستڤە ھاتی ل پێش چاڤێن خەلکی بەرۆڤاژی بکەن و گۆنەە و خیانەتکاریا خۆ پێ پەردەپۆش بکەن .
د بنەرەت دا ھۆن زۆر ل من باشتر دزانن پارتی فاکتەرێ ئازادی و رزگاری و ئێمناھی و ئاڤەدانی یا کوردستانێ یە و ھەر خۆراگریەکا ل کوردستانێ ھەبیت ب پارتی بوویە . لەوما ھەردەم پارتی نیشان و ئارمانجا دوژمن و داگیرکارێن کورد و کوردستانێ بوویە .
دوور ناچین ، ئەگەر نمۆنێن ڤان سالێن پشتی سەرھەلدانا پیرۆزا سالا ١٩٩١ بینین ، دیار دبیت پارتی ئەگەرێ مانەڤە و گەشەپێدانا دەسھەلاتا ھەرێما کوردستانێ بوویە ھەتا رووخاندنا رژێما دکتاتۆریا عیراقێ ل سالا ٢٠٠٣ .
پارتی فاکتەرێ چەسپاندنا مافێن خەلکێ کوردستانێ بوویە ل دەستوورێ فیدرالیێ عیراقێ لسەر بنەمایێ جوگرافی و دیرووکی , بەرڤاژی وە لسەر فیدرالیەتا پارێزگەھان ، لسەر دەستێ پارتی بنەمایێن دیموکراسیەتێ و ئازادیا دید و بۆچوونا ھاتە بەرپاکرن و ئاڤەدانیەکا بێ وێنە ھاتیە کرن . پارتی ئێمناھیا کوردستانێ دابینکریە و ھەردەم ھەولێن ئێکرێزیێ و ئێکگرتنێ داینە ، نە تنێ لسەر ئاستێ ھەرێما کوردستانێ بەلکی لسەر ئاستێ ھەمی پارچێن کوردستانێ . ب بەرنامە و وورە بلندیا پارتی پێشمەرگەھێن کوردستانێ ئەفسانا تیرۆرستێن داعش شکاند و کەرکووکا کوردستانێ ئێخستە بن سیبەرا ئالایێ پیرۆزێ کوردستانێ . پشتی خیانەتا مەزنا ھندەک سەرکردێن ل ١٦ ئکتووبەرێ و داگیرکرنا کەرکووکێ و وەڤەرێن دیتر یێن کوردستانی رادەستی ھێزێن داگیرکەر کری . پارتی رێگری لێ کر و داستانێن بێ وێنە ل پردێ و سحێلا و مەحمودیێ ... تۆمارکرن . پارتی ب دبلۆماسیەت و سیاسەتا خۆ ھەرێما کوردستان لبن دوورپێچێن ئابووری و سیاسی یێن حکومەتا ناڤەندیا عیراقێ شکاندن . نوونەرێن پارتی ل بەغدا کەفتنە د خزمەتا کوردستانێ ، بەرۆڤاژی نوونەرێن وە بوونە نوونەرێن شیعەگەریێ کوردایەتی کرە تشتەکێ نامۆ .....
نھو ژی پشتی ڤان ھەمی سەرکەفتنێن حکومەتا ھەرێما کوردستانێ لسەر دەستێ سەرۆکێ حکومەتێ ( نێچیرڤان بارزانی ) د بووارێن ئیداری و سیاسی دا ، ھەولێن وە د بەردەوامن نەھێلانا ڤێ حکومەتا ھەرێما کوردستانێ ، ھەر ل خۆ ڤەکێشانێ دناڤ حکومەتێھەتا دگەھیتە رێکخستنا خۆ نیشاندانێن سیاسی ژ بن پەردا ئازادی و داخازکرنا مافێن دارایی . سەرەرای کو حکومەتا ھەرێما کوردستانێ شیای د بەرتەنگترین کاودان دا لسەر ھەمی پیلان و ئاستەنگان زاڵ ببیت و دەوشا ئابووری یا کوردستانێ بەرەڤ چارەسەریا ئێکجارەکی یە ، راستە خۆ نیشاندانێن ئاشتیانە و داخازیێن مافێن خۆ یێن ڕەوا کارەکێ نۆرمال و سرۆشتی یە ، لێ گاڤێن وە د بەردەوام بۆ ب سیاسی کرنا وان و بلند کرنا درۆشمێن کوشتنا دەسھەلاتا ھەرێما کوردستانێ و تێکدانا رەوشا ئارامیا کوردستانێ . پێدڤی یە خەلکێ وێ زوونا پڕ ڕەنگ نھو وێڤە راستیا بزانین و ئیدی رێکێ نەدەت زێدەتر ب درۆشمێن وە یێن بریقەدار بھێنە سەردابرن و نەبنە قوربانی بەرژەوەندێن وە یێن سیاسی و کەسی . ئەز باوەرم لدەمەکێ زۆرێ نێزیک خەلکێ وێ دەڤەرێ مینا ھەوە یێن سەرکردێن ئاژاوەگیریێ و خیانەتێ دێ د راستی و درۆستیا پارتی گەھن کا چەوا د خزمەتا کورد و کوردستانێ دایە و پیلانێن دۆژمنا یێن د ژی ئازادی و بەختەوەریا خەلکێ کوردستانێ ژ ناڤ دبەت و تۆڤێ برایەتیآ و ئێکگرتنێ د چینیت .