” حشد الشعبی ” لاپەرەک دی یێ ھەلبژارتنا ، ددەستێ عەبادیدا . . ! !
March 16, 2018
وتار و بیروڕا
![” حشد الشعبی ” لاپەرەک دی یێ ھەلبژارتنا ، ددەستێ عەبادیدا . . ! !](https://gulanmedia.com/public/old_images/nusaran/aamnnnba.jpg )
لڤی دوماھیێ ھێزێن (حەشدا شەعبی) بئیمزا حەیدەر عەبادی بشێوەکێ فەرمی ھاتە ناساندنوەکۆ دامەزراوەکا لەشکەری وخاوەن ھەیکەلەک کو تەریب بیت د ماف و ئیمتیازاتاندا دگەل ئەفسەرێن لەشکەری ئێراقێ.
ھەرچەندە دەرکرنا بریارا دیوانی یا ئیمزاکری بدەستێ سەرۆک وەزیرێن ئێراقێ سەبارەت بابەتێ حەشدا شەعبی ،نەک تەنھا چ رەنگڤەدان دبەرژەوەندیا کورداندالبەغدایێ نابیت، بەلکۆ لسەرەدەریا دگەل ناڤەندی لداھاتیێدا زێدەتر ئاستەنگان پەیدا دکەت،ئەوژی ژبەر پەیرەوکرنا تاک سیاسەتا تائیفەگەریا کۆ ژ عەقلیەتا شۆفینیزمیا بەردەوام ئەوا کۆ لبەغدایێ بەرھەم دھێت، بەلێ پێنگاڤێن ڤی دوماھیێ ئەوێن دھێنە ھاڤێتن ژ لایێ عەبادیڤە و ئەو ھەول و بزاڤێن ناڤبری ئەنجام ددەت ژبۆ دووبارە بدەستڤەئینانا دەسھەلاتی، راستیا بابەتی دچارچۆڤەکێ دیتردا نیشا ددەت، ئانکۆ براستی ئەو مژارە ژوی چەندێ مەزنترە، ئەوا ئەم دبینین ومندڤێت بێژم بحۆکمێ (ڕمرالواقع) ژ روویەکێ گرنگڤە دبەرژەوەندیا مە وەکو کوردستانیاندائاماژە دەردکەڤن .
بریار وکریارێن حکومەتێن ئێک لدویف ئێکێن ئێراقێ جار جار مە پۆشمان دکەت کۆ ھێشتا ئەم باس لئایندێ ئێراقێ دکەین، لێ لژێر سایا سیاسەت ودبلوماسیەتا سەرۆکێ ئەنجۆمەنێ وەزیرانێن ھەرێما کوردستانێ،کۆ خەونا ھەرە مەزنا بەغدایێ لبەرچاڤێن واناوەک خۆ بجە ھێلا و وئابلۆقا سیاسیا لسەر ھەرێما کوردستنانێ لادا، دڤان قۆناغێن سەخت و ئالۆز یێن کۆ گھۆرینێن بلەز و کاریگەر لسەر ئاستێ ئەقلیمی بسەردا دھێن،کورد تا راددەیەکێ بئەقلیەتەکا وەھا سەردەمانە سەرەدەریێ دگەل ژێوارێ ئەڤرۆ دکەن ، رەنگە ھندەک وەلاتێن جیھانێ چەند جاران زێدەتر دەمێن درێژ بۆراندبن تاکۆ ئەو بەربەستە شکاندبن ئەوێن رێگر بوون دراھاتنا سیاسەتکرنێدا پشتی ئاستەنگ وگۆشارێن پیلان بۆ دارشتی مینا وی ئابلۆقەیا سیاسی و ئابووریا لسەر کوردستانێ ، ئەواکۆ سەرۆکوەزیرێن عێراقێ بۆ بدەستڤەئینانا دەنگێن زێدەتر لھەلبژارتنێن بھێن یێن پەرلەمانێ عێراقێدا کار بۆ دکر.
براستی بپێتڤی دبینم بۆ دەمەکێ کێم ژمژارا سەرەکی دوویربکەڤم و چەند پسیاران بکم ، ئایا عەباددی نیازەکا راستەقینە ھەبوویە و دنھادا ژی ھەیە بو روینشتنا لدۆر مێزا گفتوگۆیێ و چارە کرنا ھەمی کێشێنھەلاویستی دگەل ھەولێرێ لگۆری دەستوورێ ھەمیشەیی یێ عێراقێ و برێکا دیالۆک و لێکتێگەھشتنێ ؟
ئانکۆ عەباددی نەرمی نواندیە دگەل کوردان بۆ سەرەدەریا دگەل ڤان بارۆدۆخ و پێشھاتی وئابلۆقەیێن دەستکرد وپیلان بۆ دارشتی ژلایێ وانبخۆڤە .. ؟؟
ھەروەسا دپرسم عەبادی پێش کوردانڤە چ ئەلترناتیڤ ھەیە کو بشێت ب وی چەندێ بەرکێ لژێر پیێت ھەڤرکێ خوە مالکی بکێشیت دھەلبژارتنێن داھاتی یێ پەرلەمانێ عێراقێدا کۆ لبەرە ل ١٢/٥/٢٠١٨ بھێنە ئەنجامدان ؟؟ ! ..
ئاخر بەرسڤدانا ڤان پسیاران بزەحمەت نینە ، ئاشکرایە کۆ کوردان رۆلێ ھەرە گرنگ ھەبوون دوەرگرتنا پۆستێ سەرۆکوەزیرێن عێراقێ دھەلبژارتنێن بووریدا ژ لایێ ھەر ئێک ژرکابەرێن نۆکە کۆ ئەوژی مالکی وعەبادی نە ،ژبلی کێم و زێدەھیەکا نەکارتێکەر لسەر ئێکلاییکرنا دەرەنجاما ھەلبژارتنان ، ھەکە عەبالدی نەشیا کوردان رازیکەت وپێنگاڤێن فیعلی باڤێژیت ل وی دەمی بحۆکمێ پشتەڤانیا زێدە یا مالکی ھژینەکا بەرچاڤ دێ لوی تەرازووێدا درۆستبیبت کۆ گۆمانێ دلاربوونا تەرازووێدا ناھێلیت ، بەلێ ئەوژی دبەرژەوەندیا مالکیدا .. !!
ئەڤجا ھەلویستێ عەبادی وەکۆ وی گوتنێ یە کۆ بھەردوو رەنگان ھەست بئێشانێ دکەت، ئەوگووتنژی ئەوەە کۆ دبێژن کەفتیە دناڤبەرا ( نال و بزماریدا ..!! ) ، وزێدەباری وی چەندێ عەباددی ھەولدایە کۆ حەشدا شەعبیژی وەکو لاپەرەکێ ھەلبژارتنا بکاربینیت بۆ مسۆگەرکرنا بدەستگرتنا دەسھەلاتی ئەوژی پشتی نەھێلانا بەھانەیان بۆ ھەڤرکێ خوە مالکی کۆ ھەمیشە تەکستێ لسەر دابینکرنا مافێ ڤی ھێزێ دکەت.
وھەکە بھویری لوی بریارێ بنێرین ئەوێ ژدیوانا ناڤبری دەرکەفتی، ئاماژە بوی چەندێ ھاتیەدان کۆ ناڤەندا بریاردانا ڤی ھێزێ دێ ژ لایێ سەرۆکێ ئەنجوومەنێ وەزیرانڤە بیت نەک ژلایێ وەزیرێ بەرەڤانیێ ، وژبەر زالبوونا ھەژموونا ئیرانێ لئیراقیدا عەباددی ھندەک (استناء) بۆ ڤی بابەتی ئانینە ئارا ، واتە پۆختەیا بابەتی وی چەندێ خۆیا دکەت کۆ عەباددی ھەمی ھەولو بزاڤان دکەت کۆ بەلگەیێن ھەژیبوونا خوە بۆ جاددەیێن عێراقا فیدرال بگشتی بدەتە خۆیاکرن بۆدووبارە بدەستگرتنا دەسھەلاتێ ، بەلێ براستی نزانم کا جەنابێ وی ژئەگەرا فرە لایەنێ سیاسی دئێراقێدا گەلەک ھزر دپەیداکرنا چریسکێن ئاگریدا کریە ژلایێ ھێزا حەشدا شەعبیڤە نەخاسم کۆ بئاشکەرا دبینیت ئەڤ ھێزە ژلایێ ئیرانێئە راستەوخۆ دھێنە ئاراستەکرن ..!!؟؟ .* یاساناس*