دواجارحكومەتی هەرێم هەر دەمینیت ئەگەر خیانەتیش جەستەی بریندار بكات
March 14, 2018
وتار و بیروڕا
![دواجارحكومەتی هەرێم هەر دەمینیت ئەگەر خیانەتیش جەستەی بریندار بكات](https://gulanmedia.com/public/old_images/nusaran/sanrn.jpg )
تاوەكوو كار دەگاتە قۆناغەك كە بە ئاشكرا هێرش دەكرێتە سەر كورد ئەوەش بە پێچەوانەی ئەو دەستورە بوو كە لە ساڵی 1958 هەبووە هەروەكو لە بەندی دووەمی دەستوری كاتی عێراق كە دەیگوت: (عێراق بەشێكە لە نیشتمانیی عەرەب)، مادەی سێیەمی دەستوری كاتی عێراق كە دەیگوت: (كورد و عەرەبی لە عێراقدا هاوبەش)، پشتگوێ بخەن.
ئەوەش هاوكاتە لە گەڵ ئەو زوڵم و بێ عەدالە تییانەی كە لەو سەردەمەدا زۆرینەی دەستەڵاتدار لە بەغدا دژ بە گەڵی ستەملێكراو و ئازادیخوازی كورد دەیكات تەنیا جیاوازییەك كە لەو سەردەمەدا بوونی هەبووە گۆڕانی جۆری سیستەمی دەستەڵاتداری بووە و بەس و كورد .
ئەوەی كە لە رابردووشدا، پشتییان پێبەستووە و ئێستاش هەمان سیناریۆ دووبارە دەبیتەوە سوود وەرگرتن لە ناكۆكییەكانی نێو ماڵی كورد و رازی كردنیان بە چەند دەستكەوتەكی مادی و راگوزەر بووە. هەروەها پشت بەستن بە دەستور، هەرچەندە هەركاتەك كە ویستویانە دەستورییان بە كار هێناوە و ئەگەر بە زەرەری خۆیان بووبیت پەراوێزیان خستووە.
چوون ئەگەر تەنانەت شیكردنەوە بۆ برگەو مادەكانی دەستور نەكەین و تەنیا قە ناعەت بە دەستور بكەین لە دیباجەی دەستوری هەمیشەیی عێراقی فیدراڵ بەو جۆرە باس لە پێكەوە ژیان پێكهاتەكانی عێراق دەكات: " ئێمەی گەلی عێراق بە سەرجەم پێكهاتەكانیەوە بە تەواوی ویستی خۆمان بە ئازادانەو ئارەزوومەندانە بڕیاری یەكگرتنی ئارەزوومەندانەمان داوەو دەرس وەردەگرین لە ڕابردومان بۆ داهاتوومان، وە لە بەها باڵاكانی پەیامە ئاسمانیەكان و دۆزینەوە نوێكانی زانست و شارستانیەتی مرۆڤەوە ئەم دەستورەمان دانا. پابەندبوون بەم دەستورەش یەكێتی ئازادانەی گەل و خاك و سەروەری عێراق دەپارێزێ ".
ئەوش دووبارە بوونەوەی هەمان سیناریۆی سەردەمی كەریم قاسمە، بەڵام بە جیاوازی زیاتر لە بارودۆخ و سیستمەكانی فەرمانرەوایەتی.
زووڵم وزۆرداری لە كورد و دووبارە بوونەوەی سیناریۆ كان وای لە كورد كردووە كە بە دیدو بۆچەنەكی فراوانتر لە بابەتەكان بروانیت و لە هەر مەجالەك لە هەڵی سیاسی و دیپڵۆماسی سوود وەربگریت هەرچەندە بابەتی سرینەوەی قەوارەی سیاسی كوردستان لە بەرنامەی دوژمنانی ناوخۆیی و دەرەكی بووە، بەڵام هوشیاری سیاسی سەركردایەتی كوردو حكومەتی هەرێم وایكرد كە بە هەموو شێوەیەك دژی ئەو سیاسەتە بوەستیتەوە و سیاسەتی نەرم لە هەنبەرهەموو ئەو توندو تیژییەدا بگیرێتە بەر، هەرچەندە كە ئەو سیاسەتە لە لایەن ئەو كەسانەی كوردستانیان تووشی شكست كرد رووبەرووی رەخنە بویەوە، بەڵام لە دواجار هەموو ئەو نەخشانە شكستیان هێنا كە خەیاڵیان لە سەر شكست پێهێنانی و پەراوێز خستنی سیاسی و ئابوری و ئیداری حكومەتی هەرێم هەڵچنیبوو.
دواجار سەرەرای هەموو پاڵپەستۆیەی لە سەر حكومەتی هەرێم هەبوو شكستی هێنا و توانرا دان بە وە دابنرێت كە تاوەكوو سیاسەتی حەكیمانەی سەركردایەتی كورد هەبیت،كورد رەسەنایەتی خۆی لە دەست نادات ئەگەر كە هەندەك جار خیانەت جەستەی بریندار بكات.