سەرەڕای خەباتی دوورودرێژو قوربانیدانی بێ ژومار، لەسایەی کەسانی هەڵپەرست و نیشتیمان فرۆش هێشتا به‌رژه‌وه‌ندی و ئامانج و ستراتیژی گەلی خۆمان ناناسین، دوابەدوای به‌رپا کردن و هەڵگیرسانی ده‌یان راپه‌رینی گه‌وره و بچووکی خوێناوی و پر له کاره‌سات و چەندین شۆڕش، ئێستاش ئاسۆی خه‌باته‌که‌مان لێڵ و ته‌ماوییه، تەنانەت پاش تێپه‌ر‌بوونی سه‌دان ساڵ بەسه‌ر دامه‌زراندنی چه‌ندین میر نشین و شانشینی گه وره و بچووک و دەیان حیزب ئێستاش نەتەنیا خاوه‌نی دەوڵەتی خۆمان نین و سەربەخۆییمان نیە، به‌ڵکو له نیشتیمانی خۆمان و له سەر زێدی باب و باپیرانمان وەک هاو‌وڵاتی ده‌ره‌جه دوومان لێ دەڕوانن، ئێستاش خاوه‌نی زمان و فەرهەنگ و کەلتووری خۆمان نین بە تەواوی، ئێستاش کاسانێ هەن زۆڵ و نەفام کە ئاڵای پیرۆزی گەل بە پارچە پەڕۆکێکی هیچ دەشوپهێنن و ئامادەن و رازین به پاشکۆ یی داگیرکەرانی نیشتمانەکەمان و ئەوەیشمان پێوه ڕەوا نابینن، کاتێ بۆ یەکەم جار لە مێژوودا کەرکوکی دڵی کوردان ئازاد دەکرێ و هەناسەیەکی کوردانە دەداتەوە، و کاسانێکیش چاویان هەڵنایەت و دێن چاوساغی دووژمان دەبن و دەیفرۆشنەوە بە چەند قڕۆشێ، تێدەگەین کە بۆچی نەگەیشتووین بە ئامانج .
خۆ ئەگەر بێینە سەر باسی تاریخ و مێژوو بنووسینەوە 2718 به‌و مانایه که 2718 ساڵ بەسەر مێژوومان دا تێپەریوە بەڵام کوا به‌رهەم؟ کوا ئاکام؟ کوا دەوڵەت؟ کوا ئیرادەی سەربەخۆییمان؟ تەنانەت کوا ڕێز و حوڕمەت وه‌ک هاو‌وڵاتیەکی شیعە، عەرەب؟ کوا ئازادی دایکان و خوشکان و برایانمان لە کەرکوک و دووز ..؟
ئەگەر ئاوڕێک له مێژووی خۆمان بدەینەوە، دەردەکەوێ کە ئاراس و لاهور ئاساکان تێکدەری ئاشتەوایی سیاسی و کۆمەڵایەتی بوون و لەباربەرو بەربەستی سەرەکی بوون لەبەردەم گەیشتنی گەلی کورد بە ئامانجی سەربەخۆیی و ئازادبوونی ئەو میللەتە ستەمدیدەیە.
لە ڕۆژهەڵاتی ناڤین دەیان نەتەوەو گەلانی چەوساوەو ژێر دەستە لە سەد ساڵی ڕابردوودا ئیعلامی سەربەخۆیان کرد،
له کاتێکدا کە ئاوڕێ لە مێژوویان بدەینەوە.. ئەمان هیچ کامیان به نیوەی نەتەوەی کورد خه‌بات و تێکۆشانی ر‌زگاریخوا‌زیان نه‌بووه‌ وه هەموویان نیو ئەوەندەی گەلی کوردستانیان قوربانی نەداوه، هەمووی ئەو گه‌لانه بنده‌ستی داگیرکه‌رانیان بوون، له قەڵاچۆو ماڵوێرانییەک بەسەریان هات ئەزمونیان وەرگرت و کارەساتەکانیان کرد به هەوێن و بە داینەمۆی سازکردنی کۆدەنگی و یەکێتی نەتەوەیی و دامەزراندنی دەوڵەتی ناسیۆناڵ بۆخۆیان، کەچی تازە بەتازە لە ناوەخۆمان کەسانێک شۆڤێن پەرست و زۆڵ ادیعای مانەوەی ژێردەستەیی و هەڵنەکردنی ئاڵای پیرۆز و نەکردنەوەی ئاگری نەورۆز دەکەن لە شارێک کە کاکڵەی کوردایەتی و مەردایەتیە.
پێویسته بەو ڕاستیە بگەین تا گەل خیانەتکارانی بە سزا نەگەیەنێت و نەبینە خاوەنی بیروباوەڕێکی پتەوی نەتەوەیی ناتوانین لە ڕابردوومان ئەزموون وەربگرین وە ناشتونین داهاتوویەکی ڕوون و شەفافی سیاسی و نەخشە ڕێگایەکی ڕۆشن بۆ خۆمان مسۆگەربکەین، گەلۆ وەرن له مێژوو ده‌رس وه‌رگرین و ئاوڕێک لەو هەموو خوێن بەخشین و خه‌بات و قوربانیدان و ژینۆساید و ئەنفال و کیمیاباران و قەڵاچۆ و ماڵوێرانیو دەربەدەریو ئاوارەیو ماڵ بەکۆڵ بدەینەوەو واز له عێراقچیەتی بێنین، لێرە بەدواوە کوردستان دەبێت ستراتێژییەکی سیاسی ونیزامی، سەربەخۆ بۆ خۆی دیاری بکات، ئەو ستراتێژییە، نەخشەڕێگای کورد بێت لە سەر ئاستی نەتەوەیی نەک تەنها گەلی کوردستان.. بۆ رزگاری لەو گەلەکۆمەو هەلومەرجە هەستیارە. ستراتیژییەکی گونجاو وکۆدەنگی لایەنەکان، بەرپرسایەتی دەخاتە ئەستۆی هەموو حیزب ورێکخراوو فەردێکی کورد لە هەر کوێ بێت، خاڵی سەرەکی ئەو ستراتیژییە پێویستە ئەزمونی لە مژوو وەرگرتبێت و خۆ بە دوورگرتن بێ لە ئەجێندای سەفەویی شیعە و عەرەب و تورکی شۆڤێن و گەراندنەوەی سەروەری تەواو بۆ کورد لە سەر نیشتیمانی خۆمان، ئەگەرنا لە هەمبەر شەهیدان و نەوەی داهاتوو بەرپرسیارین وە لە دادگای مێژووی نەتەوەکەماندا کیشو مات و سەرشۆڕ و دەستەو ئەژنۆ دەمێنینەوه.


هادی باڵەیی