دناڤه‌راستا سالێن نه‌وه‌تان دا سه‌رۆك بارزانى بهه‌لكه‌فتا سسالڤه‌گه‌را سه‌رهه‌لدانا پیرۆزا گه‌لێ مه ل ئادارا سالا 1991 ، دگوتنه‌كا خۆدا كه‌ره‌مكریه ( سه‌رهه‌لدانێ راستیه‌ك دروستكریه كۆ هه‌رده‌مێ مله‌تێ مه ئێك رێزبیت دشێت موعجیزا دروست بكه‌ت ) . براستى ژى سه‌رگرتنا به‌رنامێ وێ سه‌رهه‌لدانێ د پازده رۆژان دا ، موعجیزه‌كا هه‌ره مه‌زن بوو ، ژبه‌لكۆ وى ده‌مى مه‌زنترین و زۆردارترین رژێما دكتاتورى و شۆفینى ده‌سهه‌لاتداریا عیراقێ دكر ، هه‌رچه‌نده ژبه‌ر كاودانێن وى سه‌رده‌مى وه‌ك دوماهى هاتنا شه‌رێ دناڤبه‌را عیراقێ و ئیرانێ و داگیكرنا كوێتێ ، تا رادده‌یه‌كى لاواز بوو . لێ بزاڤا رزگاریخوازیا گه‌لێ كورد ژى دكاودانێن به‌رته‌نگ دابوو ، چونكى هێشتا برینێن ئه‌نفال و كیمیابارانكرنێ و وێرانكرنێ و زیندانیكرنێ ، سارنه‌بوون . لێ ئێكرێزیا گه‌لێ كورد ب هه‌سته‌كا بلندا نه‌ته‌وى و نشتیمانى و خرڤه‌بوونا پارت و ئالیێن سیاسى یێن كوردستانى بن چادرا به‌ره‌یێ كوردستانى ، رێكخستنه‌كا پۆلایین بۆ سه‌رپه‌رشتیا سه‌رهه‌لدانێ دارشت و بوونه فاكته‌رێ سه‌رگرتنا به‌رنامێ سه‌رهه‌لدانێ . سه‌رهه‌لدانا مله‌تێ كورد ب شیانێن هه‌ره سسنووردار دژى له‌شكرێ زه‌به‌لاحێ رژێما دكتاتوریا عیراقێ ، موعجیزه‌كا مه‌زنه . ئه‌ڤ چه‌نده دبێته‌مه ئێك رێزى و باوه‌ریا ملله‌تى ل هێز و شیانێن دوژمنا خورتر و بهێزتره . ئه‌ڤرۆ پشتى بوورینا بیست و حه‌فت سالان بسه‌ر وێ سه‌رهه‌لدانێ ، مخابن دووبه‌ره‌كى و په‌رته‌ازه‌یا ئالیێن سیاسى یێن كوردستانێ ، باوه‌رى و ئێك رێزیا خه‌لكێ كوردستانێ لاواز كریه و ده‌سكه‌فتێن نشتیمانیێن سه‌رهه‌لدانێ وه‌ك په‌رله‌مان و حكومه‌ت و ئازادى و ئاڤه‌دانى و دیموكراسى ، ئێخستینه دمه‌ترسیێ دا ، بتایبه‌ت پشتى خیانه‌تا باڵێ ده‌سهه‌لاتێ دناڤ ئێكه‌تیا نشتیمانى كوردستان دا ل16 ێ ئكتوبه‌را سالا 2017 ل كه‌ركووك و ده‌ور و به‌ر . كۆ بوویه ئه‌گه‌رێ داگیركرنا هه‌مى ده‌ڤه‌رێ كوردستانى یێن ده‌رڤه‌ى ئیدارا هه‌رێما كوردستانێ كو زێده‌تره ل نیڤا ئاخا كوردستانێ . ئه‌ڤه لده‌مه‌كى روودا كو گه‌لێ كورد ب به‌رنامه و پلانا سه‌رۆك بارزانى و هنده‌ك كه‌سایه‌تى و ئالیێن نشتیمان په‌روه‌ر ، پشتى سه‌ركه‌فتنا پێشمه‌رگه‌هێن كوردستانێ بسه‌ر مه‌زنترین گرۆپێ تیرۆرستیێ جیهانى ( داعش ) و خورتبوونا په‌یوه‌ندیێن دبلۆماسى یێن هه‌رێمێ دگه‌ل جیهانێ و بهێزبوونا ئابوورێ كوردستانێ و ته‌سلیمبوونا حكومه‌تا عیراقێ بۆ ( ئه‌مرلواقع ) و لسه‌ر هه‌لوه‌شاندنێ بوو ، ژلایێ له‌شكرى و ئابوورى و سیاسى . چاڤه‌رێ موعجیزه‌كا مه‌زنتر بوو ل سه‌رهه‌لدانێ ئه‌وژى سه‌رخۆبوونا كوردستانێ بوو . ئه‌و موعجیزا پارتى دیموكراتى كوردستان و سه‌رۆك بارزانى ، هه‌ول بود دان و دڤیا هه‌ستا نه‌ته‌وى و نشتیمانیا رۆژانێن سه‌رهه‌لدانێ دناڤ خه‌لكێ كوردستانێ بزڤرینیت . دڤێ گاڤا خۆدا یێن سه‌ركه‌فتى بوون ژى چونكى رێژه‌یه‌كا هه‌ره‌زۆرا خه‌لكێ كوردستانێ پشكدارى راپرسیێ بوون و ده‌رڤه‌ى پێشبینیێن حكومه‌تا عیراقێ و وه‌لاتێن جیهانێ خه‌لكێ كوردستانێ ده‌نگێ به‌لێ بۆ سه‌رخۆبوونا كوردستانێ دا . مخابن مینا زۆر جارێن دیتر ، وه‌لاتێن داگیركه‌رێن كوردستانێ په‌نا بره‌ڤ به‌ر فه‌ند و فێلا و درۆستكرنه‌ڤا دووبه‌ره‌كێ دناڤ ئالیێن سیاسى یێن كوردستانێ و پلانا وان ژى تا رادده‌یه‌كێ زۆر سه‌رگرت ، نه‌تنێ ئارمانجا راپرسیا سه‌رخۆبوونا كوردستانێ بۆ ده‌مه‌كێ نه‌دیار پاشئێخست ، به‌لكێ قه‌وارێ سیاسى و ئیدارى و ئابووریێ هه‌رێما كوردستانێ ئێخسته د مه‌ترسیێ دا ، چونكى روودانێن 16 ئكتوبه‌رێ ده‌وله‌تا شیعه‌گه‌ریا عیراقێ تۆشى غرۆریه‌كا سیاسى یا مه‌زن كر ، وه‌ك لایه‌نه‌كێ دووراندى سه‌ره‌ده‌ریێ دگه‌ل هه‌رێمێ دكه‌ن و هه‌ول دده‌ن ڤى قه‌واره‌ى هێدى هێدى بچونك بكه‌ن و كوردستان ده‌ك هه‌رێم نه‌مینیت . باشترین به‌لگى لسه‌ر ڤێ چه‌ندێ ، هه‌لوه‌شاندنا رێكه‌فتنێن سیاسى و ئیدارى یه دگه‌ل هه‌رێمێ و كێمكرنا پشكا بۆدجێ هه‌رێمێ و په‌سند كرنا وى ب زۆرینه‌یا شیعه و بنپێكرنا مادێن ده‌ستوورى یێن گرێدارى ب هه‌رێما كوردستانێ و برینا بودجه و مۆچێ خه‌لكێ كوردستانێ و هه‌ولێن وان یێن به‌رده‌وام بۆ لێكدۆر ئێخستنا حكومه‌تا هه‌رێمێ و خه‌لكێ كوردستانێ . گونه‌هێ ڤێ هه‌میێ بۆ وى گرۆپێ خیانه‌تكارى دزڤریت به‌رى حكومه‌تا عیراقێ , چونكى ژبه‌ر به‌رژه‌وه‌ندێن خۆ یێن تایبه‌ت و هه‌ڤركیه‌كا دوور ل ره‌وشتێ كوردایه‌تیێ و مرۆڤایه‌تیێ و نه‌ته‌وایه‌تیێ ، ئه‌و بوونه ئه‌گه‌ر ئێكرێزیا گه‌لێ كورد ل راپرسیا سه‌رخۆبوونا كوردستانێ یا ل 25 ێ ئیلۆنا 2017 بهێته هه‌لوه‌شاندن و گه‌لێ كورد موعجیزا سه‌رخۆبوونا كوردستانێ رۆست بكه‌ت و بگه‌هیته‌ڤ موعجیزا سه‌رهه‌لدانێ . ئه‌ز باوه‌رم نهو ژى ئه‌گه‌ر هه‌مى ئالیێن سیاسى ب گۆروپێ خیانه‌تكارى ژى ده‌ستا ل به‌رژه‌وه‌ندێن تایبه‌ت و حزبى و دیڤه‌لانكیا داگیركه‌را به‌رده‌ن ، خه‌لكێ كوردستانێ هه‌ر ئه‌و خه‌لكه و دێ بۆ گیانێ ئێكرێزیا و سه‌رهه‌لدانێ و راپرسیێ زڤریت و خه‌ونا سه‌رخۆبوونێ نه‌مریه و دێ لده‌مه‌كێ كورت دا دێ سه‌رخۆبوونا كوردستانێ كه‌ته موعجیزه‌كا مه‌زنتر .
غیاس خالد زێباری
