زۆر جاران دهێته گۆتن دووماهیا سهدێ بیستێ و سهرهتایا سهدێ بیست و ئێكێ ، سهردهمێ زێرینه بۆ مللهتێن بن دهست ژبووى دامهزراندنا دهولهتێن نهتهوى ، رهنگه ههتا راددهیهكى راست بیت چونكى دڤان سهردهمان دا ، ژ ئهنجامێ شۆرهشێن رهوشهنبیرى و هزرى و تهكلهلۆژیایێ ، ههستا نهتهوى و نشتیمانیا تاكێن جڤاكان گههشتبیته وى ئاستى كۆ ئیدى زۆڵم و زۆرداریێ و بندهستیێ قوبوول نهكهت و ب ب ئاشكرا داخازا مافێن خۆ یێن نهتهوى بكهت ژبوى دامهزراندنا دهولهتا نهتهوى . لێ بارزانى نهمر ، رێبهرێ نیڤ سهدهیێ بزڤا رزگاریخوازیا كوردستانى و ئهفسانهیێ دیرۆكا نهتهوى یا كوردستانى ، بهرى زێدهتر ل حهفتێ سالان ، ههلگرێ وێ ههستا نهتهوى و نشتیمانى بوو كو زۆر كهسایهتیێن كوردستانى یێن خۆ ب سهركێشێن حزبهكا نهتهوى یا كوردستانى و پێشرهوێن بزاڤا نهتهوى یا كوردستانى هژمار دكهن ن هێشتا نهگههشتینه وى ئاستێ نهتهوى یێ وى سهردهمێ بارزانى نهمر . بارزانى نهمر دهمێ سهركێشتیا شۆرهشا بارزانى یا دوویێ دكر ل ناڤهراستێن سالێن چلان (1943 – 1945 ) د بوهارا گهنجاتیا خۆدا بوو ، سهركێشیا ڤێ شۆرهشێ دكر و ئێك ژ داخازیێن شۆرهشێ ئاڤاكرنا ویلایهتهكا كوردستانى بوو د عیراقا پاشایهتى دا كو وى دهمى عیراق لسهر بنهمایێ ویلایهتا هاتبوو ئاڤاكرن و لسهر سێ ویلایهتان هاتبوو دابهشكرن ( بهغدا و بهسرا و مۆسل ) ، سنوورێ ویلایهتا داخازكرى بناڤێ كوردستانێ ، ئهو سنوورێن كوردستانى بوون ئهوێن نهو سنوورێن ههرێما كوردستانێ دگهل دهڤهرێن كوردستانى یێن دهرڤهى ئیدارا ههرێما كوردستانێ ئهوێن د ماددێ (140) ێ دهستوورێ عیراقێ دا هاتینه دیاركرن كو لڤان دهڤهرا پێك دهات . پارێزگههێن ( ههولێر و كهركووك و سلێمانى ) دگهل شنگالێ ههتا دگههیته خانهقین و مهندهلى . ب تمایى ههمى دهڤهرێن ماددێ سهد و چل . بۆ وى دمى شێوازهكێ فیدرالیهتێ بوو . جهێ پسیارێ و حیبهتیێ یه ، چهوا بارزانى دوى سهردهمێ تایبهت یێ رهوشهنبیرى و مرۆڤى و ماددى و لهشكرى و زانستى ، ههلگرێ ڤێ پهیاما نهتهوى و نشتیمانى و مرۆڤایهتى بوو ، ئهگهر ههلگرێ باگراوهندهكێ ڤى ئاوایێ یێ باب و برایێن لخۆ مهزنتر نهبیت و لسهر دهستێ وان فێرى ههلگرتنا خهما مللهتێ خۆ بوویه و تێكوشینێ ژبووى وئازادى و رزگاریا كورد و كوردستانێ و باوهرى ژى بخۆ ههبوویه . رهنگه داكۆكیا سهرۆك مهسعود بارزانى لسهر فیدرالیهتا عیراقێ لسهر بنهمایێ دیروكى جوگرافى لدهمێ نڤیسینا دهستوورێ ههردهمیێ عیراقێ لسالا 2005 و مادێ 140 یێ تایبهت یێن دهڤهرێن كوردستانى یێن دهرڤهى ئیدارا ههرێما كوردستانێ ، درێژهپێدهرا رێبازا نهتهوى و نشتیمانیا بارزانى نهمر بیت لسهر كوردستانیبوونا وان دهڤهرا بهرى 74 سالان . بهرۆڤاژى وان حزب و كهسایهتیێن كوردستانى یێن ب فیدرالیهتا پارێزگههان رازى بووى . داكۆ ژ بابهتى دهرنهكهڤین ، ئهگهر بهراووردیێ دناڤبهرا ههستا نهتهوى یا بارزانى نهمر بكهین یا شورهشا بارزان یا دوویێ ، دگهل ههستا نهتهوى و نشتیمانیا گرۆپێ خیانهتكارێن (16) ئكتۆبهرا سالا 2017 ، ئهوێن لسهر دهمێ رهوشهنبیرى و وهلات پارێزیێ و ههستا نهتهوى و تهكنهلۆژیایێ ، هێشتا نهگههشتینه ئاستێ نهتهویێ بارزانى نهمر یێ بهرى 74 سالان ، ئهرێ ئهڤه چ رامان ددهت ، ئهگهر ئهو خیانهتكار ههلگرێن باگراوهندهكێ وهلات فرۆشیێ و نۆكهریێ نهبن ..! چونكى بهرۆڤاژى داخازیێن بارزانى نهمر بۆ ئهو دهڤهرێن كوردستانى یێن دهرڤهى ئیدارا ههرێما كوردستانێ ، كرنه قوربانى بهرژهوهندێن خۆ یێن تایبهت و بێ بهرامبهر فرۆتنه دوژمنا . ل دووماهیێ دبێژینه گرۆپێ خیانهتكارێن شازدێ ئكتۆبهرێ ، ئهگهر هۆن (74) سالێن دیتر بڤى رهنگى خهباتا نهتهوى و نشتیمانى بكهن ، ناگههنه وى ئاستێ نهتهوى و نشتیمانیێ بارزانى نهمر یێ بهرى حهفتێ و چار سالا .