پیلانه‌كانى عێراق، بۆ شكستپێهێنانى كورد بێ ئه‌نجام و مایه‌پووچبوون ..
رێبوار حەمەلاو شوانی
گەر خیانەتكاری كاڵفامی 16ی ئۆكتۆبەری 2017 نەبوایە ، تەنیا 4 كاتژمێر بەرگریی لە شاری كەركووك كرابایە ، دەیان ساڵی تریش هیچ داگیركەر نەیدەتوانیی بستێك لە خاكی كەركووك و ناوچە كوردستانییەكان داگیر بكات ،چونكە پێشمەرگە ، شەرٍی دردندەترین دوژمنی مرۆڤایەتیی كرد و توانیی تێك و پێكی بشكێنێت و وەك بەهێزترین هێزی زەمینی لە جیهان ناوی تۆمار كراوە .كەركووك یەكێكە لە ناوچە كوردستانییە داگیركراوەكان لە سەردەمی بەعس خەڵكی كورد بەزۆر كۆچیان پێ كرا و عەرەبی هاوردە لە شوێنەكانیان جێگیر كران، دوای 2003 پێشمەرگە بە هاوكاری هێزەكانی ئەمەریكا توانییان شارەكە لە هێزەكانی ڕژێمی بەعسی ڕووخاو پاك بكەنەوە و كورد بە هێزەوە گەڕایەوە كەركووك و لە چەندان هەڵبژاردنی دوای 2003یش كورد زۆرینەی دەنگی كەركووكی دەهێنا و پارێزگاری شارەكە لە دەستی كورد بووە، لە دوای 2014ە و پاش هاتنی داعش بۆ عێراق و داگیركردنی مووسڵ، لە ئەنجامی داڕمانی ورە و ڕیزەكانی سوپای عێراق، كاتێك هێزەكانی عێراق لە كەركووكیش ڕایان كرد و كەركووكیان تەنیا بۆ تیرۆریستان بەجێ هێشت، هێزەكانی پێشمەرگەی كوردستان گەیشتنە شارەكە و ڕێیان نەدا كەركووك بكەوێتە دەست چەكدارانی رێكخراوی تیرۆریستی داعش لە عێراق، سەدان شەهیدیشیان لەپێناوی پاراستنی شارەكە لە دەستی داعش دا، بەڵام خیانەتكاران لە پێناو بە قاچاخبردنی تانكەری نەوت و وەرگرتنی پارەكەی و بەكارهێنانی بۆ بەرژەوەندییە كەسی و بنەماڵەیییەكانی خۆیان، شارەكەیان ڕادەستی میلیشیاكانی حەشدی شەعبی كرد. ئێستاكەش تا دێت رەوشی شاركە خراپتر دەبێ و مەترسیی گەورەی لە سەر بە بێ بوونی پێشمەرگە ناتوانێ ئاسایش وسەقامگیری ناوچەكە و كەركووك بە تایبەت بپارێزێت ، بۆیە پێشبینییەكان ئەوەمان پێدەڵێن كە لە ماوەیەكی نزیكدا ،كەركووك و پێشمەرگە ،ئاڵایی كوردستان بە یەكتر شاد دەبنەوە .
ئەو عەقلیەتەی كە ئێستا لە عێراق هەیە چەندە میراتگری عەقلیەتی ڕژێمەكانی پێشووە، ئەو چاودێرەی سیاسی، روونیكردەوە" پێموابێت لە هەندێك بواردا لە ڕژێمەكانی پێشوو خراپتر دەكەن، ئەوانە هێشتا نەبوونەتە هێزی توكمە و پۆخت و ڕێخراو ئەو ها دەكەن، ئەگەر بێت و ئەو هێزەی سەدام هەیبوو ئەوانە هەیان بوایە، نەك كورد، بەڵكو وڵاتانی دراوسێ دەكەوتنە بەر مەترسی و هێرش و پەلامار و تەماحی شیعەگەرایەتی لە عێراق، بۆیە ئەوەندە بە ئاسانی بۆیان ناچێتە سەر، ئەوان بە شێوەیەك لە شێوەكان خۆیان ئەو دارە دەبڕنەوە كە خۆیان لەسەر وەستاون، پێموانیە وا بە ئاسانی بەسەریاندا تێپەڕن، هەرێمی كوردستان بە هەموو هێز و توانایەكەوە لەگەڵ وڵاتانی هاوپەیمانان بووە، هەموو كاتێك ئەگەر هاوپەیمانان كاریان بە كورد بووبێت درێغی نەكردووە، هێزی پێشمەرگە سەڵماندوویەتی كە لەسەر زەوی تاكە هێزە كە بتوانێت معادەڵاتی ناوچەكە بگۆڕێت، بۆیە لە ئایندەیەكی نزیكدا هەموومان دەبینین ئەوانە مەجبووری گەلی كورد دەبنەوە، ئەوانە هەموویان بە بێ هێزی پێشمەرگە هیچ گۆڕانكاریەكیان لەناوچەكە پێ ناكرێت، كورد ئەمڕۆ بووەتە كارتێكی زۆر بە هێز لەناوچەكە و بە بێ چارەسەری دۆزی كورد ، مەحاڵە سەقامیگری ناوچەكە فەراهەم ببێ. دوای ئه‌وه‌ی هه‌رێمی كوردستان ته‌واو بێ هیوا بوو له‌وه‌ی كێشه‌كانی له چوارچێوه‌ی عێراقدا چاره‌سه‌ر بێت، ریفراندۆمی سه‌ربه‌خۆییان ئه‌نجام دا و زۆرینه‌ی زۆری خه‌ڵكی كوردستان ده‌نگی به (به‌ڵێ) دا. ئه‌م پرۆسه دیموكراسییه‌ی هه‌رێم له‌لایه‌ن حكوومه‌ته‌كه‌ی عه‌بادییه‌وه كرایه بیانوویەك تا سه‌رجه‌م پلانه شاراوه‌كانی بخاته واری جێبه‌جێكردنه‌وه و به شێوه‌یه‌كی بێشه‌رمانه هه‌موو هه‌وڵێك بخاته گه‌ڕ بۆ سڕینه‌وه‌ی پێگه‌ى سیاسیی هه‌رێم. به شێوه‌یه‌ك كه‌وا سڵی له به‌كارهێنانی سوپا نه‌كرده‌وه، له‌پێناو ئه‌م ئامانجه‌دا. سه‌ره‌ڕای ئه‌وه‌ی ده‌رگه‌وانه‌كانی ١٦ى ئۆكتۆبه‌ر ده‌رفه‌تیان بۆ عه‌بادی دروست كرد، به‌شێكی زۆری خاكی كوردستان به دڕنده‌ترین شێوه داگیر بكات و پێكهاته مێژووییه‌كه‌ی بشێوێنێت، به‌ڵام به‌هۆی قاره‌مانیی پێشمه‌رگه‌وە، دووباره نه‌یتوانی ئه‌و پلانه ته‌واو بكات، بۆیه عه‌بادی سه‌ره‌ڕای ئه‌وه‌ی ماسكه فریوده‌ره‌كه‌ى خۆیشی فڕێ دا، به‌ڵام له شكستهێنان به كوردستان شكستی هێنا،
