قوناغا دوویێ پشتى مه‌ترسیا ژ نافچونێ
ساڵح زاهێر زێباری
بو ناڤبرنا قوناغا ئێكێ و ده‌رباز بو قوناغا دوویێ پێتڤى ب به‌رگرى و دبلوماسیه‌ته‌كا سه‌ركه‌فتى و رێكخستنا ناڤ مالا كوردى بو.پیلان ب به‌رگریا پردێ و زمار هاته راوه‌ستاندن و كار كرن ب رێكخستنه‌ڤا نامالا كوردى ب سه‌ره‌دانێن سه‌روكێ حكومه‌تێ بو ئالیێن كوردستانى به‌ره‌ف ئێك ڤه‌هات. پێنگاڤا دیتر دونیا ده‌رڤه و دووباره زڤراندنه‌ڤا سه‌نگا كوردستانێ بو ل گوره‌پانا هه‌رێمى و نێڤده‌وله‌تى , ئه‌ڤ چه‌نده ژى ب دبلوماسیه‌تا سه‌روكێ حكومه‌تا هه‌رێما كوردستانێ ده‌ست پێكر و شیا ئاراستێ كێشان بگوهریت و حه‌یده‌ر عه‌بادى نه‌چار بو ل وان مه‌رجێن گران بێته‌خار كو بو ده‌سپێكرنا دانوستاندنا دانابون ل گه‌ل هه‌رێما كوردستانێ.هه‌روه‌سا ب ڤێ پێنگاڤێ شیا دوو خالا گه‌ره‌نتى بكه‌ت ئێك حكومه‌ت و په‌رله‌مانێ كوردستانێ تاكه نونه‌رێن خه‌لكێ كوردستانێ نه و دوو ئه‌و پێكولێن وان ئالیان ناڤبرن كو پارچه پارچ به‌ره‌ف به‌غدا دچون.
گوهرینێن هاتیه گوره‌پانێ سیاسى پشتى وێ هه‌وا دبلوماسى یا مه‌زن و ب بنیات كو نێچیرڤان بارزانى سه‌روكێ حكومه‌تێ ده‌ستپێكرى جاره‌ك دیتر كوردستان ل كوربه‌ند و كومبونێن گرنگێن جیهانى پشكدار بو ڤه . ل داویى كار و چالاكیێن سه‌روكێ حكومه‌تا كوردستانێ پشكداریكرن بو ل كونفرانسێ میونخ بو ئاسایشا جیهانى , پشكداریا كوردستانێ ل كونفرانسێ میونخ واتایا هندێ دده‌ت كو كوردستان ل ده‌ڤه‌را روژهه‌لاتا ناڤین بو پاراستنا ده‌ڤه‌رێ و ناڤبرنا تیرورێ و چاره‌سه‌كرنا كریزێن ده‌ڤه‌رێ روله‌ك به‌رچاڤ هه‌یه.هه‌روه‌سا واتا ده‌رباز بون ل قوناغا ئێكێ دده‌ت كو دورپێچ و ناڤبرنا كیانێ كوردستانێ ل روژه‌ڤێ دا بو.
پشكداریا هنده‌ك وه‌لاتان ئه‌گه‌ر واتا ئه‌منى بتنێ بده‌ت , بو كوردستانێ ده‌هان واتایا دده‌ت و ده‌رگه‌هه‌كێ گرنگێ دبلوماسیه, و شاندێ حكومه‌تێ ل چارچوڤێ كونفرانسى دا چه‌ندین كومبونێن گرنگ ئه‌نجامدان وه‌كى كومبون ل گه‌ل سه‌روك وه‌زیرێن عیراقێ حه‌یده‌ر عه‌بادى كو هه‌ردوو ئالیان دووپاتى ل سه‌ر چاره‌سه‌ركرنا كریزێن ناڤبه‌را هه‌ولێر و به‌غدا كرن دیف ده‌ستورى. و هه‌روه‌سا شاندا كوردستانێ چه‌ندین دیدار ل گه‌ل هه‌ر ئێك ژ شاندێن ئه‌مریكا و ئه‌لمانیا و سوید و توركیا و ئیرانێ و كوێتێ و هنارتیێ نه‌ته‌وه‌ێن ئێكگرتى بو سوریێ كو به‌حس ل ره‌وشا عفرینێ كر . ل ڤان دیداران دا هه‌مى ئالیان دووپاتى ل سه‌ر پشته‌ڤانیا كوردستانێ كر و رێزگرتن ل كیانێ ده‌ستورى و سیاسى یێ كوردستانێ و پاراستنا مافێن كوردستانێ ل دیف ده‌ستورێ عیراقێ .
ل داویێ دا ل ڤان كومبون و دیداران دا چه‌ند خالاك گرنگ تێنه تێبنى كرن :
1- رابونا دوورپێچا دبلوماسى كو ل خیانه‌ت و پیلانێن دژى كوردستانێ دا مه‌ساحه‌ك مه‌زن گرت بو.
2- گرنگیا پێگه‌هێ كوردستانێ ل كومبون و كوربه‌ند و كونفرانس و دیدارێن جیهانى.
3- به‌رده‌وامى دان ب پره‌نسیپێ دیالوگێ ل گه‌ل به‌غدا.
4- پاراستنا كیانێ سیاسى و ده‌ستورى یێ كوردستانێ .
5- به‌رده‌وامى دان ب پشته‌ڤانیا هێزێن پێشمه‌رگه‌ى و پێگه‌هێ كوردستانێ .
6- ده‌ستپێكرنا قونه‌غه‌كا نوى كو دشێین ب قوناغا دوویێى پشتىخیانه‌تا 16 ئوكتوبه‌رێ بده‌ینه نیاسین , ئه‌و ژى ده‌ربازبون ل مه‌ترسیا پارچه‌بون و ژ نافچونێ.
