دبلوماسیەتا سەروکێ حکومەتا ھەرێما کوردستانێ دبلوماسیەکا سەرکەتی بو بو راگێشانا سەروکێن وەلاتێن زلھێز یێن جیھانێ بو ھەرێما کوردستانێ و خوشتر کرنا پەوەندێن نیڤ دەولەتی نەخاسمە ژی پشتی سەرەدانا جەنابێ سەروکێ حکومەتا ھەرێما کوردستانێ بەرێز نێچیرڤان بارزانی بو بو ئەوروپا و پشکداری د گونگرێ دافوس یێ ئابوریی ل وەلاتێ سویسرا دا و دیدارێن ئێک ل دیڤ ئێک و ل دیڤدا بو بوغدا و کومبون دگەل حەیدەر عەیادی ئەڤە ددەمەکێ دا بوو کەڤێن دژواریێن ئێک ل دیڤ ئێکێن حکومەتا ناوەندی ل سەر ھەرێما کوردستانێ بەردەوامن نەخاسمە ژی دانانا ئابلوقەیا ئابوریی و گرتنا فروکخانەیێن ھەریمێ ژ لایێ بەغدا ڤە .
سەرەرایی ڤان ئاستەنگان لێ دبلوماسیەتا نێچیرڤان بارزانی سەروکێ حکومەتا ھەرێما کوردستانێ فشارا دبلوماسی یا بەغدا شکاند ئەوا دژی حکومەت ھەریمێ ب ھەمی شیانێن خو پەیرەو کری لێ سەردەریا پری ھێمنی و حەکیمانە و شارەزایا دبلوماسیەتا سەروکێ حکومەتا ھەرێما کوردستانێ کو شیا بێ ڤەگەریان بو بەغدا ئۆرزولا فۆن دێرلاین وەزیرا بەرگریا ئەلمانیا سەرەدانا شیرەتکارێن ئەلمانیا وبنگەھەکێ مەشق و راھێنانا پێشمەرگەی کر ونەخوەشخانەکا تایبەت ب پێشمەرگەی ل ھەولێرێ ڤەکر و تەکید کر کو دێ بەردەوام پشتەڤانیا پێشمەرگەھێ کوردستانێ کەت ئەڤە ژی پێنگاڤەکا گرنگە بو مانا پێشمەرگەی کو ئەڤە دەمەکێ دایە د داخویانێن حەیدەر عەیادی دا ھەولا وێ چەندێ دکەت ھێزا پێشمەرگەی ژ ناڤ ببەت لێ پشتی ڤێ سەرەدان و پالپشتیا ئۆرزولا فۆن دێرلاین وەزیرا بەرگریا ئەلمانیا و دیسان و ل گەل نێچیرڤان بارزانی سەرۆک وەزیرێن ھەرێما کوردستانێ کۆمبوو ئەڤە مەزنترین پێنگاڤا شکاندنا دبلوماسیا بەغدا بو بەرامبەر ھەرێمێ .
دیسان پێشوازیا یان کۆبیش ودەرئەنجامێن کومبونێ کو بەرھەڤیا خوە بۆ ھەر ھاریکاریەکێ پشتەڤانیەکێ ب مەرەما ئەنجامدانا کۆمبوونێن تەکینیکە یێن زێدەتر دناڤبەرا بەغدا و ھولێرێ دا وچارەسکرنا کێشان ب تایبەتی ل سەر پرسا ھنارتنا مووچەخۆرێن ھەرێما کوردستانێ وڤەکرنا فرۆکخانەیان، نیشاندا بو.
کەواتە سەرەدانا جێگرێ وەزیرێ دەرڤەیێ ئەمریکا و وەزیرا بەرەڤانیا ئەلمانیا و وەزێرێ دەرڤەیێ فرەنسا و رێکخستن و پەیکەرێ وەزارەتا پێشمەرگەیێ ھەرێما کوردستانێ ل ژێر سەرپەرشتیا ناتۆی ،ب رێیا پێنج پاکێجێن چاکسازیێ کو دێ ھەیکەلێ نوو بۆ وەزارەتا پێشمەرگەیێ حوکمەتا ھەرێما کوردستانێ ب ستانداردێ جیھانی ھێتە دیارکرن. ئەڤە ھەوی دێ پێکەھێ ھەرێمێ یێ نیڤ دەولەتی پتر خوشکر ئەڤە ژی نیشانا سەرکەتنا شارەزایا حکومەتا ھەرێمێ یە بو راکێشانا سەروکێن وەلاتێن جیھانێ بو چارەسەرکرنا قەیرانێن ھەین و پشگریا ھەرێما کوردستانێ ژلایێ نیڤ دەولەتی ڤە دھێتە خوشتر کرن