ددرێژیا دیروکێدا کورد ئێک بوون ژوان ملەتان هیچ دەمەکێ هێرش نەکریە سەر هیچ ملەت و نەتەوەیەکێ دی بەروڤاژی هەردەم هێرش بۆ سەر وان هاتیەکرن و هەول هاتینە دان کو کوردان ژناڤ ببەن لێ نەبتنێ کورد ژناڤنەچوون بەلکی ژمارا وان زێدەتر بوویە و نوکە وەک نەتەوەیەکێ هەرە زیندی لسەر ئاستی دنیایێ مایە کو ددەمەکێدا د سەد سالێن بووردیدا چەندین نەتەوە ژناڤچوونە و ئاسەوارێن وانژی نەمانە.
هەر بیاڤەکێ ئەم تەماشە بکەین دبینین کۆ کورد ژ هەژی وەرگرتنا خەلاتێ نوبلن، لێ یا د ڤی سەردەمیدا بەچاڤ ئەوە کو کەسایەتییەکی سیاسی و گەنجێ بەرچاڤێ کوردان وی خەلاتی وەربگریت ئەوژی نێچیرڤان بارزانی سەرۆکێ حکومەتا هەرێما کوردستانێیە کو خەلکەکێ بیانی بۆ شایستەبوونا وی وەک بەربژارەک بۆ وەرگرتنا وی خەلاتێ پڕبهایێ ئاشتیێ بێتە کاندیدکرن.
بارزانی سەرۆک وەزیرەکێ گەنجە، وەڵاتێ وی وەڵاتەکێ نوییە و شەرێن بەری نوکە بسەر گەلێ ویدا هاتین گەلەک دژوار ماڵوێرانکەربوونە گوند و خانی و ماڵێن کوردان ژبەر شەری هاتبوونە هەرفاندن، ئەو هات و د حکومەتا خۆدا گرنگیەکا مەزن دا ئاڤەدانکرنێ و دووبارە ئاڤاکرنا وەلاتێ خۆ دا، هیچ گوند و جهیەکێ وڵاتێ خۆ نەهێلایە کو قوتابخانە و بنگەهێن ساخلەمیێ نەگەهاندبنێ و رێژەیا نە خوێندەواریێ گەلەک کەمکریە، ددەمەکێدا ژبەر شەر و ئاوارەبوونا بەری ١٩٩١ خەلکەکێ زۆر یێ نەخاندەڤانبوو، سەرباری وێ چەندێ شیا گەفێن سەربازی یێن تورکیا یێن ٢٠٠٧ بۆ سەر هەرێما کوردستانێ بگوهریت بۆ پەیوەندیەکا بهێزا سیاسی و ئابووری و وەبەرهێنانێ، رێگریێ د خوێنرشتنا دگەل تورکیا بگریت.
حەواندنا ب ملیونان ئاوارەیێن ناڤخۆ و پەنابەرێن بیانێ، کوردستانا بویە پەناگەهەکا ئارام بۆ ئاوارەیان چ ژناڤخۆ یا ئیراقێ هەروەها پەنابەرێن سووری و ئیرانی تورکیاژی، ئەڤەژی هیشانا مرۆڤدوستیا خەلکێ کوردستانێ بگشتیە و رەنگڤەدانا وێ مرۆڤدوستیا کوردان د کابینەیا بارزانیدا رەنگڤەدایەڤە، هەروەسا ڤەحەواندن و پاراستنا کریستیانان، ددەمەکێدا ل ئیراقێ و دەڤەرێ کریستیان ئیزدی توشی قەتلوعام و جینوسایدێ دبوونا حکومەتا بارزانی شیا وان ل هەرێما ئاراما کوردستانێ بپارێزیت.
سەرۆک وەزیران هەردەم سیاسەتا رەتکرنا خوینرشتنی و بیرئینانا هەموو لایەکی کو ددەمێ بووریدا هەموویان تەجروبە دگەل شەر و خوینرشتنێ هەیە و ئەنجام بتنێ ئاوارەی و دەربەدەری و وێرانکاری دیفدا هاتیە و هیچ لایەک یێ سەرکەفتی نەبوویە ژبەر وێ چەندێ هەموو داخویانێین خۆدا ئاماژە ب ئاشتی و ئارامیێ دکەت، ژلایەکێ دیڤە پاراستنا مافێن خێزان و ئافرەتێ ل هەرێما کوردستانێ و هاوتاکرنا یاسایا مافێن کەسی دگەل ولاتێن پێشکەفتی و ئیسرارکرن لسەر پاراستنا ئافرەتێ و سزادانا وان کەسان لگوری یاسایێ یێن مافێن ئافرەتان بنپێ دکەن ب توندترین شێواز.
ددەمێ پێکئینانا کابینەیا خۆی یا دووماهێ ل ٢٠١٣ێدا، هەوڵدا لپێناڤی ئێکرێزیا نیشتیمانی و ئێکهەڵویستیا کوردان هەموو حزبان پشکداری کابینەیا خۆ بکەت و یێ سەرکەفت بوو د وێ چەندێدا، لێ بەرژەوەندیێن حزبان ئەو پلانا وی یا پێکڤە کارکرنێ توشی ئاریشەیانکر و نەهێللا ب تەمامی جهێ خۆ بگریت.
ددەمێ ئەنجامدانا ریفراندوومێدا ئاماژە دان کو ئەو دخازن دگەل نەغدا بگەهنە رێکەفتنێ و ب دانوستان و لێکتێگەهشتن هەموو پرسێن ناڤخۆ چارەسەر بکەن و پشتی ریفراندومێژی رێگریکرن ژ ئیراقێ کر بۆ وێ چەندێ شەر رووی نەدەت، د هەموو کونفرانس و کونگرە و ئاخفتنێن خۆدا نێچیرڤان بارزانی ئاماژە ب وێ چەندێ کریە کو هیچ بەدیلەک بۆ دانوستانان نیە بتنێ دانوستان نەبن.
ژبەر وێ چەندێ ئەم شێن بێژین ڤێ جارە جاڤێ کوردان ب جددی یێ لسەر وێ چەندێ سەرۆک وەزیرێ وان یێ گەنج بێتە بەربژێرکرن بۆ وەرگرتنا خەلاتێ نوبل یێ ئاشتیێ داکو ببیتە دەرگەهەک بۆ پتر سەقامگیریا دەڤەرێ و سەرکردەیێن دی یێن سیاسیژی ل دەڤەرێ چاڤبدەنە بارزانی زێدەتر بزاڤا بکەن دا ئاشتی و ئارامی ل دەڤەرا رۆژهەلاتا ناڤەراست بەرقەرار ببیت.