نهێنی گفتووگۆیه‌كی یه‌كێتی و گۆڕان و عه‌بادی
کارزان سەباح هەورامی
ره‌نگه پارتی باش له یاریه‌كه گه‌شتبێت ئه‌گه‌رنا بۆچوونێكی به‌هێز له‌ناو پارتی هه‌یه كه پێی وایه ده‌بێت به‌غدا به‌گه‌ره‌نتی و به‌ئاگاداری كۆمه‌ڵگای نێوده‌وڵه‌تی مل كه‌چی ئه‌وه بكرێت كه ده‌بێت نه‌وتی كوردستانی پێ بفرۆشێت ئه‌ویش پاره‌ی كوردستان بدات، به‌ڵام دیاره عه‌بادی ده‌یه‌وێت له ده‌ره‌وه‌ی سیاسه‌تی پارتی یاریه‌كه له‌گه‌ڵ یه‌كێتی و گۆڕان بكات به‌وه‌ی خۆی نه‌وتی كوردستان هه‌نارده بكات و پشكی كوردستانیش له %12 بدات، هه‌ربۆیه پارتی فشاری خستوه‌ته سه‌ر فراكسیۆنییه‌كانی دیكه‌ی په‌رله‌مانی عێراق نه‌چنه ژێر باری ئه‌و فشاره‌وه، ئه‌گه‌ر هاتوو ئه‌مه كرا بێ گومان شتێك به‌ناوی هه‌رێمی كورستان نامێنێت، به‌ڵكو به‌غدا ده‌یه‌وێت وه‌ك پارێزگا مامه‌ڵه له‌گه‌ڵ كوردستان بكات، دیاره له كاتی گفتووگۆی نێوان نێچیرڤان بارزانی سه‌رۆكی حكوومه‌تی هه‌رێمی كوردستان و حه‌یده‌ر عه‌بادی سه‌رۆك كۆماری عێراق نێچیرڤان بارزانی جه‌ختی له‌وه كردوه‌ته‌وه كه قه‌واره‌ی كوردستان ده‌بێت وه‌ك خۆی مامه‌ڵه‌ی له‌گه‌ڵ بكرێت، نه‌ك وه‌ك پارێزگا دیاره گرفتی هه‌ره سه‌ره‌كی پارتی له‌گه‌ڵ به‌غدا له‌سه‌ر ئه‌و خاڵه‌یه.
ئه‌وه‌ی كه‌ماوه‌ته‌وه پرۆژه‌یه‌كی مه‌ترسیدار هه‌یه كه لایه‌نه عێراقییه‌كان پێیان وایه ده‌بێت به‌پێی یاسا به‌غدا وه‌ك پارێزگا مامه‌ڵه له‌گه‌ڵ كوردستان بكات، بۆیه گومان ده‌كرێت كه یه‌كێتی و گۆڕان به‌لێنیان دابێ به‌وه‌ی ده‌نگ له‌سه‌ر ئه‌و پرۆژه‌یه بده‌ن، هه‌روه‌ك چۆن ده‌نگیان له‌سه‌ر یاسای حه‌شدی شه‌عبی دا كه هه‌موو گه‌لی كوردستان له‌گه‌ڵ ئه‌وه نه‌بوو، ئه‌گه‌ر هاتوو یه‌كێتی و گۆڕان چونه ژێری باری ئه‌م پیلانه، ئه‌وه دواجار خۆیان به‌رپرسیار ده‌بن له هه‌ر ئه‌گه‌رێك به‌سه‌ر كوردستان بێت ئێستاش ده‌رگا بۆ خه‌ڵكی كوردستان كراوه‌یه كه چۆن مامه‌ڵه له‌گه‌ل سیاسه‌تی رابردووی حزبه‌كان بكه‌ن له به‌غدا چونكه واقعێك هه‌یه كه حه‌یده‌ر عه‌بادی به‌هیچ شێوه‌یه‌ك ئاماده نییه مووچه و میزانییه‌ی هه‌رێمی كوردستان بدات ئه‌وه‌ی ده‌یكات سنوور داره، بۆ رازیكردنی دڵی هه‌ندێك هێزی سیاسی كوردستانه .
