یدریس بارزانی کورێ بابێ دیرۆکی و کنیاتیێ رێبەرێ نەتەوا کورد مستەفا بارزانی ، ژ بەرکۆ ھەمی ژیانا خۆ دگەل شۆرەشێن کوردی و پارتی دیموکراتی کوردستان بووران بوو ، زۆر ب ھویری د ژیانا شورەشگێری و پارتایەتی و جڤاکێ کوردستانێ گەھشت بوو ، ھەمی خەسلەتێن مرۆڤایەتی و جڤاک ناسینێ ل بابێ خۆ وەرگرت بوون . ژلایێ سیاسی کەسایەتیەکێ شارەزا و بلیمەت بوو ، لەوما ھەردەم جھێ شانازیێ و باوەریا خەلکێ کوردستانێ بوو ، ھەر د ژیێ لاوینیێ دا روولەکێ ھەرە کاریگەر درێکەفتنا دیروکیا ١١ ێ ئادارا سالا ١٩٧٠ ێ دا ھەبوو ، ئەو رێکەفتنا ب لێزانین و ھزرا ھزرا ڤی سەرکردێ کورد ھاتیە بەرھەم و رژێما دکاتوریا سەردامی نەچار کری دانپێدانێ ب مافێن نەتەوی و نشتیمانیێن کوردان بدەن و ئۆتۆنۆمی بۆ باشۆرێ کوردستانێ بفەرمی کری و دۆزا کوردی لسەر ئاستێ جیھانێ کریە دۆزەکا زیندی و دەسکەفتێن وێ رێکەقتنێ بۆ وی دەمی سەرکەفتنەکا ھەرە مەزن بوو ، بۆ گەلێ کورد و بزاڤا رزگاریخوازیا کوردستانی . ئدریس بارزانی کەسایەتیەکا بو دشیا ب دیتنا ئێکێ کەس و لایەنێن بەرامبەر بخوینیت ، لەوما ھەردەم ل دانۆستاندنا سەربکەڤیت . ژلایێ سەرەدەریێ ژی ھەر وەکی کەسانێن نێزیکی وی ڤەدگێرن د گۆپیتکا رێزگرتنێ و تەوازعێ دا بۆ . نیشانێن خۆ مەزنکرنێ و خۆ سەپاندنێ د کەسایەتیا وی دا نەبوون . ئدریس بارزانی ھەردەم ب گرنیژین و دلفرەھی پێشوازی ل پێنیار و بۆچوونێن خەلکی دکر . پشتی رێکەفتنا خیانەتکاریا رەشا ئەلجەزائر و بەرھەڤیێن دەسپێکرنا شۆرەشا گۆلانا پێشکەفتنخواز ڤی کەسایەتیێ مەزن روولەکێ ھەرە بەرچاڤ ھەبوویە و کەسایەتیەکێ دووربین بوو ل دارشتنا بەرنامێ شۆرەشا گورلانا پێشکەفتنخواز و بەرپابوون و سەرکەفتنێن وێ ژی ب رێژەیەکا زۆر ب کاریگەریا ئدریسێ جوانەمەرگ بوو . شونکی ژلایێ سیاسی و لەشکری شیا رێکێ بۆ بەرپابوونا شورۆەشێ ڤەوژێریت ، سەرەرای خیانەتا شاھێ ئیرانێ ل رێکەفتنا ئەلجەزائیر شیا حکومەتائیرانێ رازی بکەتبۆ ڤەحەواندنا کوردا و گرێدانا پەیوەندیان دگەل حکومەتا ئیرانێ بۆ بەرژەوەندا کوردا و شورەشێ . ھەر زوی فەرماندەیێن پێشمەرگەھی کۆمکرن و بۆ خۆ رێکخستنەڤێ و بەرپابوونا شۆرەشێ وەک بەرسڤەک بۆ خیانەتا ئەلجەزائیر .
برەنگەکێ گشتی ئدریس بارزانی ب ئەزمۆنا خۆ یا دویر و درێژ دگەل شورەشێ خۆدان ھزر و رامانێن دوور بین بۆ و ھەلگرێ کلیلێن ڤەکرنا دەرگەھێن بەختەوەریێ ئاشتەوایی یێ بوو ، ھەر وەکی بڤێ دووربینیێ شیای د کاودانێن دژوار دا لسالا ١٩٨٧ بەرەی کوردستانی پێکبینت , کو ب دامەزراندنا ڤی بەرەی ھیڤیێن کوردستانیان ب پاشەرۆژێ گەشتر بوون کو ئەڤ بەرەیە بوویە نوونەرێ راستەقینەیێ بزاڤا رزگاریخوازیا کوردستانی ل باشوورێ کوردستانێ و سەرپەرشتیا پرۆسا راپەرینا جەماوەریا گەلی کورد کر ل سالا ١٩٩١ . مخابن ئدریس بارزانی ئەندازیارێ ئاشتەوایی یێ و دامەزرێنەرێ ڤی بەرەی ب ھیڤیێن خۆ نەگەھشت مالئاڤاھیا دووماھیێ ل گەلێ کورد کر ، لێ ھەردەم دناڤ دل و دەروونێ خەلکێ کوردستانێ دا یێ زیندی یە و خەلکێ کوردستانێ ھەدەم پیدڤی ب ھزرا وی ھەیە نەخاسمە دڤان کاودانان بۆ درۆستکرنا ئاشتەوایا سیاسی و دەربازبوون لڤێ قەیرانا سیاسی و ئابووری .