هه‌ر ده‌ما تلێ گومانێ ژ بۆ نه شه‌فافیه‌تا په‌ترۆلا هه‌رێما كوردستانێ هاتیه درێژكرن، حكومه‌تا هه‌رێمێ ل هه‌مبه‌ر وان گومانان بێ ده‌نگ نه‌بوویه و ب كردار ل هه‌مبه‌ر وان گازنده‌یان راوه‌ستایه، ئه‌ڤ یه‌ك ژى چه‌ندین ئاماژه‌یان نیشان دده‌ت كو سه‌رۆكێ جڤاتا وه‌زیرێن هه‌رێمێ ل ده‌مێن بۆرى نه ب تنێ د بیاڤێ هنارتنا په‌ترۆلا هه‌رێمێ شه‌فاف بوویه، به‌لكو شیایه رێگریێن پێش فرۆتنا په‌ترۆلا هه‌رێمێ و برسیكرنا خه‌لكێ كوردستانێ نه‌هێلێت، چونكى هنده‌ك ئالیێن سیاسى ییێن هه‌رێمێ ب به‌هانه‌یا نه‌شه‌فافیه‌ت د بیاڤێ په‌ترۆلێ دا هه‌ول دایه دوژمنێن حكومه‌تا هه‌رێما كوردستانێ زێده‌بكه‌ن و بگه‌هنه مه‌ره‌مێن خوه‌یێن سیاسى، بۆ ڤێ یه‌كێ ژى مه دیتیه ل په‌رله‌مانێ ئیراقێ ده‌نگێ وان ل دگه‌ل ده‌نگێ نه‌یارێن كوردستانێ بلندبوویه كو باس ل ئاستێ گه‌نده‌لى و دزینا په‌ترۆلا هه‌رێمێ دكه‌ن، لێ د هه‌مان ده‌م دا نوونه‌رێن ئالیێن سیاسى یێن كوردى ل به‌غدا هه‌ست ب هیچ گه‌نده‌لى و دزینا پاره و مالێ خه‌لكێ ئیراقێ ناكه‌ن وه‌ها دزانن ئه‌و ل وێرێنه تنێ ژ بۆى كو ل گه‌ل پێنگاڤێن حكومه‌تا هه‌رێمێ ناته‌ریب و دژ بن، سه‌ره‌راى ڤان هه‌موو گۆتنێن ده‌رباره‌ى نه‌شه‌فافبوونێ ژى ئیدى بزاڤێن حكومه‌تا هه‌رێمێ بۆ به‌رسڤدانا وان گازنده‌یان به‌رده‌وامن و ب رێكێن خوه‌یێن چاكسازیێ هه‌ول دده‌ت پرۆسه‌یا ده‌رئینانا په‌ترۆلا هه‌رێمێ ب ئاگرێ هه‌مان پرۆسه و گه‌نده‌یا ئیراقێ نه‌سوژیت، چونكى ل به‌سرا و ده‌ڤه‌رێن ناڤه‌راستا ئیراقێ ب وى ره‌نگى گه‌نده‌لى د بیاڤێ فرۆتنا په‌ترۆلێ دا هه‌یه كو ب گۆتنا سیاسیێن وان بخوه، ئیراق د ئیشا گه‌نده‌لیێ دا دژیت و ژ رێڤه‌به‌رى هه‌تا خزمه‌تكارێ رێڤه‌به‌ریێ ده‌ست دگه‌لدا هه‌یه، بۆ ڤه‌شارتنا ڤێ یه‌كێ ژى ده‌سته‌لاتدارێن به‌غدایێ ب هاریكاریا ئالیێن سیاسیێن نه‌رازى یێن هه‌رێما كوردستانیێ شیاینه فۆكسێ خه‌لكێ ئیراقێ ل سه‌ر خوه راكه‌ن و به‌رێ وان بده‌نه كرێتكرنا ئه‌و پێشكه‌فتنا ل كوردستانێ هه‌ى ب نه‌شرینترین ده‌سته‌لات نیشان بده‌ن، لێ ئه‌وێ د واقع دا هه‌یه چییه؟ داوى گۆتنێن سه‌رۆكێ حكومه‌تا هه‌رێما كوردستانێ نێچیرڤان بارزانى به‌رسڤن ژ بۆ گه‌له‌ك گازنده‌یان كو حكومه‌تێ ب نه شه‌فاف ب ناڤ دكه‌ن، ئه‌و ژى كو كارێ كۆمپانیا دیلۆت د بیاڤێ سێرچكرن و وردبینكرنا هنارتنا په‌ترۆلێ و داهاتێ په‌ترۆلێ به‌رده‌وامه، ئه‌ڤه بخوه دێ بیته هاریكارییه‌ك كو ئیدى په‌ترۆلێ هه‌رێما كوردستانێ ل سه‌ر ئاستێ جیهانێ ببیته خوه‌دى ره‌واجه‌كا مه‌زنتر و ب بهاتر، چونكى كۆمپانیا دیلۆت ئێك ژ مه‌زنه كۆمپانیێن جیهانیه د بیاڤێ سێرچكرن و وردبینى دهنارتن و داهاتێ په‌ترۆلێ دا، كه‌واته دێ ژ بۆ ئاستێ ناڤخوه‌یا هه‌رێمێ و ده‌رڤه ژى كاریگه‌ریا خوه هه‌بیت، ژلایه‌كى ڤه دێ ئالیێن نه‌رازى یێن هه‌رێمێ ل هه‌مبه‌ر فرۆتنا په‌ترۆلا هه‌رێمێ بێده‌نگ كه‌ت، چونكى كۆمپانیا ناڤهاتى جیهانیه و ل داویێ گومانێن وان ئالیێن ب نه ره‌وا ده‌ركه‌ڤن و ب موزایه‌ده‌یێن سیاسى دهێنه ل قه‌له‌مدان، ژ ئالیه‌كێ دى ڤه دێ بازارێ په‌ترۆلێ هه‌رێمێ گه‌رمتر بیت و پتر سه‌رنجا كۆمپانێن جیهانێ بۆ كاركرن ل په‌ترۆلگه‌هێن هه‌رێما كوردستانێ راكێشیت، ئه‌ڤه ژى دبیته ئێك ژ پێنگاڤێن دى یێن چاكسازیێ ڤێ كابینه‌یا حكومه‌تنا هه‌رێما كوردستانێ، كو سه‌ره‌رارى گهورین و كاودانێن نوو یێن ب سه‌ر هه‌رێما كوردستانێ دا هاتین، حكومه‌ت به‌رده‌وامن ژ بۆى كو پلانێن به‌غدایێ بۆ برسیكرنا خه‌لكێ هه‌رێما كوردستانێ سه‌ر نه‌گرن و ب داهاتێ په‌ترۆلێ و داهاتێ ناڤخوه‌یێ و بزاڤێن كێمكرنا خه‌رجییان موچه‌یێ خه‌لكێ كوردستانێ دابین بكه‌ن
کارزان فەقێ
