خوه‌پیشاندانێن ئیرانێ به‌ره‌ف کیڤه؟
شڤان سالم گولی
ئه‌ڤ توره‌بوون و سلوگانه نیشانه‌کا زیقن وه‌ک مه لسه‌ری ئاماژه پێدای لسه‌ر بێزاربوونا خه‌لکی ژ شاندنا و بکوشتن دانا هزاران گه‌نجێن ئیرانی بو سوریا و لوبنان و یه‌مه‌ن و دیسان خه‌رجکرنا ملیونان ژ پارێ ئیرانێ ل ڤان وه‌لاتا و ئه‌ڤه د ده‌مه‌کێ دا کو خه‌لکێ ئیرانێ د قه‌یرانیترین سه‌روبه‌رێ ئابوری دا ده‌رباز دبن ژ بلی وێ سانسورا کو ده‌ستهه‌لاتێ بسه‌ر هه‌موو چه‌قێن ژیانا خه‌لکی دا ئیناندی و خه‌لک هیچ هه‌ست ب ئازادیێ ناکه‌ت دناڤا وه‌لاتێ خوه،، هه‌لبه‌ته ئه‌وا ئه‌ز بو دچم ره‌وتا خوه‌پیشاندانا هێدی هێدی یا ژ قالبێ خوه ده‌ردکه‌ڤیت و ئێدی پتر وه‌ک ته‌وژمه‌کێ شوره‌شگێری پێڤه دیاردبیت لدژی ده‌ستهه‌لاتێ بگره ل چه‌ند جهه‌کا به‌رئێک که‌فتنا چه‌کداری ژی هه‌بوویه دناڤبه‌را خه‌لک و پاسداران دا،،،و دیسان ئاماژێن هندێ ژی هه‌نه کو دناڤا پاسدارێن ئیرانێ بخوه‌دا بوچوونێن جداجدا هه‌بن لسه‌ر پشته‌ڤانیکرن ودژایه‌تی کرنا خوه‌پیشانده‌ران وکو ئه‌ڤێ بخوه راسته‌وخوه کاریگه‌ریا خوه لسه‌ر مژارێ هه‌یه،،،
گه‌رم و گوریا ڤێ توره بوونا خه‌لکی و رادیکالیا مه‌لایێن ده‌ستهه‌لاتدار دویر نینه ولاتی دابه‌شی دوو جه‌مسه‌رێن هه‌ڤ کیف بکه‌ن و ده‌لیڤه‌ی بو وه‌لاتێن دژی ئیرانێ خوه‌ش بکه‌تن کو مایتکرنێ د ڤێ ره‌وشا نها ئیران تێدا ب دلنیایی ئه‌ڤه دێ بیته ئه‌گه‌را هندێ کو ره‌وشا ئیرانێ زور ئالوز ببت و شه‌رێ ناڤخوه ژی رو بدت و ره‌وشا ئیرانێ به‌ره‌ف وێ ره‌وشا نها سوریا تێدا ده‌رباز دبیت ڤه بچیت و دویر نینه هه‌ر یه‌ک ژ وه‌لاتێن (ئه‌مریکا و سعودی و پتریا وه‌لاتێن خه‌لیجی و ئیسرائیل) کارئه‌کته‌رێن سه‌ره‌کی بن د پشته‌ڤانیا خوه‌پیشانده‌ران دا و دبیت ژ ئارمانجێن وان یێن سه‌ره‌کی لێدان یان ده‌ست بسه‌ر داگرتنا بنگه‌هێن ئه‌تومیێ یێن ئیرانێ بن و دانانا ده‌ستهه‌لاته‌کا نوی ل وه‌لاتی ،،،
لێ ئه‌وا جهێ پرسیارێ ئه‌وه ئایا پشتی ژناڤ چوونا رژێما مه‌لایی ل ئیرانێ چ ده‌لیڤه‌یه‌ک هه‌یه بو ب یه‌ک پارچه‌مانا ئیرانێ ؟ ئه‌رێ پێکهاته‌یێن ئیرانێ ب تایبه‌ت هه‌ر یه‌ک ژ کورد و به‌لوچ کو چه‌ندین سالێن به‌رده‌وام دخه‌باتا چه‌کدارینه ل دژی ده‌ستهه‌لاتێ ئه‌ڤه ژ بلی باسکێن سه‌ر ب ره‌زا شاهی ومجاهدێن خه‌لق ڤه د به‌رهه‌ڤن ب هه‌ڤرا دئیرانا مه‌زن دا بژین،،ژ بلی کێشه‌یێن سیاسی ئه‌ری ئیرانه‌کا خودان چه‌ند نه‌ته‌وه‌ی وه‌ک (کورد ، ئازه‌ر ، عه‌ره‌ب، فارس، ) چه‌ند به‌رهه‌ڤن بهه‌ڤرا بژین ؟ ئه‌رێ ئازه‌ریا هه‌لوه‌شاندنا کومارا ئازه‌ربایجان ل ته‌برێزێ ژ بیر کریه ؟ ئه‌ڤه هه‌موو هنده‌ک پرسێن گرنگن و دڤێت باس لێ بهێته کرن ،،ب باوه‌را من به‌رده‌وامیا خوه‌پیشاندانا و ئه‌گه‌ر وه‌لاتێن مه باس لێ کرین پشته‌ڤانیێ لێ بکن داویا وێ دێ کوتایی ئینان ب رژێما مه‌لایان بیت ل ئیرانێ و ئیدێ ئیرانه‌کا ئێکگرتی نامینیت دبیت ئیران دابه‌شی چه‌ند وه‌لاتێن کونفدرال یان ژی فدرالی ببیت و هوسا ئیران وه‌ک ئه‌و کوسپا مه‌زن ل هه‌مبه‌ر دامه‌زراندنا ده‌وله‌تا کوردستانێ نامینیت و ئێراق ژی لسه‌ر وێ گه‌رم و گوریا خوه نابیت پرسا ژ هه‌میا گرنگتر پاشه‌روژا کوردستانا روژهه‌لاته دناڤبه‌را مان د چوار چوڤێ ئیرانه‌کا فیدارل یانژی خوه‌دانه پال لگه‌ل باشور و روژئاڤا و پێکئینانا ده‌وله‌ته‌کا مه‌زن و بهێز ب ناڤێ کوردستان کو دبیت بژارده‌یا دوویێ بهێزتر بیت،،،
