ئیمامێ شافعی رازیبوونا خودێ لێ بیت گۆتیە ئەوێ دەرگەھێن خەلکی بقوتیت ، دەرگەھێ وی دێ ھێتە قوتان . ھەرچەندە ئەڤ گۆتیە د بنەرەت دا لسەر رەوشتێن جڤاکی گاھتیە گۆتن ، لێ لسەر ڕەوشت و مایتێکرنێن ئەڤرۆ یێن وەلاتێ ئیرانێ دگونجین . چونکی چەندین سالە وەلاتێ ئیرانێ ، بۆ بەرفرەھکرنا ھزرا مەزھەبیا شیعەگەری دەرگەھێن زۆر وەلاتێن دەڤەرێ قوتاینە و بۆ پاراستن و دابینکرنا پەرژەوەندێن خۆ یێن مەزھەبی و سیاسی مایتێکرن دڤان وەلاتاندا کریە ، بتایبەت وەلاتێن لبنان و سوریا و عیراق و یەمەن و سعودیێ و بەحرەین . تا گەھشتیە وی ئاستی ئەڤ مایتێکرنێن ئیرانێ ببنە ئەگەرێن کارەساتێن مەزنێن جڤاکی و ئابووری بسەر وەلاتیێ، وان وەلاتان . دەربارەی کوردا ژی ھەر ل سالا ١٩٧٥ ئیرانێ روولەکێ گرنگ و کاریگەر ھەبوویە ل رێکەفتنا خیانەتکاریا جەزائیر دژی شورەشا مەزنا ئیلۆنێ و گەلی کورد ب گشتی کو بوویە ئەگەرێ لناڤ چوونا دەسھەلاتا ئۆتۆنۆمیا کوردی و ئاوارەبوونا ب ھزاران مالباتێن کوردستانی و بێ بەھر بوونا خەلکێ کوردستانێ ل مافێن خۆ یێن رەوا . پشتی سەرکەفتنا راپرسیا سەرخۆبوونا کوردستانێ ئەوا ل ٢٥ ێ ئیلۆنا سالا ٢٠١٧ ، بۆ دژایەتیا مافێن ڕەوا یێن خەلکێ کوردستانێ دووبارە وەلاتێ ئیرانێ ب پشتەڤانیا گرۆپەکێ بالا دەستێ ناڤ ئێکەتیێ بتایبەت بنەمالا تالەبانی و حەشدا شیعی و لەشکرێ حکومەتا شیعەگەریا ئیراقێ دەست ب پلانگێریێ کر بۆ دژناڤبرنا دەسکەفتێن نەتەوی و نشتیمایێن ھەرێما کوردستانێ و کەرکووک و چوندین دەڤەرێن دیتر ھاتنەڤ داگیرکرن و ب سەدا ھزاران خەلکی ئاوارە و دەربدەر بوو و دەست ب ھەوێن جینۆسایدکرنا خەلکێ کوردستانی کر ل کەرکووک و حەوێجە و دەوروبەر . ھەرچەندی ھەرێما کوردستانێ ب سیاسەتا حەکیمانەیا سەرۆک بارزانی و سەرۆرکێ حکومەتا ھەرێما کوردستانێ شیان ب ھێزا پێشمەرگەھێن کوردستانێ رێکێ ل سەرگرتنا ئێکجترەکیا پیلانا ئیرنێ بگرن ، لێ ب مخابنی ڤە زرار و زیانەکا زۆر ژلایێ سیاسی و جزگرافی و ئابووری گەھشتە کوردستانێ .
برەگەکێ گشتی وەلاتێ ئیرانێ سەرێ چەندین سالایە ب مایتێکرن د کاروبارێن وەلاتان دا ھەولا بەرفرەھکرنا شیعەگەریێ و دەسھەلاتێن خۆ دکەت و بێ بەھرکرنا مافێن خەلکی و تووشبوونا وان ب ب کارەساتێن مەزنێن مرۆڤایەتی لبەرچاڤ ناگریت ، ئانکۆ ب دیتنا وان زۆرداریکرن ل خەلکی و بێ بەھکرنا وان مافێن خۆ بۆ وان دەسکەفتە . ئەڤرۆ دەرگەھێ وان دھێتە قوتان و ئاگر بەربوویە مالا وان و خەلکێ ئیرانێ ژبرسا و نەدادوەریا دەسھەلاتا حوکمرانیا دکتاتۆریا مەلایی دەست ب شۆرەشێ کریە و ل پرانیا باژارێن خەلک دژی وێ دەسھەلاتا ھاتیە سەرجادان و داخازا ئازادی و دادوەریێ دکەن . ئەڤە ل دەمەکی یە وەلاتێ ئیرانێ ب مەلیاران دوولاران بۆ تێکدانا رەوشا ڤان وەلاتان دمەزێخیت و پاسدارێن خۆ ب دەسھەلاتێن ڕەھا یێن دارایی کرینە حاکمێن وان وەلاتان و نووکەرێن خۆ ب بەرژەوەندێن دارایی بلند کرینە . لدەمەکی دا وەلاتیێن وان د قەیرانەکا دژوار دانە . نھو دەم ھاتیە جیھانا ئازاد و ئەو وەلاتێن ھەتا نھو ئیرانێ دەستێ خۆ بۆ بری و تووشی قەیرانێن سیاسی و دارایی کری پشتەڤانیا شۆرەشا خەلکێ ئیرانی بکەن ژلایێ ماددی و لەشکری و راگەھاندنێ داکۆ ئەڤ شۆرەشە سەربگریت و ببیتە ئەگەرێ گۆڕینا رژێما دەسھەتداریا شوفینی و دکتاتۆریا ئیرانێ داکو گرنژی و بەرختەوەری بۆ خەلکێ ئیرانێ و وەلات و وەلاتیێن دەستێ ئیرانآَ چویە دناڤدا بزڤریت و ب ئازادیێ شاد ببنەڤە و دووبەرکی دناڤ دا نەمینیت ، چونکی ئەڤ دووبەرکیا دناڤبەرا خەلکێ وان وەلاتان ب کوردستانڤە ھاتیە درۆستکرن پیلان و فتنا ئیرانێ یە و پێتڤی یە نووکەر و کرێگرتیێن ئیرانێ یێن کوردستانێ و وەلاتێن دیتر تووشی تۆلڤەکرنێن دژوار ببن و نەمانا ڤێ رژێما ئیرانێ ئەگەرێ سەقاوگیریا دەڤەرا رۆژھەتا ناڤین ب گشتی یە . ئەوێ دەرگەھێ خەلکی ب قوتیت دەرگەھێ وی دێ ھێتە قوتان و ئەگەر پەنجەرێن تە شیشە بن بەرا نەھاڤێژە پەنجەرێن خەلکی .