ئێمە بۆیە بەردەوام قوربانیی دەبەخشین و خۆراگرین ، هەڵوێستێكی روون و ئاشكرایە چونكە خاوەن مافێكی زەوتكراوین و ئامادە نین لە ژێر هیچ گوشارێك ژێر دەستی قبوڵ ناكەین .کورد وەك نەتەوەیەكی خاك داگیركراو و دابەشكراو بە درێژایی ئەو ساڵانەی ژێردەستەیی بەپێی قۆناغەکان، تێدەکۆشێت قوربانی دەدات لەهەر قۆناغێك بەپێی خۆ گونجاندنی لەگەڵ ئەو قۆناغە قوربانی داوە تێدابوونی خۆی سەلماندووە،هەر لە سەردەمی ئیمپراتۆریەتی عوسمانی وسەفەویەکان کورد بەشێوەی میرنیشن خەبات و تێکۆشانی کردوە،دواتر شێخایەتی شوێنی میرنشینەکانیا گرتەوە لەسەرتای ساڵی 1878 شێخ عوبەیدڵلا ئەو یاخیبونە بوو بەرامبەر عوسمانیەکان و ئێرانیەکان بەرپایکرد، هەروەها لە سالی 1925 یاخیبونی شیخ سـەعیدی پیران دەستی پێکرد تا ساڵی 1930 ئاگرەکەی بەردەوام بوو بەڕێبەرایەتی سەید ڕەزا، وە یاخیبون و سەر هەڵدانەکانی ساڵی 1920 لە باشوری کوردستان بەڕابەرایەتی شێخ محمود لە خۆرهەڵاتی کوردستان بەڕابەرایەتی سمکۆی شکاك هەمان خەسڵەتیان هەبوو، تادوایینیان بەڕابەرایەتی مستەفای بارزانی نەمر سالانی 1960-1970 بەدەست هێنانی ئۆتۆنۆمی خوازی بۆ باشوری کورستان،ئەوە قۆناغێكە لە قۆناغەکانی مێژووی گەلی کورد،دوای ئەمە سەردەمێکی نوێ دەست پێدەکات لە بزاڤی ڕزگاری خوازی کوردی ئەویش سەردەمی ڕۆشنبیرانی کوردە تا ڕۆژگاری ئەمڕۆشمان بەردەوامی بەو ڕێبازە دەدرێت، لە پێناو ئەوەی کورد بوونی خۆی مسۆگەربکات،ئەو بوونە جیای دەکاتەوە لە هیچ.
هاتنە ئارایی گۆرانكارییەكان و هەڵوەشانەوەی نەخشە دروستكراوەكەی سایكس پێكۆ لە رۆژهەڵاتی ناوین بە تایبەت عێراق و سوریا لەلایەك ،لەلایەكی تر پێشكەوتنەكانی هەرێمی كوردستان ، لە بواری دیپلۆماسی ،سیاسی ، ئابووری و سەربازی بە تایبەت لە ماوەی سالانیی رابردوو و هەروەها بە پێچەوانەوە شەرٍی مەزهەبی و تائیفی و هەزاران كێشەی تر لە عێراق لە رووی ئابووری و سیاسی و هتد.. هیچ رێگەیەكی لە بەردەم بەغدا نەهێشتەوە تا بە جۆرێك لە جۆرەكان دۆخی كوردستان ئاڵۆز بكات و هەموو توانایەك بەكاربێنێت بۆ سرٍینەوەی كورد .ئەو پیلانگێریی و نەخشە دراێژراوانە چەند ساڵێكە قۆناغ بە قۆناغ كاری لە سەركراوە تا گەیشتە ئابڵوقەدان و دواتر بەكارهێنانی هەندێك لایەنی دروستكراو بەكرێگیراویی خۆیان و دواتر هێرشی سەربازی و بەكارهێنانی هێزی داگیركەر و حەشدی شیعی ..
بەدرێژایی مێژووی ئەو دەوڵەتانەی کوردیان داگیر کردوە هەردەم هەموو توانای سیاسی و ئابووری و سەربازی خۆیان بەکار هێناوە بۆ ئەوەی کورد (هیچ)بێت لەناو دەوڵەتەکانی خۆیان ئاسیمیلاسیون بکەن وون بێت، شتێک نەبێت بە ناوی کوردەوە!ئەمەش لەبەر ئەوەی سیستەمی نوێی جیهانی هەر کێشەیەک جیهانی بێت، پەیوەندی بە گەلێكەوە هەبێت چارەسەرەکەی بەدەوڵەت _نەتەوە کۆتایی پێ دێنێت بە تاکە چارەسەری ئاشتی جیهانی دەزانێت،کێشەی کورد لەسەرەتای ساڵی 1991 گۆڕی بە کۆمەلی باشوری کوردستان سنوری ناو خۆی بەزاند، بوو بە کێشەیەکی هەرێم و نێودەوڵەتی کۆمەڵگای نێودەولەتی دانی بە گەلی کورد داناو وەک گەلێکی ئەم جیهانە، بۆیە ئێستا کورد بوونی خۆی سەلماندوە، دووژمنانی کورد ترسیان لەچارەسەرکردنی کێشەکە هەیە ئێستا ئەویش دەوڵەتە.
كورد دەبێت،ببێت بە خاوەن دەوڵەتی خۆی وەك هەموو گەلانی جیهان خاوەن کیانێکی سیاسی سەربەخۆبێت، بۆ ئەوەی بە شێوەیەکی ئاشتی لەگەڵ دەوڵەتە داگیرکراوەکانی بژیت،دوور بێت لە ئسیمیلاسۆنی کەلتوری و نەتەوایەتی..
لەرووی دیفاکتۆوە ئەوە روونبۆتەوە کەیەکپارچەیی عێراق مایەی دروستبوونی کێشەو ئالۆزییە بەردەوامەکانی عێراقە و وە مانەوەی ئەو یەکپارچەییەی عێراقیش گەرەنتی پێکەوە ژیانێکی ئاشتیانەی نێوان ھەرسێ پێکھاتە سەرەکیەکەی عێراق (کوردو شیعەو سوننە) ناکات، کە ئەم واقیعەش ھەم بۆ دەوڵەتانی ئیقلیمی و ھەم بۆ دەوڵەتانی جیھانیش روونبۆتەوە. ئەو ئالۆزی و قەیرانە سیاسییانەی کە لەم چەند ساڵەی دواییدا رووبەرووی عێراق بوونەوە، وڵاتەکەیان لە لێوارەی ھەڵوەشانەوەو پارچە بوون نزیک کردووەتەوە. ئەوەش کە لەو ھاوکێشانە دڵخۆشکەرە، یەکگرتوویی و یەک ھەڵوێستی کوردە لە بەغدا لە بڕیاردان و ھەڵوێست وەرگرتن لە سەر بابەتەکان.مانەوەی کورد لەگەڵ عێراقدا لە چوارچێوەی یەکپارچەیی و عێراقێکی یەکگرتوو ھیچ قازانجێک بۆ کورد دەستەبەر ناکات، ئیدی ھیچ ھۆکارێک نەماوە کورد پەیوەست بکات بە عێراق. ململانێکانی عێراق درێژە دەکێشن و ھەرگیز کۆتاییان نایە، ھیچ کاتێکیش کورد لە چوارچێوەی عێراق ناگاتە مافەکانی.چونكە رووداوەكانی16ی ئۆكتۆبەر و داگیركاری و هەوڵدان بۆ سرٍینەوەی كورد ، نیشاندەری ئەو راستییەن كە عەقڵییەتی خۆسەپاندن و چەك و دیكتاتۆری لە عێراقی دروستكراوە نەگۆرٍاوە و بەردەوامە و پێوستە سەركردایەتی سیاسی كوردستان گشت هەوڵەكانیی لە سەر ئاستی كۆمەڵگەی نێودەوڵەتی چرٍ بكاتەوە ،چونكە رژێمی بەغدا هەڵوێستی دوژمنكارانە وداگیركارانەیە و لە هەر دەرفەتێكدا بیر لە لەناوبردنی دۆزی كورد دەدا..هەروەها ئابڵوقەدانی كوردستان و دەستێوەردانەكانی رژێمی بەغدا و دروستكردنی لایەن و كۆمپانیا بۆ دژایەتێكردنی ئەزموونی كوردستان و لاوازكردنی پێگەی كورد، بە هێماكانی دروستبوونەوەی دیكتاتۆرێكی تر لە بەغدا .ئەوەی ئەمرۆ روو دەدات لە بەغدا نامەیەکە بۆ ھەمووان کەوا عێراق ئەو عێراقە نەماوە کە جێ ی خواستی ھەموویان بێت .ھەروەھا ئەو شوێنە نەماوە کە ببێتە ھۆی پێکەوە ژیانی ھەموو پێکھاتەکانی عێراق ، حیزبی دەعوە عێراق بەرەوە کێلگەیەکی تاریکی برد کە قورسە دەرچوون لێ .
ئەوانەی ئەمرٍۆ بە فیكەی دوژمنانی كورد دروشمی " بروخێت كوردستان " دەدەنەوە و سووكایەتی بە پێشمەرگە و خانەوادەی شەهیدان دەدنەوە ، زۆر لایان ئاساییە گەر منداڵ و مێرمنداڵی میللەتەكەمان لە پێناو زیاتر ئاژاوەنانەوە و دووبەرەكیی زیاتر بەكوشتن بدەن ، دەستی سیخور و ئیتلاعاتی رژێمی ئێران بگرن و داوا لە رژێمی بەغدا بكەن ،بۆ داگیركردنی سلێمانی بەفریایان بكەوێ‌ و ریسوایی و سەرشۆری بۆ دوژمنان و جاش و كۆیلەكان .