كوردستانێك بە خوێن ئازادوپەروەردە كرا بێ ،شوێنی ژێر دەستی و داگیركەران نابێتەوە .
رێبوار حەمەلاو شوانی
پێشمەرگە،سەرۆك بارزانی پێوستی بە پێزانین و دەستخۆشی داگیركەرانی كوردستان نییە، ئەوان چەكی مەردایەتی وشەرەفیان لە شان كردووە بە درێژایی مێژوویی خەبات و قوربانیدانەكانی كوردستان، كە هەردەم ئەوان بوونە قەڵغان و پارێزەری كوردستان، و نە پێویستیان بەو سوپاسە هەیە لەلایەن داگیركەرو سەرۆك وەزیرانی بەغدای مەزەهەبیەوە و نە پێویستە حكومەت و وەزارەتی پێشمەرگە رونكردنەوە بدات و داوای رونكردنەوە بكات، لای هەمووان ئاشكرایە كێ لە بەغدا دژایەتی زیاتری كورد و پێشمەرگە و سەركردایەتی سیاسی بكات ئەوە لە هەڵبژاردنەكان دەنگی زیاتر بە دەست دەهێنێت . بۆیە ئەوەی حەیدەر عەبادی دژی كوردستان جێبەجێی دەیكات و دەیڵێت دەزانێت بۆ چ مەبەستێك ئەم كارە دەكات و چۆن شەڕی دەروونی لەگەڵ حكومەت و خەڵكی كوردستان دەكات لە پێناو مانەوەو بەهێزكردنی پێگەی خۆی لە ئێستا و داهاتووی عێراق .لای هەمووان ئاشكرایە هێزی پێشمەرگەی كوردستان خەباتی كردووە لە ژێر فەرمانی بارزانی نەمر و دواتر سەرۆك مسعود بارزانی بۆ گەیشتن بە ئامانجە رەواكەی گەلی كورد و كوردستان ، نەك بۆ سەرۆك وەزیرانەكانی بەغدای تارانی و وەرگرتنی سوپاس و میدالیای ئازایەتی،بەڵام دەبێت ئەویش وانە و پەندی لەوانی پیش خۆی وەرگرتایە و دژایەتی پێشمەرگەی نەكردایە، لەبەر ئەوەی هەموو ئەوانەی دژایەتی پێشمەرگەیان كردووە بە درێژایی مێژوو نەیانتوانیووە پێشمەرگە لەناو ببەن و ئایندەیان باش نەبووە . پێشمەرگە بە سەرۆكایەتی بارزانی بە تێكشكاندنی ئەفسانەی تیرۆرستان دادەنێن و رۆڵ و بەرخودانی پێشمەرگە بەرز دەنرخێنن، كه‌وایه با هیچی دیكە وا نەكەین عەبادی زیاتر لە خۆبایی ببێت و سەركەوتنەكانی كە بە هاوكاری هاوپەیمانان و پێشمەرگەوە بووە بۆ گەڕانەوەی خاكە لە دەستچووەكانی عێراقی مەزهەبی لە دەستی داعش گەورە بكەین تەنها بۆ ئەوەی بڵێن سوپاسی پێشمەرگەی نەكردووە، دڵنیابن پێشمه‌رگه بۆ گه‌یانفیدایی سوپاسی سه‌رۆك بارزانی و دایكه شه‌هیدێكی له‌لا پیرۆزترە تا حەیدەر عه‌بادی بوكەڵەی دەستی ئێران، پێشمه‌رگه پاڵپشتی و ته‌شوقیی سه‌رۆكوه‌زیرانه‌كه‌ی خۆی نێچیرڤان بارزانی له‌لا گرنگ تر و پڕ بایه‌ختره تا عه‌بادییه‌ك كه مووچه و بژێوی ژیانی خودی پێشمه‌رگه و وڵاته‌كه‌ی نادات. لە ماوەی سەدەی رابردوو دا ستراتیژی سیاسی و سەربازی و ئەمنی و راگەیاندنی دوژمنانی سەربەخۆیی كوردستان لە هەر چوارپارچەكەی كوردستان، تاك تاك بووبێ، یان بە هاوپەیمانێتی نێوانیان، زۆرجاریش بە هاوكاریی زلهێزەكانی دنیا، چ ئەمریكا و چ سۆڤێتی جاران و بەتایبەتی بەریتانیا، هەر ئەمە بووە كە لەناوبردنی پێشمەرگە، سەرۆك بارزانی ، لەناوبردنی كوردایەتی و خەونی سەربەخۆیی كوردان دەبێ. شكاندنی ئیرادەی ئەم پێشمەرگە،سەرۆك بارزانی ، شكاندنی ئیرادەی كوردایەتی و سەربەخۆیی دەبێ. بۆ بەدیهێنانی ئەم ستراتیژە، هەمیشە لەناو كۆمەڵگەی كوردیشدا نۆكەر و دەستكێش و خائینیان دروست كردووە و لە بواری سەربازیی و حزباتیكردن و راگەیاندن و پڕوپاگەندەدا بەكاریان هێناون. وەلێ هەر نەیانتانیوە ئەو ئامانجە بەدی بهێنن، لە هەموو قۆناغێكدا خۆیان و نۆكەرەكانیان شكستیان خواردووە و تەنانەت ناچاریش بوون بێنەوە بەر دەرگای ئەم دامەزراوەیە بۆ دانوستاندن و گفتوگۆ.بە دڵنییاییەوە سەركەوتن بۆ خۆراگری میللەتی كورد و سرفرازی بۆ پێشمەرگە،سەرۆك بارزانییە..
ئەو كوردستانەی كە بە خوێنی 500 هەزار شەهید و هەزاران بریندار و ماندووبوون رزگاركراوە و هیچ كات فێری ژێر دەستی نەبووە و هەمیشە ئازاد ویستۆێتی بە ئازادی بژێت ، مێژوو گشت شانازیی و سەروەرییەكانی تۆمارٍ كردووە ، مەحاڵە تەسلیمی ئیرادەی داگیركەران بێ.ئەوەی جێی هەڵوەستەیە ئەوەیە كە ئەو داگیر ورژێمانەی ئێستا پەندیان لە رژێمەكانی پێش خۆیان وەرنەگرتووە و یانیش دیارە لە بەر تەماح و بوغراییان لە بیریان چۆتەوە كە چی بە سەر ئەوانی پێش خۆیان هاتووە .
نزیكە 85 ساڵە ئەم سیاسەت و ئایدیا و مۆدیلە لە عێراق پەیڕەو كراوە، بێگومان ئەمەش دەبێتە قوڵبوونی برینەكانی نێوان پێكهاتەكانی كۆمەڵگای عێراق. شیعە تاسەر ئێسقان دژی سوننەیە، هەردووكیان دژی كوردن، كرستیانەكان كەنیسە و ماڵ و موڵكیان تاڵان كراوە، توركمان دەمكوت كراوە، سابیئە و ئێزدی و كاكەیی و ...هتد، هەریەكەیان كراوە بە گژ ئەوی دیكەدا. باشە وڵاتێك 85 ساڵ لەسەر ئەم فورمەڵەیە حوكمڕانی كردبێ، چۆن ئێشتا چاوەڕێی لێبوردەی و پێكەوەژیان و هاوبەشی لە جڤان و كۆمەڵگا و حكومەتی عێراق دەكرێت!. مەگەر سەركردە و بەرپرسەكانی ئێستای عێراق كوڕی ئەم كۆمەڵگایەی عێراق نین؟!. خەڵكی كوردستان هەموو رێگاو و شێوازێكی تاقیكردۆتەوە لە پێناو پاراستنی یەكپارچەیی عێراق و سەروەری عێراق و برایەتی میللەتانی عێراق، بەڵام بێ سوود بووە و هەر خەڵكی كوردستان باجی خۆشباوەڕی و نیشتیمان پەروەر و جوامێری خۆی داووە. دەبێ دوژمنان و داگیركەران ئەو راستیە بزانن كە ئێمەی كورد تا خاوەنی پێشمەرگە،سەرۆك بارزانی و میللەتێكی خۆراگر و شەهید پەروەر بین ئەوا بستێك خاكی كوردستان بە داگیركراویی نامێنێتەوە ..
