بۆ كوشتنی كورد، زه‌مین له‌رزه‌ش دان به سنوره‌كان دانانێت
نه‌زهه‌ت حالی
به‌ڵام له هه‌مان كاتدا هه‌ردوو ڕوداوه گرنگه‌كه به بێ قوربانیدان نه‌بوون ، زۆر ڕۆله‌ی ئه‌و نیشتمانه له‌و پێناوه‌دا ڕوح و ژیانی خۆیان، یان به‌شێك له جه‌سته‌یان به‌خشی و ناوی پێشمه‌رگه‌یان پیرۆزتر و به‌رزتر كرد، زۆرێكیش سامان و ماڵی خۆیان له پێناوی ته‌نیا كورد بوونیان و ئازادیخوازیان له ده‌ستدا و ئاواره بوون، ئه‌و ئازیزانه ئه‌مه یه‌كه‌م جار نیه كه به ناچاری ئاواره و دوره شارو زێدی خۆیان ده‌بن و لاپه‌ڕه‌ی په‌رتوكی مێژووی كاره‌سات ونه‌هامه‌تییه‌كانی گه‌لی كورد له به‌ر نه‌بوونی كیانێكی سه‌ربه‌خۆی خاوه‌ن سه‌روه‌ری هه‌ر ڕو له سه‌ره‌و ژوری ده‌كات.
هه‌ر پیلانه سیاسییه‌كان و هێرشی سه‌ربازی تیرۆریستانی فره نه‌ته‌وه‌ی تیرۆریستانی داعش و هێزه فره نه‌ته‌وه‌كانی عێڕاقی و ئێرانی و لوبنانی نین بۆ سه‌ر خاك و گه‌له‌كه‌مان كه گیانی كوردستانیان ده‌كه‌نه ئامانج و غه‌رقی خوێنی ده‌كه‌ن و هه‌ناسه‌یان ده‌بڕن، ئابڵۆقه‌ی ئابوری و داراییش له لایه‌ك ژیان و گوزه‌رانی زۆر سه‌خت كردوون و له لایه‌كی تریش كاره‌ساتی سروشتی و زه‌مین له‌رزه‌ش سه‌ر و ماڵی كوردستانیان له دیوی باشور و ڕۆژهه‌ڵات ده‌كاته ئامانج.
خودایا ئه‌وه چ قه‌ده‌ر و چاره‌نوسێكه گه‌ڵی كورد توشی بووه ، كه ڕوبه‌ڕوی هه‌ڕه‌شه‌ی ئابووری و سیاسی و هێڕشی سه‌ربازی فره نه‌ته‌وه و سنور بڕ ده‌بێته‌وه و ته‌نانه‌ت كاره‌ساته سروشتییه‌كانیش دان به سنوری دانراو بۆ جیا كردنه‌وه‌ی كورد له یه‌كتر دانانێن و كورد له كه‌رمانشا و گه‌رمیان و سلێمانی و هه‌له‌بجه له یه‌ك كاتدا ده‌بن به قوربانی بومه‌له‌رزه.
خودایا ، گه‌لی ئێمه گه‌لێكی خوا ناس و مرۆڤ دۆست و خۆ ڕاگر و ڕه‌وشت به‌رزه ، گیانی شه‌هیدان و قوربانیان به به‌هه‌شتی به‌رین شاد بكه و گه‌له‌كه‌مان له هه‌رچی به‌ڵا و ڕوداوی ناخۆشه و له‌سه‌روی هه‌موانیشه‌وه له برسی بوون و نائه‌منی و له نیفاق و پارچه پارچه بوون و بێ هیوا بوون بپارێزه.
خودایا ئه‌و توانایه‌مان پێ بده كه بتوانین ئێمه‌ی كوردستانیانی باشور به‌سه‌ر هه‌واو و نه‌فسی خۆ په‌ره‌ستی و دژایه‌تی كردنی یه‌كتری زاڵ بین، له هه‌ڵه‌كانمان وانه وه‌ربگرین و خرابه و چاكه له‌یه‌ك جیا بكه‌ینه‌وه و پێكه‌وه بۆ پاراستنی نه‌ته‌وه و نیشتمان له یه‌ك به‌ره‌وه و له یه‌ك سه‌نگه‌ردا بین.
