ڕەهەندێن سەرەدانا نێچیرڤان بارزانی بۆ سلێمانییێ
November 24, 2017
وتار و بیروڕا
![ڕەهەندێن سەرەدانا نێچیرڤان بارزانی بۆ سلێمانییێ](https://gulanmedia.com/public/old_images/nusaran/23899228_1576287129157397_838766489_n.jpg )
كەسێ خوین ڕێژ و زۆردار بوو. خوە ئەگەر ل ڕەوشا خەڵكی پرسیبا ل ناڤ باژاڕان . ئەڤ هزرە هاتییە چەسپاندن د مێشكێ خەڵكی دا و، ئێدی كەسایەتیا سەركردەی ب ڤی وێنەی دبینن و پشتی سەرهڵدانێ و حكومڕانیا كوردی ژی، نە تاكێ كورد شیایە وی وێنەی بۆ سەركردەی ب گوهڕیت و، نە سەركردێن كورد شیاینە وێ بەربەستێ بشكێنن.
ۆ ڤێ چەندێ ژی چەند ئەگەرەك هەنە، مینا بارودۆخێ نە ئارام، شەڕێن ناڤخوەیی و پاشمایێن دووبەرەكی، ناوچەگەری، ململانێن عەشیرەتگەری و دەستێن سیخوری یێن بیانی. لێ دڤێت ڤێ راستییێ بزانین كو ١٦ێ ئوكتۆبەرێ وەرچەرخانەك بوو د درووما كورداندا و ئێدی كوردستان نامینت وەك بەری وێ مێژوویێ، نەخاسمە كو كۆمەكا گەنجان هاتە دناڤ سەركردایەتی یا كوردیدا، ئەو گەنج ژی ب هند هزرێن سەردەمی و ڤەكری و دیدەكێ جۆدا و چاڤ ڤەكریتر هاتینە ناڤ گۆڕەپانا سیاسی و ئابوورییا دەڤەرێ.
نێچیرڤان بارزانی سەروكێ حكومەتێ و قوباد تالەبانی جێگرێ وی سەركێشییا ڤێ بزاڤا سیاسی و حكومڕناییێ دكەن و شیاینە د دەمەكێ كێمدا كارێن مەزن بكەن. دڤێت ئەڤ سەركردێن نها هاتیینە گۆڕەپانا سیاسی و حكومڕنایێدا، بشێن ب گیانەكێ دی و ب هزرەكا نوی رۆڵەكێ هەری كاریگەر ببین ل سەر ئاستێ ناڤخوە و دەرڤە و ئێدی سەركردێن هەمی كوردستانێ بن و بشێن سنوورێن بەری نها بشكێنن و، ئێدی نە سەركردێن دەڤەرەكێ بتنێ بن، دڤێت هەوڵ بدەن بو ڤەگەڕاندنا ئەو كەرب و كین و عوقدەیا جڤاكی كو هندەك سەركردێن بەرێ د ناڤبەرا زاراڤە و باژێڕ و دەڤەرێن كوردستانێدا چێ كری و بشێن لاپەڕەكێ نوی دناڤبەرا لایەنێن سیاسی یێن هەرێمێدا ڤەكەن و كار بكەن بۆ خوەشكرنا پەیوەندیێن باشوور دگەل پارچێن دی یێن كوردستانێ. سەرەدانا سەرۆكوەزیرێ هەرێمێ بۆ سلێمانییێ كارەكێ گەلەك گرنك و ژیرانە بوو، بۆ ڤەگەڕاندنا وێ باوەڕییا جڤاكی ل هەرێمێ و ئاسایی كرنا پەیوەندیێن دناڤبەرا سلێمانی و دەڤەرێن دی یێن كوردستانێ كو پشتی كاودانێن ١٦ ئەكتوبەرێ نەڕینێن خراب بۆ پاشەڕوژا هەرێمێ د ڕوژەڤێدا هەبوون و چەند كارەكتەرێن نەحەز بزاڤا دروستكرنا شەرَێ براكۆژیێ د دا، بەلێ ب سەرەدانا سەرۆكێ حكومەتێ دێ ڕێكێ خوەش كەت بو نەهێلانا ڤێ مەترسیێێ .
هەتا نها دەستەڵاتدارێن مە ئەو گرنگی و سەرەدانێن جەماوەری نەكرینە بۆ دەڤەرا سلێمانییێ، كو ئەوێن ل دەڤەرێن دی دكرن و ب تایبەت ژی بەرپرسێن پارتی دیموكراتی كوردستان كو پارتا دەستهەڵاتدارە . دڤێت ئێدی حكومەت، حكومەتا هەمی پارێزگەه و باژێڕان بیت و هەوڵێن سەرۆكێ حكومەتێ د جهێ خوەدانە بۆ ڤەگەڕاندنا پارتێن سیاسی بۆ بەشداری كرنێ د حكومڕانیێدا. سەرەدانا سەرۆكوەزیران بۆ بارەگایێ سەرەكی یێ گوڕان، بۆ ڤەگەڕاندنا ئێكڕێزییا سیاسی و جڤاكی و نیشتیمانی بوو، د هەمی قوناغاندا دەما ناكۆكی و ئالۆزی دكەڤیتە ناڤبەرا پارتی د گەڵ ئالییەكێ سیاسیدا، نێچیرڤان بارزانی سەرەدانا وی ئالی دكەت و هەتا نها شیایە رۆڵەكێ مەزن بگێڕیت بۆ یێكخستنا ناڤ ماڵا كوردی، سەرەدانا ڤێ دووماهیێی ژی بۆ تەڤ لایەنێن سیاسی، بزاڤەكا ڤرنگ و یەكخستنا وێ كارەكی دژوراە، چونكە پشتی چەندین ساڵا، بۆ یێكەم جارە ناڤبەرا حزبێن سیاسی بگەهیتە ڤی ئاستێ ئالۆز.
نسكۆیا ڤێ جارێ گەڵەك ژ نسكۆیا ساڵا 1975ێ ئالۆزتر و د دەمەكێ زۆرێ هەستیاردایە، لێ ئەز د وێ باوەڕێدامە كوو هەولێن نها یێن نێچیرڤان بارزانی، بۆ رێكخستنا ناڤ مالا كوردی، هەولێن گەلەكێن جددی و پێنگاڤێن گرنگن، نەخاسمە چاڤپۆشی كرن ل گەڵەك خیانەتێن ناڤخۆیی.
نها نێچیرڤان بارزانی د هەولا وێ یێكێدایە كو بەرەیەكێ كوردی یێ بهێز پێكبینیت بو دانوستاندنا دگەڵ بەغدا و پێگەهێ كوردان بهێز بكەت ل سەر ئاستێ نێڤ دەوڵەتی .