زێدەباریتەحەددیاتان ،ئەوامەشیایژنۆبئینینەسەرزمانێکۆمەلگەھانێڤدەولەتی،گشتپرسیاسەرخوەبووناکوردستانێبوو،سەرەرایقەیرانووانپێشھاتیێننویژ ئەگەرێ پێشێلکرنا دەستوورێ عێراقێ ژ لایێ حکۆمەتا ئیتیحادیڤە ، مەپێشوەختشیاپێنگاڤادیموکراسیاگشتپرسیێباڤێژینوبھەڤرکیڤەمەشیادەنگێخوازیارێنئازادیاکوردستانێودەنگێمللەتێکورددچارچۆڤێکورستاناعێراقێدابگەھینینەجیھانێووەکۆبەلگەنامەکاگۆمانتێدانەھەی یا ئازادی خوازانددەستخۆدابھێلین .
ھەناسا ئازادیێ ژلایێ میللەتانڤەناھێتە ھلکێشان حەتا کۆ ئەو میللەت نەکەڤن بەرلەرەلەرا پێلێن داگیرکەرۆ بێ ویژدانان ..!! نەخاسم ھەکە زەمینە بۆ وانا لباربیت کۆ ئەوژی ناھێتە نارۆخساندن ئەگەر نە ئەو دەلیڤین خۆد وان دەرزاندا ببینن یێن کۆ نەھاتینە نویژەنکرن وئەو دەرز ھۆکارن بۆ ھەرفتنێ ...
دەرکرن و وەسفکرنا رویدانێن ١٦ی ئۆکتوبەرێ نەشێت تەنانەت گەرماتیاددلێن سووتیێ ھەر تاکە کوردپەروەرەکێداکێم بکەتوئەو بەرپەربدیتنەکا زانستی و فیزیکیانەوەکۆ تەنەکێ رەشە،کۆ ھەمی رەنگێن روناکیێ ھەلمێژینە وملیۆنەھا چاڤێن چاڤەرێ بێ بەھرکرینە ژ دیتنا وان تیرۆشکێن کو ژ کەرەما خۆدایێ دلۆڤان ، دسرۆشتیدا ھاتینە ئافراندنێ ...
بتنێ یا سەیر لدەفمن ئەوبوو بچ بیروباوەرەکێ زەمینە ھاتبوو رۆخساندنێ بۆ دەستکاریکرنێد چارەنڤیسێ مللەتەکێ کو دچەندین کاوداناندا ئەوبخۆ ھاتیە تاقیکرن و نموونا ئازادی و پێکڤەژیانێ دلاپەرێن مێژووێدا چەسپاندیە ؟؟؟ ...بمخابنیڤە بویەر رویدان ، لێ یا گرنگ ئەوە ڤەدانا بەرپەران دنھادابجە بھێلین و رێکخستنا ئێکرێزیا ناڤمالا کوردی ژ ھەر پێنگاڤەکا دی فەرترببینین .
یا خۆیایە بەغدا ئەوە یێ بسپونسەریا تەھرانێ کاراکتەرێن خۆلگۆرەپانێدا دلڤینیت وبسەرکەفتی لقەلەم ددەت ...!! واتە چۆ بەھایێ بۆ لایێ بەرامبەرنادانیت کۆ شریکێ راستەقینەیە د عیراقا نویدا وئەڤرۆ پشتی ڤان نووھاتیان ، نەتەویێن ئێکگرتی و ھەمی وەلاتێن دونیایێ دبینن حکۆمەتا ھەرێمێ ھەلگرێ پەیاما ئاشتی و روینشتنا لسەر مێزا گفتگۆیێ و دان و ستاندنێ ودیالۆکێ و پابەندبوونا بدەستوورێ عێراقێیە ھەتا کۆ بەغدا تیبگەھیت ژ رژدی و جددیەتا ھەماھەنگیێ سەبارەت ھەر پرسگرێکەکێ، ...، لێ نەھاتنە پێشا حکۆمەتا ناڤەندی رژدیا وانا لسەر بەردەوامیدانا سیاسەتا تائفەگەریێ و خۆ فەرزکرنێ گۆمانێ د نیاز خرابیێدا ناھێلیت و بباوەریا من عەبادی لبەرامبەر ئەزموونا پابەندبوونا بدستوورێ عێراقێ شکەستنێ دئینیت و لئایەندەکێ نێزیکدا دبینین .
ئەوا ھەژی گووتنێیە بەغدایێ لدەسپێکا ڤان بۆیەران ، بۆیاغێن یاسایی بکارئینان دبریارێن کۆ دەردکرن ، پشتی کۆ پرۆژێن دارشتیێن خۆ د دیفاکتوێدا لژێر دەسھەلاتا پەرلەمانیدا ب پرانیا ئەندامێن پەرلەمانی لسەر بنەمایا کەمینە و زۆرینە ( ئەوا دژی بنەمایا لھەڤھاتنێ کۆ ئەم دگەل وانا لسەر ئەوا ڤی دوماھیێ رێککەفتبووین ) دەربازدکرن ،سەرپشک کرنا سەرۆکێ حکۆمەتا عێراقێ کۆ دھەمان دەمدا سەرۆکێ ھێزێن چەکدارە جۆرەکێ دی یێ دۆژمنکاریێبوو ژ ئالیێ پەرلەمانیڤە کۆ رێدایە عەبادی بۆ ھاڤێتنا ھەر پێنگاڤەکێ ببەھانا پاراستنا ئێکپارچەییا عێراقێ وسەپاندنا ھێزێ و نەچارکرن ورادەستکرنا داھاتێن ھەرێمێ پشتی نیازا کونترۆل وسەرپەرشتیکرنا داھاتێ دەرگەھێن سنووری و داھاتا فرۆکەخانان بھەڤکاریا وەلاتێن دەورۆبەر و بریاردانا راوەستاندنا دان و ستاندن و سەرەدەریا بانکا ناڤەندی دکەل بانک و لقێن لھەرێمێ ھەین سەبارەت دراڤێن بیانی دناڤا ھەرێمێدا ... و ھتد ، ئەڤان پێرابووێن تعسفی و سەختێن سەر ھەرێمێ غرورا وانا زێدەکریە ، نەخاسم لڤی داویێ ژئالیێ خۆڤە تەفسیرو شرۆڤەکا نەراستەقینە دکن بۆ دیباجە و ماددە و برگەیێن دارشتی دوی دەستۆرێ کۆگرێبەستەکا کۆمەلایەتی وسیاسیە وتەڤایا لایەن وپێکھاتیێن عێراقێ پێکڤە گرێدایە ، ھەروەسا بەغدا بھەولا ڤەقەتاندنا پارێزگەھێن ھەرێمێ و چاندنا ھزرا حکۆمەتا رزگاریا نیشتمانی د مێشکێ تاکە کەسێن وەلاتیێن مەداو ھاندانا نەتەوەیێن دی بۆ دژایەتیکرنا کوردان و بھەلکرنا چریسکا ئاگریو بئەقلیەتا لۆژیکا ھێزێ دێ کار کن بۆ گەھشتنا مەرەمێن خۆ .
ھەکە ئەم ئەڤرۆ ژنێزیکڤە تەماشەی رەوشتێ نارەوایێن ھێزێن وان یێن چەکدار بکەین لناوچێن ناکووکی لسەر ژبلی کریارێن دویر ژھەمی رەوشتێن نەمرۆڤایەتیێ ئەوا دەر حەقێ وەلاتی و کوردێن خەلکێ کەرکووکێ و دەورۆبەراندا دھێتە کرن ، ژبلی زالبوونا ھزرا شوفینی و تائیفەگەریا ھێزێن چەکدارێن وانا دبینین کۆ کریارێن نارەوایێن وانا ئێدی حەتا ژەنگا بریارێن وانژی تەحەممولا وی بۆیاغا یاساییژی نەمایە ئەوا کۆ وەکۆ میکانیزمەکێ بکار دئینان بۆ گەھشتنا مەرەمێن دۆژمنکاریێن خۆ . لەورا ھەستیاریا سەرەدەری دگەل ڤان پێشھاتیان پێتڤیبوونا ئێکرێزی و ئێکدەنگیێ بۆ مە نیشاددەت و ب وی رێکخستنا کوردستانی ئیرادا ڤی میللەتی دێ موکۆمتر بیت و گۆمان دگەھشتنا ئارمانجا پیرۆز لداھاتیدا نابیت .
دیسان ئەڤە دەمەکە نیازا تەفسیر و راستڤەکرنا دەستووری دھزرا واندا سەرھلدایە ، لەورا ئەوا بشێن یێن د گرنە بەر ژ پێخەمەت بالکێشان ھزرۆبیرێن کوردستانیان و بەرفرەھکرنا دەرزێن دناڤا لایەنێن سیاسیێن ھەرێمێ کۆ راستەوخۆ کارتێکرنێ دکەت سەر گۆشەیێن ھەیکەلێ دامەزراندیا ڤی کیانا دەستووریا باوەرپێکریدا ، ئەو ڤی چەندێ وەکو ئالترناتیڤەکێ بکار دئینن بۆنەھێلانا فیدرالیەتا ھەرێما کوردستانێ ، گرێدانا وانا بوان مەرجێن ھاتینە چەسپاندنێ بۆ ھەموارکرنا ماددە و بەندێن دەستوورێ عێراقێ ئەوێن دماددێن ١٢٦ و ١٤٢ ێ ژ دەستوورێ عێراقێ ئاماژە پێ ھاتینەدان، دێ بەردەوامیا وانا لسەرھەول و پێکولان زێدەتر کەت و دێ زیادەرەویێ کەن لەورا خوین رشتن و لڤاندن وکۆمکرنا ھێزێن سونی مەزھەب وپێشھاتیێن نادیدە وچاڤەرێ نەکریێن دیترورەنگڤەدانا وی سیاسەتا شاشا حکۆمەتاعێراقێ ژبیرکرینە لێ ئەڤ غرورە زێدەتر ڤی یاریا شەترەنجێ د بەرژەوەندیا واندا راناگریت .
راستە بخۆفەرزکرنا بەغدا،نۆکە ژ چەند روویانڤە ئەنجامێن زێدەباش د ھاوکێشا مەدا پەیدا ناکەتو بداگیرکرنا ناوچەیێن ناکووکی لسەر،زڤرین ھەبوویەبۆ سەردەمێ ژبەری شەرێ داعشێ و بۆ سەردەمێ پشتی رووخانا رژێما بەعسا ژناڤچوویا عێراقێ لسالا ٢٠٠٣ یێ ،لێ پرۆبابیلیتیا (احتمال ) وی چەندێ ھەیە ژئەگەرێ ململانیا ئەمریکا و ئیرانێ ، حکۆمەتا عێراقێ ژ نەچاریڤە براوەستاندنا لخالەکێدا بەلانسا ڤی ململانێ راگریت و چدیزیادەرەوییێ ددیفاکتوێدا (ڕمرالواقع) نەکەتلەوا لباوەرێمە ئەوژی دێ تۆشی کارتێکرنێن نیگیتیفبن چ ژلایێ ئیرانێ یانژی ھەڤرکێت ویڤە .
برۆل نەگێرانا ئەمریکا د ڤی بابەتیدا کۆبۆ مە ببو جھێ پسیارێ ؟؟ بەغدارەھاییا دەسھەلاتا خوە برەوا دیت و دیاربوو ئیران تا رادەکا باش مفاداربوو ، لەورانۆکە بۆریفۆرمکرنێ ئەمریکا پشتەڤانێ پێنگاڤێن حکۆمەتا ھەرێمیە بۆ دانوستاندنا فعلی و دڤێت جۆرە بەلانسەکێ پەیداکتڤە و بدابینکرن و پاراستنا مافێن کوردان ددەستورێ عێراقێدا دووبارە بدەستێ عەبادی پشتەڤانیا کوردان بۆ خۆدێ عەبادی بۆ ھەلبژارتنێن داھاتیێن عێراقێدا یێن مەھا نیسانا سالا ٢٠١٨ ێ مسۆگەر کت چنکۆ دزانیت ئەو رێککەفتنێن ھاتینە کرن و رویدانێن کەرکووکێ کۆ نموونەکا ھەرە زیندیبوو د دەستێوەردانا ئیرانێ دکارۆبارێن دەولەتێن جیراندا، تەنانەت پشتی داگیرکرنا کەرکووکێژی دیاربوو ئیرانێ نیازا پشتگیریێ نینە بۆ چارەسەرکرنا گرفتێن ھەرێمێ دگەل ناڤەندی لێ ئەمریکا و ئێکەتیا ئەورۆپا پشتەڤانن بۆ دانۆستاندنا ھەرێمێ دگەل بەغدا، بڤی چەندێ ئەمریکا دێ چالاکیێن ئیرانێ سنووردارکەت و باشتر ژ بارودۆخێ نۆکە ئەم دێ پێنگاڤان بەرەڤ پێش ھاڤێژین .