دەستور وەک مێنویەکێ بۆ ئیراقێ
November 20, 2017
وتار و بیروڕا
![دەستور وەک مێنویەکێ بۆ ئیراقێ](https://gulanmedia.com/public/old_images/nusaran/karwan-bady.jpg )
دەستوورێ نوی یێ ئیراقێ تا رادەیەکی ماف و ئازادی تێدا هەنە و ئێکە ژوان دەستووران ل روژهەلاتا ناڤین خەلکی بەشداری د هەلبژاردنا وێدا کری و ٨٠% خەلکێ ئیراقێ دەنگ بۆ دای و بۆیە دەستوورێ هەردەمێی یێ ڤی وەلاتی، ئەڤ دەستوورە ناهێتە هەموارکردن ئەگەر ب دووبارە ریفراندومەکا دی نەبیت وەک یا بەرێ ل سالا ٢٠٠٥ێ بۆ هاتیەکرن، هەروەسا دەوڵەت و دەسهەلاتدار نێی رایا گەلی کۆ ب راپرسی دبیت نابیت دەستکاریا هیچ برگەیەکێ تێدا بکەت.
کارێ دادگەها فیدرالیژی بتنە شرۆڤەکرنا دەستووریە هەروەسا ئیکلایکردنا کێشەیێن دەستوورییە نەک گوهرین یانژی ب حەزا خۆ شرۆڤەکرنا دەستووری.
سەرباری ڤێ هەمی چەندێ دەستوور هەر ژ دیباجێ و تا دوماهێی هەموو ئێک پاکەجە، برگە و مادەێێن وێ پێکڤە گرێداینە و نابیت هیچ مادە ە برگەیەکا وێ بهێتە پشتگوهاڤێتن یانژی راوەستاندن و کار ب چەندەکێن دی بێتەکرن، دەما سەرۆکێ حکومەتا هەرێما کوردستانی نیچیرڤان بارزانی د کونفرانسێ خۆ یێ رۆژنامەڤانیدا ئاماژە ب جیبجیکرنا دەستووری کری مەرەم ژێ ئەوبوو کۆ هەموو بێتە جێبەجێکرن نە بتنێ ئەو مادەیێین د بەرژەوەندیا بەغدادا بن پێداگریێ سەربکەت و یێن پەیوەندی ب مافێن کوردانڤە هەین بنپێ بکەت
دەستووە وەک مێنویەکێ ددەستێ بەغدادا
سەرۆکێ حکومەتێ ئاماژە ب وێ چەندێ کر بەغدا هەر برگە و مادەیەکا د بەرژەوەندیا وێدابیت بجهی ئینایە و یێن دی پشتگوه هاڤێتینە وەک وێ جەندێ سەرەدەرێێ دگەل مێنویەکێ بکەت و ب حەز و بەرژوەندیا خۆ مادەیان ژێ هەلبژێریت، دەما ئەم بەحسا دەستووری دکەین کۆ هەر ئەو دەستوور دبژێت دڤیا بەری ٨ سالان کەرکووک دەڤەرێن کێشەلسەر ئێن ناڤبەرا بەغدا و هەولێرێدا بهاتبا نجه ئینان لێ نەهاتیە جێبەجێکرن، دڤیابا هەموو ساڵان رێژەیا ١٧% بۆدجەیا ئیراقێ بۆ هەرێمێ هاتبا هنارتن لێ نەهاتیەکرن و بەکو ل سالا ٢٠١٤ وەرە ب ئێکجاری پارە و موچەیێ فەرمانبەرێن کوردستانی هاتینە برین و خەلکێ هەرێمێ توشی قەیرانەکان مەزن کریە، دڤیابا موچە و چەکێ پێشمەرگەی وەکی ددەستوورێ ئیراقێدا هاتی کو ئێکە ژ پێکهاتەیین بەرەڤانیا ئیراقێ هاتبا دابینکرن لێ نە بتنێ نەهاتیە دابینکردن مە دیت دەما وان ب تانک و توپان هێرشکریە سەر پێشمەرگەی، سەرباری وان هەمیان کوردستان دیسانژی داخازا جێبەجێکردنا دەستووری دکەت و ئامادەیە بۆ هەر پێنگاڤەکا ئەرێنی دڤی بیاڤیدا، لێ داخازا سەرۆکێ حکومەتا هەرێما کوردستانێ بۆ پشکداریپێکرنا لایەنێ سیێ د دانوستانێن دگەل بەغدادا مانایا وێیە کو کرد لسەر حەقن و رەتکرنا پشکداریا لایەنێ سێی ژلایێ عەبادیڤە مانا وێیە کۆ ئیراقێ گەلەک سەرپێچیین دەستووری دەرهەقی خەلکێ کوردستانێدا کرینە و ب ئامادەبوونا لایەنێ سیێ دە هەمی سەرپێجێین وان هێنە ئاشکەراکرن کۆ بونە ئەگەر ژوان ئەگەرێن کوردێن هەرێما کوردستانێ داخازا جۆدابوونێ بکەن و ریفراندومێ ئەنجام بدەن.