زێدەتر سەد سالایە خولکێ کوردستانێ د رێکا شۆرەش و سەرھەلدانان خەباتێ ژ پێخەمەت ئازادی و رزگاری و سەرخۆبوونا کوردستانێ دکەت ، ئەگەرێن گرتنا ڤان رێکان ، ژبەر ھەلکەفتا کوردستانێ یە دناڤ دەسھەلات و جڤاکێن توند ڕەو و شوفینی و رێکێن شارستانی بۆ داخازیێن مافێن نەتەوی و نشتیمانی سەرناگرن چونکی ڤان رژێمێن داگیر کەر باوەری بمافێن مللەتان نیە ژبلی نەتەوێن خۆ . پشتی چەندین سالێن خەبات وقوربانیێن خەلکێ باشوورێ کوردستانێ ، ڤان سالان دەرفەرتا ئازادی و رزگاریا ئێکجاری زۆر نێزیک بوو ، لەوما ل ٢٥/٩/٢٠١٧ خەلکێ باشوورێ کوردستانێ د راپرسیەکا دیموکراسی و ئاشتیانەدا ب پرانیا دەنگیان بریارا سەرخۆبوونێ دا . ئەڤێ پروسێ دەرفەرت رژێمێن داگیر کەر خۆشتر کر ھەمی رێکا بگرنەبەر بۆ ژناڤبرنا پلانا سەرخۆبوونا کوردستانێ .
ئەڤان رژێمان دزانی ب رێکێن یاسایی و دەستووری نەشێن دژی بەرھەلستیا خەلکێ کوردستانێ بکەن ، پەنا برە بەر راکێشانا ھندەک بەرپرسێن نەبەرپرس دناڤ ئێکەتیا نشتیمانی کوردستان بۆ داگیرکرنا کەرکووکا دلێ کوردستانێ و دەڤەرێن دیکە یێن کوردستانی . ھەرچەندە ئەڤ پلانا رژێما شیعەگەریا عیراقێ بەری دەمەکێ درێژ ب سپونسەریا وەلاتێ ئیرانا بناڤ ئیسلامی یا دارشتی بوو بۆ داگیرکرنا کوردستانێ و ژناڤبرنا دەسکەفتێن کوردستانێ ، لێ ڤی گرۆپێ خیانەتکاریێ دناڤ وێ حزبا دیارکی رێخوشکەر بوون بۆ سەرگرتنا پیلانا دۆژمنان ژبۆی ھندەک دەسکەفتێن ماددی و مانەڤا وان د کۆپیتکا دەسھەلاتا وێ حزبێ پشتی مرنا سکرتێرێ گشتیێ وان ، ژلایەکێ دی ئەڤ خیانەتکاری ھەتا وی رادەی بوونە داردەستێن داگیرکەرا کۆ کوردستانێ بفرۆشن و شانازیێ ژی ب خۆفرۆشیا خۆ بکەن و بووینە گوشتیل ددەستێ رژێما داگیرکەرا ئیرانێ و عیراقا تائیفی .
رەنگە ئەڤ داگیرکەرە بەھانا بۆ ڤێ خیانەتا خۆ ببینن ل د بنەرەت دا ئەڤە پیلانەکا دارشتی ژلایێ دوژمنان ، چونکی پلانا سەرخوبوونا کوردستانێ برەنگەکێ مۆکۆم دگەل وەلاتێن زل ھێز ژلایێ سەرۆک بارزانی ھاتبوو دارشتن و گاڤێن سالێن بەرێ ب رێک و پێکی ب ئەنجام گەھشتن , ئەگەر ئەڤ خیانەتە نەبا گاڤا دووماھیآَ ژی کۆ راپرسیی بوو دا سەرگریت و سەرخۆبوونا کوردستانێ دەمەکێ زوو دا ھێـە راگەھاندن و جیھان ژی دا پێشوازیێ لێ کەت . نھو ژی پشتی پیلانا داگیرکەر و وەلات فرۆشا ب تمامی سەرنەگرتی وەک سەرھەلدانەڤا شەرێ ناڤخۆیی و دوو ئیدارەرنەڤا ھەرێما کوردستانێ و پێشمەرگەھێن کوردستانێ ب مەردانە بەرووکێن لەشکرێ ھەردوو وەلاتێن عیراق و ئیرانێ گرتی و ل چەند بەرەیان داستانێن مەزن تۆمارکری و زیانێن مەزن گەھاندی یە دۆژمنان ، ئەز باوەرم ب حیکمەت و سیاسەتا سەرۆک بارزانی دوو بارە ھەرێما کوردستانێ ل دەمەکێ زوو دێ ڤێ قووناغێ دەرباز کەت و ھژمارەکا سەرکردە و وەلاتێن جیھانێ یێن دۆستێن کوردا دێ دەست ب بزاڤێن سیاسی کەن بۆ پشتەڤانیا کوردستانێ و دەرکرنا ھێزێن داگیرکەر ل کوردستانێ . چونکی بالادەستیا شیعەگەریێ ل دەڤەرێ ل ئاییندەکێ نێزیک دێ کاریگەریەکا زۆرا نیگەتیڤ لسەر پەیوەندێن وەلاتێن ھەرێمی کەت و مەترسیا شەرێن نیڤ دەولەتێ ھەیە لسەر ھزرا مەزھەبیا ل دەڤەرا رۆژھەتا ناڤین ئەڤەژی مەترسیە لسەر ئاسایشا جیھانێ .
لەوما پێتڤی یە خەلکێ کوردستانێ دڤێ رەوشێ دا ھەدار ھەبیت و بەرژەوەندێن جیھانێ دگەل بەرژەوەندێن گەلێ کوردستانێ و بێ شک ل دەمەکێ نێزیک دێ رێک ل بالادەستیا ئیرانێ ل عیراقێ ھێتە گرتن و رێک پێ ناھێتە دان عیراق وەکی لبنان و یەمەن لێ بھێت . بۆ خەلکێ کوردستانێ ژی دیار بۆ ئەڤ خیانەکا ڤی گرۆپی دگەل وەلات و مللەتێ خۆ کری دژی سەرخۆبوونا کوردستانێ و بەرژەوەندێن خەلکێ کوردستانێ بوو و ئەڤرۆ یان سوباھی دێ گەھنە سزایێن خۆ یێ یاسایی و حکومەتا ھەرێما کوردستانێ ل سالێن بووری پەیوەندیێن دبلۆماسی و ئابووریێن مۆکۆم داناینە د دەلیڤێن تەنگێن وەک ئەڤرۆ دا کوردستانێ دەرباز بکەت و نیشانێن وێ چەندێ ھەر نھو دیار بوونە و لدەمێن نێزیک دا باشتر دێ دیار بن .