سەد ساڵە ، عێراق بە ھەرٍەشە و چەکی کۆمەڵکوژ وەڵامی مافەرەواکانی کورد دەداتەوە ..
October 17, 2017
وتار و بیروڕا
![سەد ساڵە ، عێراق بە ھەرٍەشە و چەکی کۆمەڵکوژ وەڵامی مافەرەواکانی کورد دەداتەوە ..](https://gulanmedia.com/public/old_images/nusaran/87822083_204854790611060_7594954535404044288_n.jpg )
مێژووییەکی دوور و درێژە و شارانەوە نییە ، ھەر کام لە رژێم ودەسەڵاتەیەک لەدوای یەکەکانی عێراق ، ھەموو جۆرە تاوان و پیلانگیرییەکیان لە دژی میللەتەکەمان ئەنجامداوە بۆ ئەوەی لەگەیشتن بە مافەرەواکانمان بە بێشمان بکەن و لە گەیشتن بە ئامانجەگەورەکە کە سەربەخۆیی و ئازادی خاک و سەروەریمانە بەڵارێمان ببەن . "بەڵێ" بۆ سەربەخۆیی، لە دژی ئەو بارو دۆخە نا بە جێ یەی سەدان ساڵە بەسەریدا سەپێنراوە، یاخیبوونە دژی ئەو تەورانەی بە نیازن تا ھەتایە لق و پۆپمان بشکێنن، یاخی بوونە دژی ئەنفال و بردنی کچانی گەرمیانم، یاخی بوونە دژی ئەو دەستانەی وەک کۆت فێرن بە گەردنمان و ناھێڵێن بە ئارەزووی خۆمان ھەناسەش بدەین. دەکرێت ھەوڵ بدەین لە بانگەشەی ڕیفراندۆمدا کە ئەزمونێکی زۆر تازەیە بۆ میللەتی کوردی چەوساوە، پەیامی مرۆڤ خوازی و دیموکرات خوازی و ئاشتی و پێکەوە ژیان و پەیامی یاخی بوونمان لە ستەم و داگیر کاری و لە زەوتکردنی خاکی وەک گەوھەرمان، نیشانی ھەموو میدیا جیھانییەکان بدەین، چونکە بێگومان لەگەڵ دەست پێکردنی بانگەشەی سەربەخۆیی چاوی میدیا جیھانییەکان دەکەوێتە سەر ھەرێمی کوردستان و دەبێتە وەرچەرخانێکی مێژویی ناوچەکەش .داگیرکەران ونەیارانی کورد باش دەزانن کە بریاری ئەمجارەی گەلی کورد بۆ " بەڵی"، بۆسەربەخۆیی کوردستان جیابوونەوەی یەکجاریی و جێھێشتنی ھەموو نەھامەتییەکانە ، چۆن لە رابردوو باجی ئازادیخوازی و سەروەرییداوە ئێستاش ئامادەیە بۆ " بەڵێ" بۆ سەربەخۆیی کوردستان باج و خوێن و گیانی ببەخشێت و خۆراگری لە ھەمبەر ئابڵوقەی ئابووری رژێمی ئێستای بەغدا بکات تا راگەیاندنی دەوڵەتی سەربەخۆیی کوردستان..
کورد لە پێناو گەیشتن بە مافەرەواکانی دەیان ساڵە قوربانیی دەبەخشێت تا گەیشتن بە ئامانجەگەورەکەی و پاراستنی دەسکەوتەکانی ھەمووکات ئامادەیە خوێن وگیانی خۆی فیدا بکات. ھەموو جیھان شاھیدە تەنیا لە ماوەی سێ ساڵی رابردوو لە شەرٍی جیھانی درندەترین دوژمنی مرۆڤایەتی ١٨٠٠ شەھیدی لە پێناو خاکی کوردستان و ئازادی مرۆڤایەتی بەخشییووە و ھەموو دونیا شانازیی بەناوی کوردوپێشمەرگە دەکات . لە رووی مافی مرۆڤ و مرۆڤدۆستییەوە باوەشی بۆ زیاتر لە ٢ دوو میلیۆن ئاوارەکردەوە ، ناوچەکەی لە گەورەترین کارەساتیی مرۆڤایەتی پاراست.ئەوروپا و ڕوسیا و ئەمریکا دەڵێن ئێمە ڕێز لە بۆچوون و بڕیاری چارەنووسسازی گەلی کورد دەگرین ئەگەر بێت و داوای سەربەخۆییش بکەن . لە ساڵانی ڕابردوو پەیوەندی ھەرێمی کوردستان لەگەڵ دەرەوە زۆر پێشکەوتنی بە خۆیەوە بینی بێگومان ئەمەش بە ھەوڵ و کوششی سەرۆک بارزانی بووە کە توانی دۆستایەتییەکی زۆر لەگەڵ وڵاتانی ڕوژئاوا و ئەوروپا لە ڕووی سیاسی و ئابووری و سەربازی فەراھەم بکات بۆ ئەو بەڵێنە گەورە و پیرۆزەی بە گەلی کورد داوە کە ئەویش (سەربەخۆییە) کە مافیکی ڕەوای گەلەکەمانە بھێنێتە دی گەلی کورد قوربانیەکی زۆری داوە بۆ ئازادی و سەرفرازی و رزگاربوون لە دەستی بێگانە و نەیارانی کورد، کەچی وەکو پێویست ڕێز نەگیراوە لەو قوربانیدان و خوێنڕشتنەی لە عێراق داویەتی. ھیچ متمانەیەک بە عێراق نەماوە کە کورد بە سەربەستی و ئازادی بژی، کەوایە بۆچی کار بۆ سەربەخۆیی و نەکەین؟ بۆچی برابەشی عێراق بیت لەکاتێکدا، ئەو ھیچ مافێک بەگەلی کورد نابەخشێ، تاکەی چاوەڕێ بکەین