پشتی ئەنجامدانا راپرسیا سەرخۆبوونا کوردستانێ ل ( ٢٥ ) ئیلۆنا ٢٠١٧ عیراق و وەلاتێن جیرانێ دلتەنگ و نەرحەت بوونە ، ھەرچەندە بەری ئەنجامدانێ ڤان وەلاتان دیارکربوو ڤێ راپرسیێ ب یاسایی ناناسن و دان ب ئەنجامێن وێ ناکەت .
ھەرچەندە ئەگەرێن ئەنجامدانا ڕاپرسیێ حکومەتا عیراقێ بوو ژبەرکۆ دەمێ چەند سالایە د بوارێن سیاسی و یاسایی و دەستووری و لەشکری و دارایی و ئیداری دژبەریا کوردستانێ دکەن و ھەرێما کوردستانێ ب خەلک و دەسھەلاتڤە ب مافێن خۆ یێن ڕەوا بێ بەھر کرن . ئەڤ دژبەریە گەھشتە وی ئاستی کۆ کوردستان بەرەڤ سەرخۆبوونێ و راپرسیێ بچیت ، پشتی ئەنجامدانێ و سەرکەفتنا دەنگێن بەلێ ب رێژەیەکا ھەرە بلند کۆ زێدەتر ل (٩٢% ) ێ بوو ، ل جھێ ھندێ ژبەکۆ پیرۆسەیەکا دیموکراسی و ئاشتیانە بوو رێزێ ل ئیرادا خەلکێ کوردستانێ بگرن . ھەمی بنەمایێن مرۆڤایەتیێ و جیرانەتیێ بن پێ کرن و دەست ب گەف و داخۆیانیێن دژوار کرن . دژبەریا وان گەھشتی وی ئاستی پەنایێ ببەنە بەر وەلاتێن جیرانێن عیراقێ بۆ گەماروودانا کوردستانێ ژلایێ ئابووری و سیاسی . لێ سەرەرای گەف و گاڤێن ڤان وەلاتان دژی کوردستانێ ، سەرکردایەتیا سیاسی یا کوردستانێ ھەتا نھو بەرسڤا وان نەدایەڤە و داکۆکی لسەر ئەنجامدانا دیالۆگێ دکەت رەنگەکێ ئاشتیانە . ئەڤەژی پێنگاڤەکا ھەرە ئەرێنی یە کوردستان دھاڤێژیت و دێ بیتە ئەگەرێ پشتەڤانیا جیھانێ بۆ کوردستانێ بەرەڤ سەرخۆبوونێ .
دڤێرەدا ئانکۆ گەڤێن عیراقێ و وەلاتێن تورکیا و ئیرانێ وەسا دیار دبیت یێن ھزرەکا مەزن ل کوردستانێ دکەن و دزان ئەڤ گاڤا سەرخۆبوونا کوردستانێ یا بێ بنەما و رێکخۆشکەر نەبوویە و ئەوێن دزانن ئەڤ پرسە لسەر ئاستێ عیراقی و ھەرێمی دەرچویە و بوویە پرسەکا جیھانی و نیڤ دەولەتی ، ئەگەر نە ، ڤان وەلاتان بڤی رەنگی دژبەریا راپرسی و سەرخۆبوونا کوردستانێ نەدکر . بێ دەنگیا کوردستانێ ژی دیسان دیار دکەت کۆ سەرۆک بارزانی ئەوێ رێبەریا سەرکەفتنا ڤێ پرۆسێ کری و دکەت دلنیایێ ددەتە خەلکێ کوردستانێ لسەر بجە ھاتنا مەرەبا راپرسیێ کو سەرخۆبوونە . دیسان ھەلویستێ حکومەتا ھەرێما کوردستانێ یێ ڤان رۆژان دیار دبیت ب سەرۆکاتیا سەرۆکێ حکومەتا ھەرێما کوردستانێ ، حکومەتا ھەرێما کوردستانێ ژبلی ھەلگرتنا پەیاما ئاشتیانە و دیموکراسیانە و پێکڤە ژیانێ بۆ گەھشتنا خەلکێ کوردستانێ ب مافێن خۆ یێن رەوا و ئاڤاکرنا دەولەتا کوردستانێ ژلایێ ئابووری و دارایی ، ھەمی پێشبینی کرینە و وەناکەن ھەرێما کوردستانێ بکەڤیتە د قەیرانەکا ئابووری و دارایی دا و بۆ ھەر ئەگەرەکێ خۆ بەرھەڤ کریە و دێ شێت بۆ دەمەکێ درێژ خۆ برێڤە ببەت ، ئەڤەژی بۆ مە وەکی کورد جھێ شانازیێ یە کو حکومەتا مە ئەڤ ھەمی بەرھەڤیە کربن . لەوما پێتڤی یە خەلکێ کوردستانێ ب گەشبینی ڤێ رەوشێ بھەلسەنگینیت و ببینیت و باوەریەکا مۆکۆم ب سەرکردایەتیا خۆ ھەبیت و ئەڤ گەفێن دھێنە کر ندێ بنە فاکتەرێ زووتر بجە ھاتنا ھیڤیا خەلکێ کوردستانێ بۆ سەرخۆبوونێ . چونکی چەند گاڤ زێدەتر و دژوارتر بین لسەر ئاستێ جیھانێ پشتەڤانی دێ بھێزتر و زێدەتر بن . چ ھزرا بۆ ڤان گەفا نەکەن . ھەر وەکی کورد دبێژن ( سە دڕەویت کاروان دبووریت ) . ئەو چەند گەفا بکەت کاروانێ سەرخۆبوونا کوردستانێ زوورتر دێ گەھیتە قووناغێ .