تورکیا یەک ژ وان ولاتایە کو ماوەیەکە بەردەوام گەفێن گرتنا رێکێن جودا جودا ل هەمبەر هەرێما کوردستانێ دکت وەک پەرچەکردارەک دژی گشتی پرسی وراگەیاندنا دەولەتە کوردی لێ ئەوا جهێ پرسیارێ ئەوە ئایا ب راستی تورکیا چەند دشێت وان پێنگاڤا باڤێژیت ؟و ئایا رەنگڤەدانا وان بریار و پێنگاڤا دێ لسەر تورکیا بخوە چەند گران راوەستن ؟هەلبەتە ئەگەر بەرسڤا ڤان پرسا هندەک ب لوجیکیانە بدەین دێ بەرچاڤ رونیەک ل هەمبەر مە پەیدا بیت کو ئایا دێ چەند ئە کریارێن تورکیا دکت یان بکت دێ تورکیا بەرب ب چ ئاقارەکی بن ژ وان

۱ـ تورکیا د رێکا دەری ئیبراهیم خەلیل را دەروازەیەکێ مەزنە بو هنارتنا ب بهایێ ملیارا دولارا ژ کالایێن تورکی بو هەر یەک ژ ولاتێن کوردستان و عێراق و بگرە بو ولاتێن کەنداڤا عەرەبی ژی و گرتنا ڤێ رێکێ دێ زیانەک نەچاڤەرێ کری توشی ئابورێ تورکیا کت
۲ـپتر ژ هزار کومپانیێن تورکی ل کوردستانێ مژویلی بەرهەم ئینانێ نە و هەر یەک ژ ڤان کومپانیا سەدان کارگوزارێن تورکی لێ مژویلی کار کرنێ نە و پچرانا پەیوەندیا دگەل کوردستانێ ئەنجامێ وێ دێ زور گران لسەر ڤان کومپانیا راوەستیت و ئەڤ کومپانیە هەموو دێ بن بارگرانی ل سەر حکومەتا تورکیا و دێ فشارەکا دی بن لسەر بارێ ئابوری و پەیدا بوونا ژمارەکا زور یا بێکارا ل تورکیا کو ژبلی کێشەیا ئابوری دبیت تورکیا توشی کێشێن ئەمنی ژی ببت
۳ـدەرباز کرنا بوریا نەفتا هەرێما کوردستانێ ل سەر خاکا تورکیا را کو لگورەی هندەک ژێدەرا تورکیا بەرامبەر هەر بەرمیلەکا نەفتێ(۳) دولار ا وەردگریت و گر تنا ڤێ بوریێ نەک دێ کارتێکرنێ ل ئابورێ تورکیا کت بەلکو تورکیا ل گورەی رێکەفتنێ دێ نەچار کت بهایێ وێ زەرەرا ب کوردستانێ دکەڤیت بدت
٤ـتورکیا د بکار ئینان و سود وەرگرتن د بوارێ وزێ دا پشت بەستنەکا زور ل سەر وێ نەفت و غازا کو ژ هەرێمێ دچیت یان دێ چیت هەیە لەوما گرتنا رێکا هناردەکرنا ڤێ وزێ تورکیا نەچار دکت بیر ل دیتنا بازارەکێ دی و بهایەکێ دی بکت بو بدەست خستنا وزێ
ئەڤە وەک نموونە لسەر گەفێن لسەر ئابورێ تورکیا
ژبلی ڤان کێشەیەکا دی ل تورکیا مسوگەر دێ رودەت ئەگەر هەر پێنگاڤەکا سەربازی ل دژی کوردستانێ بهاڤێژیت ئەو ژی ئازراندنا ۲٠ ملیون کوردێن باکور کو دێ ئەڤ یەک تورکیا توشی قەیرانەکا مەزن ژ هەموو ئالیان ڤە کت
لەورا ژی پێنگاڤێن تورکیا دژی هەرێما کوردستانێ تەواو دژی بەرژوەندیێن تورکیا نە لەوما ژی نها تورکیا هندە تەنگاڤە و هەموو گەف و بزاڤێن وێ و گەفێن ئوردوغانی پێخەمەت هندێ نە کو سەرکردایەتیا کوردی ب تایبەت جەنابێ با رزانی بەرسڤا وی بدت بو هندێ کو شەرعیەتێ بدت هەر پێنگاڤەکا دهاڤێژیت لەوما ژی سەرکردایەتیا سیاسی و سەروک بارزانی ب تمامی دزانن کا ئوردوغانی چ مەبەستە لەوما بێ دەنگی هەلبژاردیە و ئەڤ یەک تەمام ئوردوغان خستیە ژێر فشارێ