نێچیرڤان بارزانی وەکی سەرۆکێ حکومەتا ھەرێما کوردستانێ ، د ئەرکێن خۆدا یێن ڤان سالا پلان و بەرنامێن درێژخانە یێن ئابووری داناینە کۆ خزمەتا دۆزا سیاسی و نشتیمانی بکەن ل کوردستانێ ، ئەڤە نیشانێ بلیمەتیێ و باوەری بخۆ ھەبوونێ یە . شارەزایێ ئەمریکی دکتۆر سێس فراتز مان شارەزا ل کاروبارێن رۆژھەلاتا ناڤین د راپورتەکا خۆدا بەحسێ نێچیرڤان بارزانی سەرۆکێ حکومەتا ھەرێما کوردستانێ دکەت ، دەربارەی رەوشا پشتی راپرسیا سەرخۆبوونا کوردستانێ و ھەلویستێن عیراقێ وە وەلاتێن جیران . من نەڤێت بوحسێ ناڤەرۆکا وێ راپۆرتێ بکەم ژبەرکۆ ھاتیە بەڵاڤکرن و من ل مالپەرێ ھەکار نێت خاندی یە . لێ ئەوا من دڤێت بێژم کۆ نێچیرڤان بارزانی برەنگەکێ گشتی دوان داخۆیانیان دا یێ دووربین بوویە و خۆ راگریا خەلکێ کوردستانێ دیارکریە وخەلکێ کوردستانێ ژی پێشبینی دکەت ئەمریکا ئەمریکا رێگریێ ل ھەمبەر گەفێن سەر کوردستانێ و گرتنا سنوورا ژلایێ تورکیا بکەن .
دڤێ راپورتێ دا دیار دبیت کۆ بەرنامێ سیاسی و نشتیمانیێ کوردستانێ یێ راپرسی و سەرخۆبوونا کوردستانێ ، یێ ب پلان و دارشتی بوویە و ئەڤ ھەمی ئەگەرێن نھو ھاتینە پێش لبەرچاڤ گرتینە لێ خەلکێ کوردستانێ لھەمبەر وان دێ خۆ راگریت و ل دووماھیێ سەرکەفتن بۆ خەلکێ کوردستانێ چونکی خەلکێ کوردستانێ خۆ لھەمبەر ئەنفال و کیمیاباران و جینۆسایدێ گرتیە . ئەگەر تورکیا سنووران بگریت ژی زیانێن مەزن دێ گەھنە تورکیا ژلایێ ئابووری و بازرگانی .
ژلایەکێ دی ئەڤ راپۆرتە دووربینی و باوەری ھەبوونا نێچیرڤان بارزانی ب دۆزا سیاسیا کوردستانێ و خەلکێ کوردستانێ دیار دکەت و ھەلگرێ پرۆژەیەکێ ئەرێنی و دارشتی یە دڤان واران دا و پابەندبوونەکا زۆرا مۆکما سەرۆکێ حکومەتێ ب خاک و خەلکێ کوردستانێ ھەیە و بڤان پرۆژێن خۆ پشتەڤانیا نیڤ دەولەتی و ھندەک وەلاتێن بھێزێن ھەرێمێ دابین کریە ژوانا وەلاتان میرنشینا عەرەبیا سعۆدی ،
لدیڤ تێگەھشتنا من دڤێ راپورتا شارەزایێ ئەمریکی ، تنێ خۆراگری و بێن فرەھیا خەلکی پێتڤی یە و دەمێن کورت یێن پشتی راپرسیێ رەوشا کوردستانێ دێ ئارام بییت و پاشەرۆژا کوردستانێ لدەمەکێ نێزیک دێ ئاسۆیێن گەش بخۆڤە بینیت کۆ لدیڤ حەز و ئارمانجێن خەلکێ کوردستانێ بن ، ژوانا ئارمانجا راپرسیێ کۆ سەرخۆبوونا کوردستانێ . چونکی ئەڤ پرۆسا خەلکێ کوردستانێ ل بیست وپێنجێ ئیلۆنێ سازدای پرۆسەیەکا دیموکراسی و ئاشتیانە بوویە لدیڤ بنەمایێن یاسایێن نیڤ دەولەتی و مافێ مرۆڤ و دەستوورێ ھەردەمێ عیراقێ . بۆ مەژی وەکی کورد جھێ شانازیێ یە خودان ئەڤ سەرۆک و سەرۆک حکومەتە بین کۆ بیشێن بڤی رەنگی داکۆکیێ ل بدەستڤەئینانا ماف و ئارمانجێن خەلکێ کوردستانێ بن و کەسانێن دووربین و ژ ھەمی لایان ڤە . بەرامبەر گەف و پیلانێن دۆژمن و نەیاران خۆ رابگرن و رەوشێ د بەرژەوەندا خەلکێ کوردستانێ دا دابلەنگینن و پلانێن وان لسەر ئاستێ جیھانێ ژی دەنگڤە بدەن و شارەزایێن بیانی ل دوورترین جە باوەری پێ ھەبیت و جھێ رێزگرتنێ بن .