پەیڤا رێفراندۆم ب رامانا(گەرانەڤە)دێت،واتە گەرانەڤە بو خەڵك،هەر ژبەرهندێ ل سەردەمێ نوێدا رێفراندۆم بویە جهێ گرنگیپێدانێ کو هەمی دەولەتێن پێشکەفتی پەنایێ بو دبەن ب مەرەما پشکداریکرنا خەلکی لسەر ئەڤ پرسێن چارەنڤیس کو پەیوەندی ب ئەڤانەوە هەیە وەکو رێفراندۆما سکوتلەندا کو خەلکێ وێ هەرێمێ ب شێوەیەکێ ئاشتیانە چەندین جار پەنا بریە بەر رێفراندۆمێ بو دیارکرنا چارەنفیسێ خوە،هەروەسا جەنابێ بارزانیش خەلکێ کوردستانێ ب هەمی پێکهاتەیێن نەتەوەیێ و ئولی وە سەرپشكکرینە ل بیست و پێنجی ئەیلونێ چارەنفیسێ خو ئێکلا بکەن ب رەنگەکی دیموکراسی و مەدەنی و ئاشتیانە بریارێ لسەر چارەنفیسێ خوە بدەن...
هەژی گوتنێ یە ل نهادا گەلێك پرسیار ژلایێ چاڤدێرێن سیاسی دهێنە کرن کو ئارمانجا رێفراندۆما ئەیلونێ چییە؟ئەگەر ئەم ب شێوەیەکێ زانستیانە بەرسڤا وێ پرسیارێ بدەین تنێ ئێك پەیڤ بەسە بو بەرسڤدانا وێ پرسیارا جەوهەری لسەر پرۆسا رێفراندۆمێ،ئەویش تنێ دەولەتا کوردستانێ یە،ب رامانەکا دی ئارمانجا سەرەکی یا رێفراندۆما ئەیلونێ ئاڤاکرنا دەولەتا کوردستانی یە،هەر ژبەرهندێ جەنابێ بارزانی ل چەندین کونفرانس و گوتارێن خودا بەحسی دەولەتا کوردستانی کریە کو دەولەتەکا فیدرالی و دیموکراسی و مەدەنی دبیت،ئانکو ب شێوەیەکێ راستەراست دبێژتە مە ئارمانجا رێفراندۆما کوردستانێ ئاڤاکرنا دەولەتەکا کوردستانی یە کو هەمی پێکهاتەیێن نەتەوەیێ و ئولی ل ڤێ دەولەتێدا ب ئازادانە و سەربەستیانە دژین و هەمی مافێن وان یێن رامیاری و کومەلایەتی و کەلتوری ل دەستورێ داهاتویێ دەۆلەتا کوردستانیدا دهێنە بەرچاڤکرن و گرەنتی کرن،هەر ژبەرهندێ ئەم ب پێدڤی دزانین کو بێ دوو دلی بێژین ئەنجامدانا رێفراندۆما ئەیلونێ ئاڤاکرنا دەولەتا کوردستانی یە کو دیموکراسیەت و فیدرالیەت دێ بنە بنەمایێن سەرەکی یێن وێ دەولەتێ...
هەروەسا جەنابێ بارزانی ب شێوەیەکێ ئاشکرا راگەهاندییە ب هیچ رەنگەکی تیرۆر و توند و تیژی و توندرەوی و نەژادپەرستی جهێ وان ل دەولەتا کوردستانیدا نابیتەڤە،لەوما هەمی پێکهاتەیێن نەتەوەیی و ئولی پشتەڤانیا پێنگاڤێن جەنابێ بارزانی دکەن بو سەرخستنا رێفراندۆمێ،ئانکو هەمی پێکهاتەیێن نەتەوەیی و ئولی گەهشتینە وێ راستی یێ ب ئاڤاکرنا دەولەتا کوردستانێ هەمی مافێن وان دهێنه دەستەبەرکرن و پاراستن..
ب شێوەیەکێ گشتی بومە دیار دبیت کو ئارمانجا رێفراندۆما ئەیلونێ ئاڤاکرنا دەولەتا کوردستانی یە،کو ئەڤ دەولەتە دەولەتەکا دیموکراسی و فیدرالی و مەدەنی دبیت،دەولەتەک دبیت کو مافێن هەمی پێکهاتەیێن نەتەوەیی و ئولی تێدا بهێنە بەرجەستەکرن و پاراستن و گرەنتی کرن،دەولەتا کوردستانی دەولەتەك دبیت پێکڤەژیان دبیتە سیمایێ وێ یێ سەرەکی،ئانکو هەمی پێکهاتەیێن نەتەوەیی و ئولی ب ئازادانە و سەربەسیتانە دژین،هەروەسا دەۆلەتەك دبیت ب هێچ رەنگەکی تێرور و توند و تیژی و توندرەوی و نەژادپەرستی جهێ وان لە دەولەتا ئایندەیا کوردستانی نابیتەوە،لەوما ب پێدڤی دزانم ئەم هەمی خەلکێ کوردستانێ پشتەڤانیا پێنگاڤێن جەنابێ بارزانی بکەین بو سەرخستنا رێفراندۆمی کو ئارمانجا وێ رێفراندۆمێ تنێ ئاڤاکرنا دەولەتا کوردستانی یە،کو هەمی مافێن پێکهاتەیێن نەتەوەیی و ئولی تێدا دهێنە پاراستن و گرەنتی کرن...