مللەتێ کورد وەکی هەمی مللەتێن دی یێن جیهانێ ئەو ماڤ هەیە کو بریارێ لسەر چارەنفیسێ خوە بدەتن،واتە بریاردان لسەر چارەنڤیسێ خو مافێ سروشتی یێ مللەتێ مەیە،ژبەرهندێ خەلکێ کوردستانێ ب سەرپەرشتیا جەنابێ بارزانی بریارا خویا ئێکلاکری ل بیست و پێنجی ئەیلونێ چارەنڤیسێ خوە ئێکلابکەن کو دگەل عێراقێ جودابنەڤە یان بمێنەڤە...
ل راستیدا مللەتێ مە ئەڤرۆ پێدڤی ب ئێکرێزی و ئێکدەنگی یێ هەیە بو سەرخستنا پروسا رێفراندۆمێ ،ب غەمگینیەوە کو ئەم وێ راستی یێ دبێژین ئەوا ئەم ئەڤرۆ دبینین دووبارەبوونا دیروکێ یە،ب رامانەکا دی ئەگەر ئەم سەحکەینە دیروکا مللەتێ مە هەردەم ناکوکیێن ناڤخویی و خیانەتا ناڤخویی بوونە ئەگەرێ هندێ کو گەلەك شورەشێن مللەتێ مە توشی شکستنێ بن و ژوان ژی شورەشا شێخ مەحمودێ حەفید باشترین نمونەیە کو وێ راستی یێ بومە دسەلمینیت،هەر ژبەرهندێ ل وی دەمێ هوسا گرنگ و قوناغەکا هوسا هەستیاردا نابیت ناکوکیێن ئالیێن سیاسی کارتێکرنێ ل هەلویستێ خەلکێ مە بکەتن،ئانکو دبیت ئەم هەمی ب هەستەکێ نەتەوەپەروەرانە و ب گیانەکێ نیشتیمانپەروەرانە پشتەڤانیا جەنابێ بارزانی بکەین بو سەرخستنا رێفراندۆمێ،چونکی جەنابێ بارزانی داخازیێن وەلاتێن زلهێزێن وەکو ئەمریکا و ئیران و تورکیا بو پاشخستنا رێفراندۆمێ رەتکرینە،ئانکو جەنابێ بارزانی مللەتی خو سەرپشک کریە کو ل بیست و پێنجی ئەیلونێ چارەنڤیسێ خو ئێکلابکەن بێ هێچ گڤاشتنەکا ناڤخویێ و دەرەکی بریارێ لسەر چارەنڤیسێ خوە بدەن..
دیروك دادڤانێ ددەت هەردەمێ مللەتێ مە ئێكرێز و ئێكدەنگ بیت سەرکەفتنێن مەزن و دەستکەفتێن مەزن ب دەستخوەڤە ئیناینە،باشترین نمونەش بو ئێکرێزی و ئێکگرتنا مللەتێ مە بەرەیێ کوردستانێ یە کو هەمی حزبێن سیاسی یێن کوردستانی ل سالا ۱۹۸۷ ل بەرەیەکی نیشتیمانی کومبونەڤە و مل ب ملێ ئێکودوو ب ئێکرێزی و ئیکدەنگی خەبات و تێکوشان دکر بو گەهشتنا مللەتی ب مافێن خویێن سروشتی و بنەرەتی،هەر ئەف ئێکرێزی و ئێکدەنگیا مللەتێ مە بویە ئەگەرێ هندێ کو خەلکێ مەیێ نەتەوەپەروەر و نیشتیمانپەروەر ل سالا ۱۹۹۱ رژیما بەعسا دیکتاتور ل کوردستانا پیرۆز و رەنگین دەربێخینێن،هەروەسا ئەف ئێکرێزی و ئێکگرتنا مللەتێ مە بویە ئەگەرێ دامەزراندنا حکومەتەکا کوردستانی و پەرلەمانەکێ کوردستانی،هەر ژبەرهندێ دیروك وێ راستی یێ بومە دبێژیت کو هەردەم ئێکرێزی و ئێکگرتنا مللەتێ مە سەرکەفتنێن مەزن و دەستکەفتێن مەزنتر دەستخوەڤە ئیناینە،بویە مە ئەڤرۆش بو سەرخستنا رێفراندۆمێ ب شێوەیەکی باش پێدڤی ب ئێکرێزی و ئێکدەنگی یێ هەیە،نابێت ناکوکیێن ئالیێن سیاسی کارتێکرنێ ل هەلویستێ خەلکێ مە بکەت لسەر پرۆسا رێفراندۆمێ...
بەروڤاژی دیروك دادڤانێ ددەت نەبوونا ئێکرێزی و ئێکدەنگی یێ مللەتێ مە توشی کارەسات و دەردەسەریێن مەزن بووینە،هەروەسا هەبوونا ناکوکیێن سیاسی دناڤبەرا حزبێن سیاسی گەلەك دەستکەفت و سەرکەفتنێن مەزن ژناڤبرینە،بەردەوامبوونا ناکوکیێن حزبێن سیاسی پشتی دامەزراندنا حکومەت و پەرلەمانێ کوردستانێ بوونە ئەگەرێ سەرهەلدانا چەندین شەرێن نافخویی کو بێجگە کاولکاری ودەردەسەری و کارەساتێن مەزن و لێکترازانا نافمالا کوردی چ تشتێ دی بو مللەتێ مە نەئیناینە،هەر ژبەرهندێ دیروک بوومە دوو تشتێن گرنگ دیاردکەت کو ئێکرێزی و ئێکدەنگیا مللەتێ مە چ سەرکەفتن و دەستکەفتێن مەزن دەستخوەڤە ئیناینە،لێ بەروڤاژی دیروک وێ راستی یێ بومە ژی دبێژیت کو نەبوونا ئێکرێزی و ئێکدەنگیا مللەتێ مە چ کارەسات و کاولکاری و دەردەسەری توشی مللەتێ مە بووینە،بویە ئەڤرۆ بو سەرخستنا پرۆسا رێفراندۆمێ مە پێدڤی ب ئێکرێزی و ئێکدەنگی یێ هەیە،چونکی ئازادی و سەرخوەبونا مللەتێ مە ل ئێکرێزی و ئێکگرتنا مللەتێ مەدایە.
ئێگرتنا مللەتێ مە ل دەمەکێ هوسا گرنگ و قوناغەکا هوسا هەستیاردا پێدڤیەکا حەتمی یە،چونکی ئەم چەند ئێکرێز و ئێکدەنگ بین سەرکەفتنێن مەزن و دەستکەفتێن مەزن دێ دەستخوەڤە ئینین،لێ بەرۆڤاژی ئەم چەند ئێکرێز و ئێکدەنگ نەبین دێ توشی کاولکاری و دەردەسەریێن مەزن بین،هەر ژبەرهندێ دڤێت ئەم ئێکرێز و ئێکدەنک بین،چونکی ئێگرتنا مللەتێ مە گرەنتی ددەتەمە بو سەرکەفتنا پروسا رێفراندۆمێ،لەوما نابێت ژبەر هندەك ناکوکیێن سیاسی دناڤبەرا حزبێن سیاسیدا نافمالا کوردی پەرت و بلاڤ ببیت.
لەورا نابیت ئەم وێ دەلیفەیا زێزین و دیروکی دەستخوە بدەین،بویە دبیت حزبین مەیێن سیاسی ب ئەرکێ خویێ نیشتیمانی رابن کو ئەوژی ئێکرێزی و ئێکدەنگیا حزبیێن سیاسیە لسەر پرسێن نیشتیمانی کو رێفراندۆم و سەرخوەبونا کوردستانێ رەهەندەکێ رامیاری و یاسایی و دیروکی و نیشتیمانی هەیە،هەر ژبەرهندێ گازی حزبێن سیاسی دکەم و دبێژمە وان ئەف حزبێن گەل پرۆسا رێفراندۆما سەربخوەبونا کوردستانێ نەبن دیروک دلوڤانی یێ ب وان نابەت،چونکە جهێ خیانەتکارا ل ناف جڤاکیدا نینە...