مللەتێ کورد وەکی هەمی مللەتێن دی یێن جیهانی خوەدان بزاڤ و خەبات و شورەش و راپەرین و دیروکەکا زێرینێن،هەروەسا خوەدان رێبەر و سەرکردە و زانا و بلیمەت و نافدارن،گومان تێدا نینە کو جەنابێ بارزانی ئێکە ژ سەرکردە و رێبەرێ نەتەوەیێ کورد کو نەب تنێ باشورێ کوردستانێ شانازیی پێ دبەن،بەلکو هەمی پارچەیێن دی یێن کوردستانێ ب سەرکردە و رێبەرێ خو دزانن و فەخر و شانازی پێ دبەن....
دیروك دادڤانێ ددەت کو جەنابێ بارزانی هەمی ژیانا خو تەرخانکریە بو شادبونا مللەتێ خویێ زولم و ستەم لێکری ب مافێن خویێ بنەرەتی کو سەربەخویێش ئێکە ژۆان مافان،ئەم هەمی وێ راستیێ دزانین کو بارزانی هەمی هەولێن خو یێن سیاسی و دیپلوماسی خستینەکار بو سەرخستنا رێفراندۆمێ،لێ ب خەمگینیەوە ئەڤرۆ ئەم دبینین هەم لسەر ئاستێ نافخویی و هەرێمی و نیفدەولەتی یەوە گفاشتن هەنە لسەر جەنابێ بارزانی بو پاشخستنا رێفراندۆمێ،بەلێ جەنابێ بارزانێ بێ گوهدانە وان گڤاشتنێن نافخویێ و هەرێمی و نیفدەولەتی یێ رژدە لسەر ئەنجامدانا رێفراندۆمێ ل دەمێ خویێ دیارکری..
ئاخفتن و هەلویستێ جەنابێ بارزانی لسەر سازکرنا رێفراندۆما سەربخوەبونا کوردستانێ دناڤا مانشێتێن سەرەکی یێن رۆژنامەیان جهێ خوە گرتیە،لەوما رژدبوونا سەروک بارزانی لسەر سازکرنا رێفراندومێ ل دەمێ خودا گەلەك وەلاتێن جیهانێ نیگەرانکرینە و هەرژبەرهندێ گەلەك بەرپرس و سەرکردێن وان ولاتا سەرەدانا جەنابێ بارزانی کرینە و داخازا پاشخستنا رێفراندومێ کرینە،ڵێ جەنابێ بارزانی داخازیێن وان بجهـ نەئیناینە و بدەستێ ڤالا ڤەگەراینەوە وەلاتێن خو،بەرچافترینیان سەرەدانا جەیمس ماتیس وەزێرێ بەرەڤانیێ ئەمریکا بوو بو هەرێما کوردستانێ کو جەنابێ بارزانی پێشوازیەکا گەرم لێکر،ل کومبونەکا هەڤپشکدا مسعود بارزانی سەروکێ هەرێما کوردستانێ و جەیمس ماتیس وەزێری بەرەڤانیا ئەمریکا هەردوو ئالیان ب تیر و تەسەلی بەحسێ رەوشا دەڤەرێ ب گشتی و رێفراندوما کوردستانێ ب تایبەتی کر،وەزێرێ بەرەڤانیا ئەمریکا لسەر پرسا رێفراندۆمێ راگەهاند رێفراندۆم دووربو ژ پێشبینیێن ئەمریکا،هەروەسا راگەهاند ئەمریکا ل وێ باوەرێدایە کو رێفراندۆما کوردستانێ ئاستەنڴیان بو شەرێ تێرورێزمێ(داعش)دروست دکەت و ئاریشەیان بو کارێ هاوبەشێ هەردوو ئالی یان دروست دکەت،لێ بەرسڤا جەنابێ بارزانی ئەوەبوو کو کو رێفراندۆم بابەتێکێ شەخسی نینە،بەلکو مافێ گەلێ مەیە بریارێ لسەر چارەنفیسێ خوە بدەن و دگەڵ بنەمایێن مافێ مرۆفی و دێموکراسیەتێ هەڤدژ نینە و ب هیچ رەنگەکێ ئاریشا و ئاستەنگیا بو شەرێ تێرورێ دروست ناکەت،هەروەسا جەنابێ بارزانی لسەر پاشخستنا رێفراندۆمێ راگەهاندبوو کو هەر داخازییەك بو پاشخستنا رێفراندۆمێ دبێت ئەلتەرناتیف بو هەبیت،ئەف ئالتەرناتیفەش دبێت گەلەك بهێزتر بیت ل ئامرازێ رێفراندۆمێ...
هەروەسا مسعود بارزانی سەروکێ هەرێما کوردستانێ ل رێکەفتی ۲۳/۸/۲۰۱۷ کو دبیتە رۆژا سێ شەمبی پێشوازی ل مەولود چاوش ئوغلو وەزێرێ دەرڤەیێ تورکیا کر،ل ڤێ کومبونێدا مەولود چاوش ئوغلو تەکەز کرە سەر پرۆسا رێفراندۆمێ و رژدی لسەر وێ یەکێ کر کو وەلاتێ وی باوەری ب مافێن گەلێ کوردستانێ هەیە و ژ ئێش و ئازارێن وان تێدگەهێت،بەلێ راگەهاند رەنگە ئەنجامدانا رێفراندۆمێ دڤی دەمیدا ئاریشەیان پەیدا بکەت،لێ جەنابێ بارزانی راگەهاند کو رێفراندۆم بریارا گەلێ کوردستانێ یە،ئەف بریارەش مافێکی دیموکراسی و سروشتی یێ گەلێ مەیە..
هەژی گوتنێ یە جەنابێ بارزانی ب هیچ رەنگەکی بەرهەڤ نینە کو رێفراندۆم بهێتە پاشخستن،ئانکو پاشخستنا رێفراندۆمێ ل ئەجێندایێ بارزانیدا نینە،ئەڤەژی بومە دیار دکەت کو سازشکرن لسەر پرۆسا رێفراندۆمێ ل دەف بارزانی نینە،باشترین بەلگەهش بو وێ راستی یێ ئاخفتنەکا جەنابێ بارزانی یە کو دبێژیت" بو ئێك دەقیقە رێفراندۆم ناهێتە پاشخستن"لەورا ئەڤ ئاخفتن و هەلویستێن جەنابێ بارزانی لسەر سازکرنا رێفراندۆمێ ل دەمێ خو یێ دیارکری دا بومە ئاشکرا دکەن کو پاشخستنا رێفراندۆمێ هێچ راستیەك بو نینە و جهێ قبولکرنێ نینە.
هەژی ئاماژەپێدانێ یە پرۆسا رێفراندۆما سەربخوەبونا کوردستانێ بویە پرسەکا حەتمی،دەلیفەکا زێرین و دیروکی هاتیە پێش بو مللەتێ مە کو بریارێ لسەر چارەنفیسێ خوەبدەن،هەر ژبەرهندێ جەنابێ بارزانی ل گەلەك چاڤپێکەفتن و کونفرانساندا ئەفە راگەهاندییە کو ب هیچ رەنگەکی بەرهەڤ نینە ل ژێر هەر گڤاشتنەکا دەرەکی دا رێفراندۆم بهێتە پاشخستن،ئانکو گفتوگوکردن لدەڤ جەنابێ بارزانی لسەر پاشخستنا رێفراندۆمێ جهێ قبولکرنێ نینە،واتە مللەتێ مە ل ژێر سەرکردایەتیا جەنابێ بارزانیدا بریارا خوەدایە کو بیست و پێنجی ئەیلولێ چارەنفیسێ خو ئێکلا بکەن،هەر ژبەرهندێ سازکرنا رێفراندۆمێ ل دەمێ خو یێ دیارکری دا ژلایێ جەنابێ بارزانی بویە پرسەکا نەگور،ئانکو ب هیچ رەنگەکی پاشخستنا رێفراندۆمێ ل ئەجێندایێ جەنابێ بارزانیدا نینە...