چاوه‌ڕێی چیان لێ ده‌که‌ن
سەنگەر مستەفا
ئه‌وان ئێستاش به سێداره و گرتن و ئه‌شکه‌نجه‌دان وه‌ڵامی ئازادی گه‌نجانی کورد له وڵاته‌که‌یان ده‌ده‌نه‌وه.
ئه‌گه‌ر چاوه‌ڕێی ئه‌وه ده‌که‌ن ئه‌و وڵاتانه دان به ماف و خواسته‌کانی کورد بنێن، ده‌بێت١٠٠ ساڵی دیکه‌ش قوربانی بده‌ین هه‌تا نه‌هج و بیرکردنه‌وه و ئه‌و سایکۆلۆژیه‌یان به‌رامبه‌ر هه‌رێمی کوردستان و کورد بگۆڕێت.
خواستی زۆرینەی خه‌ڵکی کوردستان بۆ ئه‌نجامدانی ڕیفراندۆم و سه‌ربه‌خۆیی حه‌تمیه و هیچ پاشگه‌ز بوونه‌وه‌یه‌کی تێدا نیه، بۆیه پێویسته ئه‌و وڵاتانه ئیتر له‌وه تێبگه‌ن گه‌ر بیانه‌وێت هه‌رێمی کوردستان و خه‌ڵکه‌که‌ی به دۆستی خۆیان بزانن، واز له لۆژیکی هێز و دژایه‌تی ئامانجه‌کانی کوردستان بهێنن و وه‌ک ده‌وڵه‌تێکی دراوسێی خاوه‌ن مێژوویه‌کی دێرینی دۆستایه‌تی و پێکه‌وه بوون مامه‌ڵه له‌گه‌ڵ ڕاستیه‌کان و ده‌رئه‌نجامی هه‌وڵه‌کانی کورد بکه‌ن، له‌وه‌ش دڵنیابن که هه‌وڵه دژایه‌تیه‌کانیان هه‌رگیز کورد سارد ناکه‌نه‌وه له وه‌دیهێنانی مافه‌کانی و گه‌یشتن به سه‌ربه‌خۆیی و دروست بوونی ده‌وڵه‌تی کوردستان.
