پاش وێ نەرمی نواندنا پارتی کری بو ئاسایکرنا بارودوخێ سیاسییێ کوردستانێ کو ئامادەبوو بێ مەرج پەرلەمان بهێتە کاراکرن هەمی چاڤ چوونە سەر بزاڤا گوران کا بەرسڤا وێ دێ چ بیت بو وان پێنگاڤێن پارتی هاڤێژتی بو ئاسایکرنا بارودوخێ سیاسیێ کوردستانێ،ب غەمگینیەوە رۆژا شەمبی کو دبیتە رێکەفتی ۱۲/۸/۲۰۱۷جڤاتا نیشتیمانیا بزاڤا گوران زێدەتر ژ حەفت دەمژمێران ل کومبونێدا بوو کو بەرسڤا پێنگاڤێن پارتی بدەتەوە،مخابن د راگەهاندنەکا پێنچ خالیدا داخازا پاشخستنا رێفراندوومێ کر و داخازکر کو هەلبژاردن ل دەمێ خودا بهێنە ئەنجامدان، ل دەمەکیدا هەلبژاردن بابەتێکی سیاسیە گرێدایە ب حزبێن سیاسیەوە،ئانکو هەلبژاردن ئامرازێکی ئاشتیانەیە بو هەڤرکیا حزبێن سیاسی بو گەهشتن ب دەستهەلاتا سیاسی ل ناڤا هەرێما کوردستانێدا،بەلام رێفراندوم پرسەکا نیشتیمانی و نەتەوەیی یە بو دروستکرنا دەولەتێکی بو گەلێکێ ستەملێکراو و ئەنفالکراو و کومەلکوژراو و کیمیابارانکراو،لەوما داخازا بزاڤا گوران بو پاشخستنا رێفراندومی داخازەکا نارەوایە و جهێ خودا نینە،هەر ژبەرهندێ ب هەمی شێوەیەکی نابێت رێفراندوم بهێتە پاشخستن،چونکی پاشخستنا رێفراندومێ ل بەرژەوەندییا داگیرکەر و خوینمێژێن کوردستانێ نە،بویە جهێ حیبەتێ یە بزاڤا گوران داخازا پاشخستنا رێفراندومێ بکەت بو بەرژەوەندیین خو یێن تایبەتی.
هەژی ئاماژەپێدانێ یە کو بەرسڤا پارتی بو داخازا بزاڤا گوران بو پاشخستنا رێفراندومی بەروڤاژی داخازا بزاڤا گوران بو، ب رامانەکا دێ پارتی دگەڵ پاشخستنا رێفراندومێ دا نینە و ب راشکاوانە راگەهاندییە پاشخستنا رێفراندومێ جهێ گفتوگوکرنێ نینە،ئانکو پارتی ب هەمی شێوەیەکی رەتدکەت کو گفتوگو بهێتەکرن لسەر پاشخستنا رێفراندومێ،باشترین بەلگەش پەیوەندیا تەلەفونی ل نافبەرا وەزیرێ دەرڤەیێ ئەمریکا ریکس تیلەرسون و سەروکێ هەرێما کوردستانێ مسعودبارزانی یە،کو لێ وێ پەیوەندیا تەلەفونێدا وەزیرێ دەرڤەیێ ئەمریکا داخازا پاشخستنا رێفراندومێ ل بارزانی کربوو،لێ بەرسڤا جەنابێ بارزانی ئەوەبوو کە چ گرەنتیەك هەیە ژلایە ئەمریکاوە بو چارەنوسێ هەرێما کوردستانێ لەورا جەنابێ بارزانی راشکاوانە ب وەزیرێ دەرڤەیێ ئەمریکا راگەهاند کو ئەم بەرهەڤ نینە رێفراندومێ پاش بخەین بو دەمەکی دی،هەروەسا ئەندامێکێ سەرکردایەتیا پارتی ل بەرامبەر داخازا بزاڤا گوران بو پاشخستنا ریفراندومێ دا دیارکرن کو پارتی بەرهەڤ نەبویە داخازییا ئەمریکا و روسیا و و ئیران و تورکیا و بەغدا بجهـ بینیت بو پاشخستنا رێفراندومێ دێ چاوا دێ بەرهەڤ بێت داخازا بزاڤا گوران بجهـ بینیت بو پاشخستنا رێفراندومێ.
هەژی گوتنێ یە بزاڤا گوران دڤێت یاریا ب دەمێ بکەت هەتا رێفراندوم بهێتە پاشخستن لێ پارتی وەك حزبەکا نەتەوەیی و نیشتیمانی یا رژدە لسەر هندێ کو رێفراندوم ل دەمێ خودا بهێتە کرن،چونکی گەلێ مە روبارەکێ خوینێ بو سەربخوبونێ رژتیە،لەوما نابێت ژبەر داخازا حزبەکا سیاسی کو تا نهاش هەلویستێ وێ ب تەمامی ئاشکرا نینە لسەر رێفراندومێ پروسا رێفراندومێ بهێتە پاشخستن،ژ لایێ من فە تشتەکێ سروشتیە دەولەتێن داگێرکەرێن کوردستانێ دژی سەربەخوبونا کوردستانێ و پاشخستنا رێفراندومێ بن،لێ چو رامان نینە کو هندەك حزبێن کوردی ژبەر بەرژەوەندیێن خوە یێن تایبەت داخازا پاشخستنا رێفراندومێ بکەن،لەوما ب شێوەیەکی ئاشکرا دبێژم ئەوێن دژی رێفراندومێ بن جا هەر بیانویەکێ بیننەوە وەکو دەم نینە،ئەم ژلایێ ئابوری ڤە بەرهەڤ نینە یان خوینمژێن مە سنورا دادخەن دێ شەرمزاری دیرۆکی بن و دیروک دلوڤانیێ ب چو کەسان نابەتن،ئەز هیڤیدارم بزاڤا گوران هەتا روژا رێفراندومێ هەلویستێ خودا بچیتەوە و بهێتە دناڤ رێزێن مللەتیدا،چونکی جهێ خیانەتکارا ل ناڤ جفاکیدا نابیت......