بە داخەوە هەندی کەس هەموو هەوڵێکیان بو کارى چەواشەکارییە ، لە یاساى نێودەولەتیدا دەوڵەت ژینگەی یاسایی و سیاسی پارێزگارى گەلانە ، لە چوارچێوەى دەوڵەتدا شوناس ، مێژوو ، فەرهەنگ ، زمان ، مافە کانى مروڤ ، ڕێورەسمە فەرمییەکانى چونیەتى خو بەریوەبردنى کومەڵگاکان پیناسەدەکرین . لە لایەکى دیکەوە دەوڵەت و حکومەت دوو چەمکى زور جیاوازن : دەوڵەت وەک ئاماژەمپێکردووە ژینگەى پاراستنى گەلانە لە هەر دەستێوەردان و پەلامارێکى نەیاران ، لە کاتیکدا حکومەت بریتییە لەو دام و دەزگایانەى ، کە بو خوبەرێوەبردن دادەمەزرێن ، و بە پیی گەشەکردنى سیاسی ، کومەڵایەتى و ئابورى ، لە ئەنجامى ململانێی ئاشتیانەى سیاسی حکومەتەکان لە جێگورکێدادەبن ، واتە دەولەت جێگیرەو هى سەرجەم هاولاتیانە ، حکومەت بە پیی بەرنامەى حزبەکان و خواستى جەماوەر هەر چەند سالیک ئالوگوردەکرین .
بویە ئەوانەى باس لە بوونى کێشەو گرفتەکانى هەرێمى کوردستان دەکەن و، وەک بیانویەک بو پاساوهێنانى هەلوێستە نانیشتیمانییە کەیان باس دەکەن ، زور بە هەلەدا دەچن ، چونکە بە دامەزراندنى دەوڵەت ، تواناى چارەسەرکردنى قەیران و کێشەکان (١٠) قات زیاتر دەبێت ، بەڵام مانەوەمان لەم سەروبەندەدا بە لکلێنراوى بە دەوڵەتى شکستخواردووى عیراقەوە ، هوکارە بو درێژەدان بە مانەوەى قەیرانەکان وماندوکردنى زیاترى کومەلانى خەڵکى کوردستانە، بویە پێویستە لایەنە سیاسییەکانى هەرێمى کوردستان دور لە بەرژەوەندییە حزبیەکان ، هاولاتیانى کوردستان دلنییابکەنەوە ، کە دەولەتى کوردستان تەنها هەڵبژاردەیە بو کوتاییهێنان بە ژێردەستەیی و زەبروزەنگى داگیرکەران و چارەسەرى بنەرەتە بو سەرجەم کەم و کوڕییە کان.